வெண்பா

தமிழ்நெஞ்சம் புகழாரம் புத்தகம் பற்றி ஒரு பார்வை… ஒரு புகழாரத்தைத் தனிப் புத்தமாக பதிக்க வேண்டுமென்றால் அதன் தரம் எப்படி இருக்கும்? இப்படித்தான் இருக்கும் என்கிறது இந்தத் தொகுப்பு. தித்திப்பே திரண்டு வந்து சொற்களுக்குள் புகுந்து கொண்ட திகட்டாத இனிப்பு.நாவூறும் பாக்களின் நற்கோர்வை காரணம் அதன் சொற்கோவை. எத்தனை வண்ணப் படங்களுக்கு மத்தியிலும் கருப்பு வெள்ளையில் தெரியும் படத்துக்கு தனியானதொரு சோபை உண்டு. பழமை போற்றும் கண்களுக்கு அது களிவிருந்து. Read more

வாழ்வாயே மகிழ்வாக வாழ்த்திடவே பெரியோர்கள்
தாழ்வென்ற நிலையில்லை தளராமல் உழைத்திட்டால்
ஏழ்மையென்னும் நிலையில்லை ஏற்றத்தைப் பெறுவாயே
வீழ்வதெல்லாம் எழுவதற்கே வீறுகொண்டு எழுவாயே.

ஏரோட்டம் இல்லையென்றால் ஏற்றமில்லை செல்வத்தில்
தேரோட்டம் ஓடாது தெம்மாங்கும் கேட்காது
காரோட்ட வாய்ப்பில்லை கஞ்சிக்கும் ஏமாற்றம்
நீரோட்டம் காத்திட்டால் நிச்சயமாய் நன்மையுண்டே.

தொடர் எண் 7. தலைப்பு : இன்சொல். ஊக்கமுடன் வாழ்ந்திடவே உற்றோரும் வாழ்த்திடவே நீக்கமற எந்நாளும் இன்சொற்கள் பேசிடுவாய் தாக்கிடுவார் வன்சொற்கள் தாங்கிக்கொள் நற்பண்பால் வாக்கினிலே மாறாமல் வாழ்ந்திடத்தான் கற்பாயே. கற்பாயே நல்நூல்கள் காப்பாயே பண்பாட்டைப் பற்றிடுவாய் சான்றோர்சொல் பாசத்தில் நல்லுறவாய். வற்றாத கல்வியினை வாழ்நாளில் பெற்றால்தான் சொற்சுவையில் வல்லோனாய் சொல்லாட்சிச் செய்திடலாம். செய்யென்றால் நற்செயல்கள் செய்கின்ற நல்தம்பி பொய்யில்லை உன்னிடத்தில் போற்றுகின்ற நல்லோர்கள் தொய்வில்லா உன்செயல்கள் தோல்வியினைக் காணவேண்டாம் பெய்கின்ற நல்மழைபோல் Read more

தொடர் எண் 6. தலைப்பு : வீரம் வாழ்த்திடவே சாதனைகள் வாழ்நாளில் சாதிப்பாய் ஏழ்மையினை வெற்றிகொள் ஏறுபோல்நீ வீரம்கொள் ஆழ்கடலில் விட்டாலும் அஞ்சாமல் வந்துவிடு வீழ்த்துகின்ற எண்ணத்தை வீறுகொண்டு மாற்றிவிடு. மாற்றிக்கொள் காலத்தின் மாற்றங்கள் நோக்கிடுவாய் ஏற்றுக்கொள் வீரத்தை ஏணியாக்கி வாழ்க்கையினில் வேற்றுமைகள் நீக்கிடவும் வெற்றிகளைப் பற்றிடவும் போற்றிடவும் உற்றாரும் பொங்கிநீயும் நிற்பாயே. நிற்பாயே குன்றாக நேர்மையாக வாழ்ந்திடவே வெற்பாக நீயிருந்தால் வித்தாக மாறிடலாம் கற்றவழி சென்றிடலாம் கண்ணியமும் காத்திடலாம் சுற்றத்தார் மேகமாக சூழ்ந்திடவும் Read more

தொடர் எண் 5. தலைப்பு : நட்பு. கொள்வாயே நண்பர்கள் குன்றாத பண்புடனே உள்ளங்கள் ஒன்றாக ஊர்போற்றும் நட்பினையே பள்ளங்கள் மேட்டினிலும் பற்றுடனே எந்நாளும் தள்ளாத மூப்பினிலும் தாங்குகின்ற ஊன்றுகோலாய். ஊன்றுகோலாய் வாழ்க்கையினில் ஒன்றுபட்டு நிற்பீரே சான்றோராய் நின்றொளிர்க சாதனைகள் செய்திடவே தோன்றுகின்ற துன்பங்கள் தோல்விகளைத் தந்திடினும் தேன்போன்றத் தன்மையுடன் தென்றலாக மென்மைபெற்றே. மென்மையுடன் பேசிட்டால் மேன்மைகளும் பெற்றிடலாம் நன்மைகளும் கிட்டிடவே நட்பினிலே மேம்படுவாய் பொன்னாக எண்ணிடுவாய் போற்றுகின்ற பெரியோர்சொல் ஒன்றுபடு சாதிப்பாய் Read more

தொடர் எண் 4. தலைப்பு : ஏமாறாதே. மாறாத எண்ணத்தில் மாற்றங்கள் வந்தாலும் கூறாதே பொய்களையும் கொள்வாயே வாய்மையினை ஆறாதே சுட்டவடு ஆற்றுவாய் நற்பணிகள் மீறாதே மூத்தோர்சொல் மேன்மையுற ஏற்பாயே. ஏற்பாயே நற்பணிகள் எல்லோரும் ஏற்றமுற ஆற்றுவாயே இன்முகமாய் அல்லல்கள் நீங்கிடவே ஊற்றாக செல்வங்கள் ஊருணியாய் மக்களுக்கு சீற்றமுடன் வாழாமல் சிந்தனைகள் கூடிடுமே. கூடிவாழ நற்பயன்கள் கோடியுண்டு மாற்றமில்லை நாடிவரும் ஏழைகட்கு நல்லுணவைத் தந்துதவு தேடிவரும் திக்கற்றோர் தீர்ப்பாயே துன்பங்கள் ஓடிவரும் ஆறாக ஊராரும் வாழ்த்திடவே Read more

தொடர் எண் 3 தலைப்பு : தம்பி நலமா ? உன்திறனே உன்வாழ்வை உன்னதமாய் சீர்படுத்தும் என்றேதான் நெஞ்சினிலே இன்றேதான் கொள்வாயே நன்றேதான் நம்மனத்தில் நல்லெண்ணம் வேண்டுமப்பா ஒன்றேதான் ஊராக ஓங்கட்டும் நம்வாழ்வே. வாழ்வினிலே ஏற்றமுற வாழ்ந்திடுவாய் அன்பாக ஏழ்மையிலே வாடினாலும் ஏற்றமுற நம்பிக்கை ஆழ்மனத்தில் கொள்வாயே அன்பொன்றே தீர்வாகும் தாழ்மையுடன் சான்றோரின் தக்கவழி ஏற்பாயே. ஏற்பாயே நல்லுரையை எல்லோரும் கேளிரென சொற்படியே செய்திடுவாய் சொல்லாண்டு வென்றிடுவாய் பற்றிடுவாய்ப் பாசத்தில் பண்புகளில் Read more

குன்றாக நின்றிடவே கோலேச்சி வாழ்வாயே
நின்றாடும் சொக்கனவன் நின்வேண்டல் கேட்டருள்வான்
சென்றிடுவாய் திக்கெட்டும் சேர்த்திடுவாய் ஞானத்தை
பொன்பொருளும் சேர்ப்பாயே பூக்கட்டும் உன்திறனே.

திரும்பித்தான் பார்த்திடுவாய் தீர்வுகளைக் கண்டிடுவாய்
இரும்பாக நெஞ்சத்தில் ஏற்றித்தான் வைத்திடுவாய்
கரும்பாகப் பேசிடுவாய் காந்தமாக ஈர்த்திடுவாய்
துரும்பாக எண்ணாமல் தூணாகத் தாங்குவாயே.