தொடர் எண் 6.

தலைப்பு : வீரம்

வாழ்த்திடவே சாதனைகள் வாழ்நாளில் சாதிப்பாய்
ஏழ்மையினை வெற்றிகொள் ஏறுபோல்நீ வீரம்கொள்
ஆழ்கடலில் விட்டாலும் அஞ்சாமல் வந்துவிடு
வீழ்த்துகின்ற எண்ணத்தை வீறுகொண்டு மாற்றிவிடு.

மாற்றிக்கொள் காலத்தின் மாற்றங்கள் நோக்கிடுவாய்
ஏற்றுக்கொள் வீரத்தை ஏணியாக்கி வாழ்க்கையினில்
வேற்றுமைகள் நீக்கிடவும் வெற்றிகளைப் பற்றிடவும்
போற்றிடவும் உற்றாரும் பொங்கிநீயும் நிற்பாயே.

நிற்பாயே குன்றாக நேர்மையாக வாழ்ந்திடவே
வெற்பாக நீயிருந்தால் வித்தாக மாறிடலாம்
கற்றவழி சென்றிடலாம் கண்ணியமும் காத்திடலாம்
சுற்றத்தார் மேகமாக சூழ்ந்திடவும் நல்வாழ்வே .

நல்வாழ்வாய் நம்கடமை நாட்டிற்குப் போரிடலே
எல்லோரும் வாழ்த்திடுவர் ஏற்றமிகு நற்பணியால்
இல்லத்தைக் காத்திடுவார் இந்நாட்டின் மக்களென்றே
வல்லோனாய் எல்லைகளை வாடாமல் காத்திடவே.

வேற்றுமைகள் வேண்டாமே வேறுபாடு தூக்கியெறி
ஏற்கின்ற நற்பணிகள் இன்னல்கள் தந்தாலும்
கொற்றவனாய் நீதியினைக் கோலோச்சு நித்தமுமே
தூற்றுவோரும் தோள்கொடுப்பார் ஊக்கமுடன் வாழ்ந்திடவே.

 முன்னே செல்ல …. தொடரும் 


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

ஆன்மீகம்

அருள் வாக்கியே! அப்துல்காதிரே!

அருள் வாக்கியே அப்துல் காதிரே!
திருப்புகழ் பாடிப் புகழ்சேர்த்த மெய்ஞ்ஞானியே!

வெண்பா வினால் விளக்கேற்றியே
விந்தைகள் தான்செய்த இறைநேசரே!

(அருள்)

எரியென்றே நீபாடித் திரியேற்றி னாய்
அரியணையில் அணையென்றே ஒளிபோக் கினாய்!

 » Read more about: அருள் வாக்கியே! அப்துல்காதிரே!  »

மின்னிதழ்

நிறைய சிந்தியுங்கள் ஹைக்கூ பிறக்கும்

ஹைக்கூ கவிதைகள் எப்படி இருக்க வேண்டும் என்பதில் குழப்பம் வருவதில் அர்த்தமில்லை அவசியமில்லை தேவையுமில்லை. வாழ்ந்த ஹைக்கூ முன்னோடிகள் கவிக்கோ அப்துல் ரகுமான் தி. லிலாவதி, கவிஞர் மித்ரா, நிர்மலா சுரேஷ் போன்றவர்களின் கவிதை களைப் பாடமாக படியுங்கள். நாம் வாழும் காலத்தில் இருக்கின்ற தமிழக மூத்தக் கவிஞர்கள் கவிஞர் அமுதபாரதி கவிஞர் ஈரோடு தமிழன்பன் கவிஞர் அறிவுமதி கவிச்சுடர் கா. ந. கல்யாண சுந்தரம் கவிஞர் அமரன் கவிஞர் வே. புகழேந்தி கவிஞர் அனுராஜ் கவிஞர் இளையபாரதி கந்தகம் பூக்கள் இவர்களின் கவிதைகளைப் படித்து நுணுக்கங்களை கற்றுக் கொள்ளுங்கள்.

பகிர்தல்

சமகால கவிஞர்கள்

தமிழ்நெஞ்சம் பேசுகிறது

வணக்கம்

எங்களுடைய விருப்பமெல்லாம் உலகத்தமிழ் இளம் எழுத்தாளர்கள் மற்றும் கவிஞர்களை ஒன்றிணைத்து அவர்களுக்குக் களம் அமைத்துத் தந்து, உலகத் தமிழர்களுக்கு அவர்களை அறிமுகம் செய்வதே ஆகும்.

 » Read more about: சமகால கவிஞர்கள்  »