உழைப்பாளர்களை உயர்த்துவோம்

I மின்னிதழ் I உழைப்பாளர்களை உயர்த்துவோம்

உழைப்பாளர்களை உயர்த்துவோம்

உழைப்பே என்றும் உயர்வாகும்!
உடலை உறுதி ஆக்கிவிடும்!
தழைக்கும் தொழில்கள் நாட்டினிலே
தளரா உழைப்பின் பலனன்றோ!
பிழைக்கும் ஏழை உடல்வருத்திப்
பெரிதும் உழைப்பர் பசியுடனே!
உழைப்போர் நலனைக் காத்திடுவோம்!
உதவி செய்தே ஆதரிப்போம்!

வயலில் உழைக்கும் விவசாயி
வளத்தைச் சேர்க்கும் உழைப்பாளி!
அயரா துழைக்கும் தொழிலாளி
ஆற்றல் நாட்டின் உயர்வேதான்!
முயற்சி கொண்டே உழைத்திடுவார்!
முனைப்பாய்க் கடமை ஆற்றிடுவார்!
இயற்கை வளத்தைக் காத்திடவே
இணைந்தே உழைப்போம் அனைவருமே!

உரிமை கேட்கும் உழைப்பாளர்
உண்மை வலியைப் புரிந்திடுவோம்!
எரியும் தணலோ வயிற்றினிலே!
ஏங்கும் ஏழை பசிதீர்க்க
நெறியைக் காட்டும் முதலாளி
நீதி காக்க முன்வரட்டும்!
அறிவோம் வளர்ச்சி உழைப்பால்தான்!
அகத்தில் வணங்கிப் போற்றிடுவோம்!

ஓசூர் மணிமேகலை

Categories: மரபுக் கவிதைமின்னிதழ்

2 Comments

V. MADHAVI · மே 4, 2024 at 10 h 02 min

Tamil Literature

சாரதா சந்தோஷ் · மே 4, 2024 at 18 h 11 min

116 பக்கங்களில் நிரம்பி வழியும் தமிழும் தமிழினமும், தமிழ் நெஞ்சம் உழைப்பின் இமயம்.. அனைவருக்கும் வாழ்த்துகள்

மறுமொழி இடவும்

நேர்காணல்

பாவலர் கண்ணதாச முருகன்

புகழ்வரினும் இகழ்வரினும் பூதலமே எதிர்வரினும் புகலென்றும் கண்ணணுக்கே! கருவில் கலந்தாள் ககன விரிவாள் திருவாள் உயிர்ப்பாள் தெற்காள் - தருவாள் உருவால் வடிவாள் ஒலியால் இசையாள் கருத்தாழ்த் தமிழைக் களி! என, உயிராய் மூச்சாய் உணர்வாய் உலகில் மூத்த இளையாள் தமிழன்னையை வணங்கி தமிழ்நெஞ்சம் வழங்கும் இந்த நேர்காணலைத் தொடங்குகிறேன். வணக்கம் வாழும் ஔவை அன்புவல்லி அம்மா. தமிழால் மூத்த தங்களால் இந்த நேர்காணலில் இல் இளையோன் கலந்து கொண்டதில் மற்றற்ற மகிழ்ச்சி அம்மா.

நேர்காணல்

செம்மொழிக் காவலர் சௌமா இராசரத்தினம்

I மின்னிதழ் I செம்மொழிக் காவலர் சௌமா இராசரத்தினம்

இத்திங்கள் ஒரு மிகச்சிறந்த ஆளுமையாளரை நேர்காணல் செய்யவிருக்கிறோம். பள்ளிக்கூடங்களின் தாளாளர், ஒரு எழுபதாண்டு காலத் தமிழ்மன்றத்தின் தலைவர், பன்னாட்டு அரிமா சங்கத்தில் தமிழில் நோக்கத்தை மொழிந்த அரிமா ஆளுநர்,

நேர்காணல்

சோழவந்தான் கவிச்சிங்கம்…

மதுரை என்றாலே நமக்கு நினைவுக்கு வருவது தமிழ். தமிழின்றி மதுரையில்லை; மதுரையின்றித் தமிழின் வரலாற்றை எழுதிவிட முடியாது. இரண்டாயிரம் ஆண்டுகளுக்கு முன்பே சங்கம் வைத்து நம்மொழியை வளர்த்தவர்கள் மதுரை மக்கள். இன்றும் பல்வேறு பெயர்களில் சங்கம் வைத்து , அறக்கட்டளை வைத்து, மன்றங்கள் வைத்து, புலனக்குழு முகநூல்குழுக்கள் வைத்து மொழியை வளர்த்துவரும் மதுரையில் அதன்பெயரிலேயே தமிழ்மதுரை அறக்கட்டளை எனும் பெயரில் ஒரு அறக்கட்டளை வைத்து , மொழிவளர்க்கும் சான்றோர்களுக்குப் விருது வழங்கி , பள்ளி கல்லூரிகளுக்குச் சென்று தமிழ்ப்பற்றை அதிகப்படுத்தும் பணிகளச் செய்துவரும் ஒருவரே இம்மாதச் சிறப்பு விருந்தினர் ஆவார். ஆம் சித்தார்த் பாண்டியன் எனும் புனைப்பெயருடன் வலம்வரும் தூயதமிழ்ப் பற்றாளர் தமிழ்மதுரை அறக்கட்டளை நிறுவுநர் சோழவந்தான் கவிச்சிங்கம் தங்கபாண்டியன் அவர்களுடன் தமிழ்ச்செம்மல் இராம வேல்முருகன் செய்த நேர்காணல் இதோ..