எண்ணங்கள் வளமானால் எழுத்துகள் வசீகரமாகும்

முத்தமிழ் அறிஞர் கலைஞர் கருணா நிதி அவர்களைப் பற்றி ‘மேற்கிலும் மறையாத சூரியன்’ என்ற புத்தகத்தை எழுதியுள்ளீர்கள். அதை எழுதத் தூண்டி யது எது..?

அப்பா தினமும் படித்த முரசொலியும், என்னைப் படிக்கத் தூண்டிய அப்பாவும், கலைஞர் எனும் மகத்தான ஆளுமையும், என் உயர்நிலைப் பள்ளியில் தமிழ் வகுப்பெடுத்த சாவித்திரி டீச்சரும் தான் காரணம். கலைஞரின், உடன்பிறப்புக்கான கடிதங்களில் உள்ளூர் அரசியல் முதல் உலக இலக்கியம் வரை அலசல் இருக்கும். எதிலும் ஒரு தெளிவான பார்வை இருக்கும். ஒரு பக்கம் எழுதவே சோம்பல்படுபவர்கள் அதிகமாகக் காணப்படும் சூழலில், எழுதுவதற்கும். பேசுவதற்கும் சளைக் காத கலைஞரின் உழைப்பு காரணம். இலட்சக்கணக்கானோரை தன் நாவண் மையால் கட்டிப் போட்ட ஆற்றல் காரணம். என்னை இப்போதும் பிரமிக்க வைக்கும் கலைஞருடைய எழுத்தாற்றல் காரணம்.

என் முதல் நூல் கலைஞரைப் பற்றி எனும் போது நெஞ்சம் பெருமிதம் கொள்கிறது.

மேற்கிலும் மறையாத சூரியன்’ என்ற உங்கள் முதல் புத்தக வெளியீடு, அதன் அனுபவம், அதற்கான உத்வேகம்.. எப்படி கிடைத்தது..?

கலைஞரின் நூறாவது பிறந்த நாள் நிறைவையொட்டி, கௌரா பதிப்பகத் தார் ‘நூறு எழுத்தாளர்கள், நூறு நூல்கள்’ என்கிற முயற்சியில் என்னையும் ஒருவ னாசு இணைத்துக் கொண்டேன். ‘கலைஞரைப் பற்றி இதுவரை சொல்லாத எதை நான் சொல்லப் போகிறேன்’ என்கிற மலைப்பு ஏற்பட்டது. ஆனால் கலைஞர் ஒரு தேன் கடல், அதில் என் சுண்டு விரல் நுனியில் பட்ட சிறு துளியை மட்டும் தான் நூலாகத் தொகுத்திருக்கிறேன்.

புத்தக வெளியீட்டு விழா நாள்வரை பதிப்பிக்கப்பட்ட 32 நூல்களில் என் நூலும் ஒன்று அந்த உணர்வுகளை வெளிப்படுத்த என்னிடம் வார்த்தைகள் இல்லை. இந்த நூலுக்காக தன்னிடமிருந்த பல புத்தகங்களைக் கொடுத்து உதவிய அன்பு நண்பர் திரு. நாகேஸ்வரனுக்கும், அவரை 2 அறிமுகப்படுத்திய என் மைத்துனர் திரு. கோபி அவர்களுக்கும் இந்த நேரத்தில் நன்றி சொல்ல கடமைப்பட்டிருக்கிறேன்

கலைஞர் 100/100 விழாவில் கௌரா பதிப்பகத்தாரால் வெளியிடப்பட்ட 32 நூல்களில் என்னுடைய ‘மேற்கிலும் மறையாத சூரியன்’நூல். ஒன்றிய மேனாள் அமைச்சர் திரு ஆ ராசா, மற்றும் பலர்.

கௌரா பதிப்பசு நிறுவுநர் திரு ராஜசேகரன் மற்றும் திமுகவின் திரு சூர்யா கிருஷ்ணமூர்த்தி

உங்களின் உழைப்பும் முயற்சியும் அந்தப் புத்தகத்தின் ஒவ்வொரு வரிகளி லும் மிளிர்கிறது என நான் நினைக்கி றேன். நீங்கள் தமிழ்நெஞ்சத்தில் நிறைய எழுதியிருக்கிறீர்கள். தமிழ்நெஞ்சத்துக் கும், உங்களுக்குமான உறவு எப்படி ஆரம்பித்தது.?

என் உடன்பிறந்த மூத்த சகோதரியாக நான் கருதும் எழுத்தாளர் ருக்மணிம்மா அவர்கள், மூன்று அல்லது நான்கு பேராக இணைந்து சிறுகதை எழுதலாமே என்று யோசனை சொன்னார். இன்னொரு மூத்த சகோதரியாக கருதும் வனஜாம்மா… எல்லோருக்கும் அறிமுகமாகியிருந்த நீங்கள்… என நால்வரும் ‘சக்தி வாய்ந்த ஒரு ‘மையப்புள்ளி’யில் இணைந்தோம். அதற்கு ‘பவர் பாயிண்ட்’ என்று பெயரிட்டோம். ‘கண்ணாடி வளையல்களின் தாலாட்டு’ என்று நம் கதைக்கான முதல் தலைப்பை வனஜாம்மா கொடுக்க, ருக்மணிம்மா முதல் அத்தியாயத்தை ஆரம்பித்து வைக்க ‘தாலாட்டு’டன் நம் கதை ஆரம்பமாயிற்று.

நால்வர் அணி – ‘பவர் பாயிண்ட் குழுமம். (இடமிருந்து வலமாக.. விஜிசிவா, வனஜா முத்துக்கிருஷ்ணன், இரகுநாதன், ருக்மணி வெங்கட்ராமன்

முதல் கதையை நால்வரும் இணைந்து எழுதி விட்டோம். எழுதிய கதையை என்ன செய்வது..? எந்த இதழுக்கு அனுப்புவது..? என்று பல கேள்விகள். ‘யாமிருக்க பயமேன்’ என்று சொல்லி நீங்கள் களத்தில் குதித்தீர்கள். தமிழ்நெஞ்சம் அமின் ஐயாவுடன் பேசி, எங்கள் முதல் முயற்சியைப் பற்றி எடுத்துச் சொல்லி, தமிழ்நெஞ்சத்துடனான உறவுக்கான பல மான அடித்தளம் இட்டீர்கள்.

டிசம்பர் 2022 -ஆம் மாத தமிழ்நெஞ்சம் இதழில், நாம் நால்வரும் இணைந்து எழுதிய முதல் கதை பிரசுரமானது.

நால்வர் இணைந்து எழுதிய முதல் சிறுகதை.. தமிழ்நெஞ்சம் டிசம்பர் -2022 இதழில்.

நால்வரின் எழுத்துப் பயணத்தில் தமிழ்நெஞ்சம் இதழின் பங்கு என்ன.?

நம்முடைய ஒவ்வொரு சுதையும் குறைந்தபட்சம் 14 பக்கங்கள் முதல் அதிகபட்சமாக 21 பக்கங்கள் வரை இருந்தன. அவ்வளவு பக்கங்களையும் ஒவ்வொரு மாதமும் நம் கதைக்காக ஒதுக்கினார் தமிழ்நெஞ்சம் இதழின் ஆசிரியர் திரு அமின் ஐயா அவர்கள். மாதம் ஒரு சிறுகதை என்கிற அளவில், தொடர்ந்து 16 மாதங்கள் தமிழ்நெஞ்சம் இதழில் நாம் நால்வரும் இணைந்து எழுதிய சிறுகதைகள் வெளியாகின. அதற்கு வாய்ப்பளித்த தமிழ்நெஞ்சம் இதழுக்கும், ஆசிரியர் திரு அமின் ஐயாநால்வரும் இணைந்து எழுதிய கதையைப் பற்றிச் சொன்னீர்கள். எந்த வகையில் அது தனித்துவமாக விளங்குகிறது என்று கருதுகிறீர்கள்.?

பல வருடங்களுக்கு முன்னர் குமுதம் இதழில், அப்போது பிரபலமாக இருந்த சில எழுத்தாளர்கள் இணைந்து எழுதிய தொடர்கதை வெளிவந்தது. ஒவ்வொரு வாரமும் ஒரு எழுத்தாளர் சுதையைத் தொடர்வார்.

ஆனால் நாம் எழுதியது தொடர்கதை அல்ல. சிறுகதை. ஒரே சிறுகதையை ஒவ்வொரு அத்தியாயமாக நான்கு பேரும் எழுதினோம். இது நமக்குத் தெரிந்த வரையில் எழுத்துலகில் முதல் முயற்சி.

இது சமூகக்கதையா, காதல் கதையா. த்ரில்லரா, மர்மக் கதையா என்று நாம் நால்வரும் பேசி வைத்துக் கொண்டு எழுதிய கதை அல்ல. அடுத்த கட்டத்துக்கு எப்படி நகர்த்த வேண்டும். முடிவு எப்படி இருக்க வேண்டும் என்பதைப் பற்றியெல்லாம் நாம் விவாதித்ததில்லை.

முடிவு எப்படி இருக்கும் என்று கடைசியாக எழுதுபவருக்கே தெரியாது. மிக மிக சாதாரணமாக ஆரம்பிக்கப்பட்ட காதல் சுதை, முடிவில் த்ரில்லராக மாறியதும் உண்டு. த்ரில்லராக இருக்கும் என்று யோசிக்க வைத்த கதைகள் சுப முடிவு கண்டதுண்டு. நால்வருக்கும் சவாலாக அமைந்த எழுத்துப் பயணம் அது. அந்தப் பயணத்தில் ஓவியர்களும் இணைந்தது பெருமைக்குரிய விஷயம்.

ஆமாம். அதற்கான வாய்ப்பை தமிழ்நெஞ்சம் அமின் ஐயா அவர்களே வழங்கினார்கள்.

‘உங்கள் கதைக்கான ஓவியங்களை உங்களுக்குத் தெரிந்த ஓவியர்களையே வரையச் சொல்லுங்கள். அவர்களுக்கும் வாய்ப்பளிக்க தமிழ்நெஞ்சம் தயாராக இருக்கிறது..’ என்று சொல்லி எங்களை ஊக்கப்படுத்தியவர் தமிழ்நெஞ்சம் அமின் ஐயா அவர்கள்.