தொடர் எண் 5.

தலைப்பு : நட்பு.

கொள்வாயே நண்பர்கள் குன்றாத பண்புடனே
உள்ளங்கள் ஒன்றாக ஊர்போற்றும் நட்பினையே
பள்ளங்கள் மேட்டினிலும் பற்றுடனே எந்நாளும்
தள்ளாத மூப்பினிலும் தாங்குகின்ற ஊன்றுகோலாய்.

ஊன்றுகோலாய் வாழ்க்கையினில் ஒன்றுபட்டு நிற்பீரே
சான்றோராய் நின்றொளிர்க சாதனைகள் செய்திடவே
தோன்றுகின்ற துன்பங்கள் தோல்விகளைத் தந்திடினும்
தேன்போன்றத் தன்மையுடன் தென்றலாக மென்மைபெற்றே.

மென்மையுடன் பேசிட்டால் மேன்மைகளும் பெற்றிடலாம்
நன்மைகளும் கிட்டிடவே நட்பினிலே மேம்படுவாய்
பொன்னாக எண்ணிடுவாய் போற்றுகின்ற பெரியோர்சொல்
ஒன்றுபடு சாதிப்பாய் உற்றதோழன் கரம்கோர்த்தே.

தேனாகப் பேசிடுவார் தீப்பிழம்பாய் நெஞ்சினிலே
வானாகப் போற்றிடுவார் வஞ்சகத்தில் விஞ்சிடுவார்
கோனாக நீயென்பார் குற்றங்கள் நோக்கிடுவார்
தானாக வந்ததையும் தன்னால்தான் வெற்றியென்பார்.

வெற்றியுண்டு நண்பனாலே வேராகத் தாங்குதலால்
பெற்றிடுவாய் ஓங்குபுகழ் பெற்றவர்கள் ஆசியுடன்
சுற்றம்போல் நண்பர்கள் சோர்வினையும் நீக்கிடவே
நற்புகழும் பெற்றிடலாம் நாமணக்க வாழ்த்திடவே.

 முன்னே செல்ல …. தொடரும் 


1 Comment

இமயவரம்பன் · பிப்ரவரி 28, 2021 at 12 h 56 min

‘தேனாக, வானாக, கோனாக….’ – ஓசையின்பம் ஊட்டும் இனிமையான எதுகை; தெளிவுற அறிவுறுத்தும் பாங்கு – மிகவும் சிறப்பாக உள்ளது! படித்தும் பாடியும் மகிழ்ந்தேன்!

இமயவரம்பன்

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மின்னிதழ்

ஹைக்கூ திண்ணை 8

எல்லாவற்றையும் சொல்லுவதல்ல சென். சொல்லியதை விட சொல்லாமல் இருப்பதே மிக அதிகமாக இருக்கும். அப்படிப்பட்துதான் இன்றைய நிகழ்வும்... பூ அரும்பாக, மொட்டாக இருக்கும் போது வணங்குவது போலவும், மொட்டு விரிந்து சிரிக்கும் போது மணம் வீசுவதாகவும், கனியாக பழுத்த போது பசியாற்றுவதாகவும் இருக்கிறது. அப்படியானதுதான் இந்த வாழ்க்கை. பூ அமைதியாக பூத்து, காய்ந்து, கனிந்து பசியாற்றுவது போல நாம் எந்தவித «அகாசுகா» வேலையும் காட்டாமல் தனக்கான பணியை மட்டும் செய்வதே சிறப்பாகும் கண்டதை கண்டபடி சொல்லாமல் கண்டபடியெல்லாம் சொல்கின்றனர். ஒப்பனை செய்து சொல்கின்ற பாவகை அல்ல துளிப்பா. கற்பனையை விற்பனை செய்யும் அங்காடித் தெருவல்ல துளிப்பா உலகம்.

கவிதை

சிறுவர் நலன் காப்போம்!

சிறுவர் நலன்கள் காத்திடுவோம்
சிறந்து விளங்கச் செய்திடுவோம்
மலரும் அந்த மொட்டுகளின்
மகிமை அறிந்து  வாழ்த்திடுவோம்!
சிறகை விரித்துப் பறக்கட்டும்
சின்னஞ் சிறிய சிட்டுக்கள்
இடையில் சிறகைச் சிதைக்காமல்
இருந்து காப்போம் நாம்அவரை!

 » Read more about: சிறுவர் நலன் காப்போம்!  »

கவிதை

நாளை நமக்கும் மூப்பு வரும்!

நாளை நமக்கும் மூப்புவரும்
நரைக்கும் இளைக்கும் அசதிவரும்
இளமைத் தோற்றம் மறைந்துவிட
எவர்க்கும் முதுமை வந்துவிடும்

முதுமை யாளர் – மூத்தவர்கள்
முழுதாய் நமக்காய் உழைத்தவர்கள்
இளமை வாழ்வை நமக்கென்றே
அன்று தொலைத்த பெரியவர்கள்

“பழசு”

 » Read more about: நாளை நமக்கும் மூப்பு வரும்!  »