தொடர் எண் 2.

தலைப்பு : கற்க.

சொல்திறனும் சொக்கவைக்கும் சொல்லாட்சிப் பெற்றிடுவாய்
இல்லார்க்கு எந்நாளும் இல்லையென்று சொல்லாதே.
அல்லல்கள் சூழ்ந்திட்டால் ஆற்றலோடு வாழ்ந்திடுவாய்
நல்லோர்கள் போற்றிடவே நல்வழியில் செல்வாயே.

ஏற்றத்தைப் பெற்றிடத்தான் ஏணியாக ஆசிரியர்
கற்றிடவே பள்ளிக்குக் காலத்தில் சென்றிடுவாய்
உற்றதுணை நண்பர்கள் ஒன்றாகக் கூடுங்கள்
பற்றுதலும் கொள்வாயே பாடங்கள் கற்பதிலே.

கற்பதிலே நன்றாக காத்திடுவாய் நல்லொழுக்கம்
ஏற்றிடுவாய் கற்பனவும் எந்நாளும் நின்றிடுவாய்
பற்றினையே தாய்மொழியில் பாராட்டும் பெற்றிடுவாய்
வெற்றிகளும் கொள்வாயே வேங்கையென நிற்பாயே.

நில்லென்றால் பெற்றோர்கள் நின்றிடுவாய்க் கீழ்ப்படிந்து
சொல்லென்றால் உன்சொல்லே சொக்கிடவே வைக்கட்டும்.
நெல்மணிகள் கொத்தாக நிற்பதுபோல் நின்றிடுவாய்
வெல்லட்டும் உன்வாக்கு செல்வாக்கும் குன்றெனவே.

குன்றாக நின்றிடவே கோலேச்சி வாழ்வாயே
நின்றாடும் சொக்கனவன் நின்வேண்டல் கேட்டருள்வான்
சென்றிடுவாய் திக்கெட்டும் சேர்த்திடுவாய் ஞானத்தை
பொன்பொருளும் சேர்ப்பாயே பூக்கட்டும் உன்திறனே.

 முன்னே செல்ல …. தொடரும் 


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மின்னிதழ்

ஹைக்கூ திண்ணை 8

எல்லாவற்றையும் சொல்லுவதல்ல சென். சொல்லியதை விட சொல்லாமல் இருப்பதே மிக அதிகமாக இருக்கும். அப்படிப்பட்துதான் இன்றைய நிகழ்வும்... பூ அரும்பாக, மொட்டாக இருக்கும் போது வணங்குவது போலவும், மொட்டு விரிந்து சிரிக்கும் போது மணம் வீசுவதாகவும், கனியாக பழுத்த போது பசியாற்றுவதாகவும் இருக்கிறது. அப்படியானதுதான் இந்த வாழ்க்கை. பூ அமைதியாக பூத்து, காய்ந்து, கனிந்து பசியாற்றுவது போல நாம் எந்தவித «அகாசுகா» வேலையும் காட்டாமல் தனக்கான பணியை மட்டும் செய்வதே சிறப்பாகும் கண்டதை கண்டபடி சொல்லாமல் கண்டபடியெல்லாம் சொல்கின்றனர். ஒப்பனை செய்து சொல்கின்ற பாவகை அல்ல துளிப்பா. கற்பனையை விற்பனை செய்யும் அங்காடித் தெருவல்ல துளிப்பா உலகம்.

கவிதை

சிறுவர் நலன் காப்போம்!

சிறுவர் நலன்கள் காத்திடுவோம்
சிறந்து விளங்கச் செய்திடுவோம்
மலரும் அந்த மொட்டுகளின்
மகிமை அறிந்து  வாழ்த்திடுவோம்!
சிறகை விரித்துப் பறக்கட்டும்
சின்னஞ் சிறிய சிட்டுக்கள்
இடையில் சிறகைச் சிதைக்காமல்
இருந்து காப்போம் நாம்அவரை!

 » Read more about: சிறுவர் நலன் காப்போம்!  »

கவிதை

நாளை நமக்கும் மூப்பு வரும்!

நாளை நமக்கும் மூப்புவரும்
நரைக்கும் இளைக்கும் அசதிவரும்
இளமைத் தோற்றம் மறைந்துவிட
எவர்க்கும் முதுமை வந்துவிடும்

முதுமை யாளர் – மூத்தவர்கள்
முழுதாய் நமக்காய் உழைத்தவர்கள்
இளமை வாழ்வை நமக்கென்றே
அன்று தொலைத்த பெரியவர்கள்

“பழசு”

 » Read more about: நாளை நமக்கும் மூப்பு வரும்!  »