தொடர் 58

ஹைக்கூ கானகத்தில் மலர்ந்துள்ள காட்டுமலர் போன்றது. அந்த மலரை அங்கு உருவாக்கியது யார்..? மனிதனா..?! நிச்சயம் இல்லை. இயற்கை..! ஆம். ஹைக்கூவும் இயற்கையின் ஒரு அற்புத சிருஷ்டி எனலாம். எழுதுபவரை மட்டுமல்லாது..வாசகனையும் வசீகரிக்கும் ஆற்றல் ஹைக்கூவிற்கு உண்டு..

ஆம். இயற்கையின் அற்புதப் படைப்பு அந்த கானகமெங்கும் விரவியிருக்கும் மலர்கள், எத்தனை வண்ணங்கள்..

ஒவ்வொன்றிலும் ஏதோ ஒரு வித மணம். காலையில் மலர்ந்த மலர்கள் பலவித வர்ணங்களிலும், இரவினில் மலரும் மலர் வெண்மையாயும் கூடவே.. அதீத மணத்துடனும் படைக்கப் பட்டிருப்பது இயற்கையின் விந்தை. இரவினில் வண்டுகள் எவ்வித சிரமமும் இன்றி அவற்றினை இனங்காண இறைவனால் படைக்கப்பட்டிருக்கின்றன என்று கூட கூறலாம். உண்மையில் ஹைக்கூ அதே போலதான். ஜென் கலந்து தரப்பட்ட ஹைக்கூ அனைவரையும் வசியப் படுத்திக் கொண்டு இருந்த காரணத்தால் தான். மேற்கத்திய நாடுகள் முதற்கொண்டு உலகின் பல நாடுகளிலும் இன்று இலக்கிய உலகில் வரவேற்பை பெற்ற ஒரு கவிதை வடிவமாக ஹைக்கூ வளர்ந்து நிற்கிறது..

ஹைக்கூவை அலங்காரமாக எழுத முயற்சிக்க வேண்டாம். எளிய வார்த்தைகள் போதும்..காட்டுமலரின் எளிமை ஹைக்கூவிற்கு இருக்கட்டும்..

குறைவான வார்த்தைகள் போதுமானது. குறைந்த வார்த்தைகளில் ஒரு விசயத்தை புரிந்து கொள்ள வைப்பது சாதாரண விசயமல்ல. ஹைக்கூ அதைத்தான் செய்து கொண்டிருக்கிறது.

கவிஞர்.பா.உதயக்கண்ணன் அவர்களின் இந்தக் கவிதையை காணுங்கள்..

வீடற்றவன்
நட்டு வைத்த மரம்
கூடு கட்டும் குருவி.

வீடில்லாதவன் அவன். அவன் நட்டுவைத்த மரம் குருவிக்கு வீடாகி விடுகிறது. மற்றவர்களுக்கு உதவட்டுமே என்ற கோட்பாட்டில் தானே பலவும் அரங்கேற்றமாகின்றன. அத்தகையச் செயல்கள் நடைபெறாது போனால் உலகின் சுழற்சி…?!

ஜப்பானியக் கவிஞர் பூசனின் ஒரு கவிதை..

பனி வீழ்ந்த முள்செடி
அற்புத அழகு
ஒவ்வொரு முள்ளிலும் துளி.

பனிக்கால காலை வேளை..ஒரு முள்செடி எங்கும் பனித் துகள் திரண்டு,  அதுவே அற்புத அழகாய் கிறங்கடித்துக் கொண்டிருப்பதை காண்கிறான் கவிஞன். பிறந்து விட்டது ஒரு ஹைக்கூ..

எளிமையான வார்த்தைகள். இங்கு பனித்துளிகளைப் போல கோர்க்கப்பட்டு அழகாய் மிளிர்கின்றன.

அது போல, ஹைக்கூ பிதாமகர் பாஷோவின் கவிதை ஒன்று..

மேகம் சில நேரங்களில்
நிலவை ரசிப்பவனுக்குத் தருகிறது
ஓய்வு..!

எவ்வளவு எளிமை. நிலவை ரசித்து பார்த்துக் கொண்டிருக்கும் போது. மேகம் அதை மறைப்பது, பார்த்துக் கொண்டிருப்பவனுக்கு ஓய்வைத் தருகிறதாம். என்னவொரு சிந்தனை.

இதோ…  தமிழ் கவிதை காட்டும் ஒரு எளிமையைக் காணுங்கள்..

விருந்தினர் கூட்டம்
நிரம்பி வழிகிறது
குழந்தையின் உண்டியல்.

மு.கௌந்தி அவர்களின் இந்த ஹைக்கூ..விருந்தினர் வருகையால் அந்த வீட்டின் குழந்தைக்கு அன்புப் பரிசாக கிடைக்கும் பணத்தால், அக்குழந்தை வைத்திருக்கும் உண்டியல் நிறைவதை சொல்லி நகர்கிறது.

ஹைக்கூ அழகியலோடு படைக்கப்படும் ஒரு அற்புதக் கவி வடிவம். அதன் எளிமையே இன்று அதனை பலரும் நேசிக்கும் வண்ணம் செய்திருக்கிறது என்பதும், பலரும் எழுதத் தூண்டும் வண்ணம் அமைந்திருக்கிறது என்பதும் மறுக்கமுடியாத உண்மை.

இன்னும் வரும்

முன் பதிவு 57


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

கவிஞரேறு வாணிதாசன்

வாணிதாசன் பிரபல தமிழ்க் கவிஞர். தலைசிறந்த தமிழ்க் கவிஞர்களில் ஒருவரும் பாவேந்தர் பாரதிதாசனின் மாணவருமான வாணிதாசன் நினைவு  தினமாக  ஒவ்வொரு ஆண்டும் ஆகஸ்ட் 7 ல் கொண்டாடப்பட்டு வருகிறது.

புதுவை மாநிலத்தின் வில்வ நல்லூர் என அழைக்கப்பட்ட இன்றைய வில்லியனூரில் 22.

 » Read more about: கவிஞரேறு வாணிதாசன்  »

ஹைக்கூ

மலர்வனம் 8

ஹைக்கூ

ஷர்ஜிலா ஃபர்வின்
  1. மழைத்துளிகளை
    சுமந்து கொண்டிருக்கும்
    கார்காலச் சிலந்தி வலை.
  2. இலையுதிர்காலக் கிளை
    தண்டுகளெல்லாம் மின்னுகிறது
    வைகறைப் பனி.
  3. வானத்தில் நாற்று நட
    கால்களைப் கவ்விப் பிடிக்கும்
    சேற்று வயல்.
 » Read more about: மலர்வனம் 8  »

மின்னிதழ்

மலர்வனம் 7

ஹைக்கூ

வஃபீரா வஃபி

01.
தாவும் குரங்கு
நதியில் தலைமுழுகி எழும்
மரக்கிளை

02.
நண்பகல் வேளை
சக்கரங்களிடை சிக்கித் தவிக்கும்
வண்டி நிழல்

 03.

 » Read more about: மலர்வனம் 7  »