தொடர்  57

வண்ணங்களைத் தேடியலையும்
வண்ணத்துப்பூச்சிக்குத் தெரியாது
தன் வண்ணம்.

  • கவிஞர். கழனியூரன்

இந்த கவிதையை கவனியுங்கள். புழுவாய் பிறந்து, பூச்சியாய் மாறி, பறந்து திரியும் வண்ணத்துப் பூச்சி தன் மேனியில் பல வண்ணங்களைக் கொண்டிருந்தாலும், பல வண்ண மலர்களைத் தேடி அலையும். அதற்கு தன் மீதுள்ள வண்ணம் பற்றி அறிந்திட இயலுமா..?! கவிஞரின் பார்வை வண்ணத்துப் பூச்சியை மட்டுமா சார்ந்திருக்கிறது..

பல மனிதர்களின் குணாதிசயங்கள், இயல்புகள் இப்படித்தானே இருக்கின்றன. தன்னிடம் உள்ளதை விடுத்து வெளியில் தேடித் திரிவோர் எத்தனை பேர்..?

பூச்சியின் தேடல் வேறு..?! ஆனால் மனிதனின் தேடல்..?

கவிக்கோ அப்துல்ரகுமான் அவர்களின் இந்தக் கவிதையை பாருங்கள்…

உன்னை மறக்க
மதுவைக் குடித்தேன்
போதையாக நீ வந்தாய்..!

காதலின் உணர்வில் காதலர்கள் ஒருவருக்கு ஒருவர் போதையே.. மனதை மயக்குவதிலும்.. நினைவை சுவாரஸ்யமாக்குவதிலும். ஆனால்

காதல் பிரிவின் துயரில் மதுவை அருந்தினாலும் அங்கும் போதையாக அவளே வந்து நிற்கிறாள், நினைவை ஆக்கிரமித்தபடி..

ஹைக்கூவில் வார்த்தைப் பிரயோகங்கள் எவ்வளவு முக்கியத்துவம் பெறுகின்றன என்பதற்கே இவ்விரண்டு கவிதைகள் இங்கு காட்டப் பட்டிருக்கின்றன. இரண்டின் கட்டமைப்பும் சற்றேறக் குறைய ஒன்றே.

வண்ணமயமான பட்டாம்பூச்சி வண்ண மலர்களைத் தேடி அலைவதும்..

போதையைத் தரும் மதுவை அருந்தி போதை தரும் பெண்ணை மறக்க நினைப்பதும் ஒன்று போலவே காட்சி தருபவை தானே.

ஹைக்கூ இயல்புத்தன்மைக்கு இணக்கமாக எழுதப்படுவது..அதனை உணர்ந்தும் புரிந்தும் எழுதினால் தான் சிறக்கும்.

ஹைக்கூ தன்னைத் தானே வரைந்து கொள்ளும் ஓர் அழகிய ஓவியமாகும். அதன் நெளிவு, சுழிவுகளை அதுவே வரைந்து கொள்ளும். வலிய அதன் மீது எந்தவொரு வண்ணத்தையும் தெளிக்கத் தேவையில்லை..

எளிய அழகும், சிக்கனச் சொற்கட்டும்..

பரந்துபட்ட பார்வையும், ஒவ்வொரு தேடலிலும் புதுப்புது அர்த்தங்களை தன்னுள் இருந்து வெளிப்படுத்தும் ஆற்றலும் கொண்டது ஹைக்கூ..

இதை கவனியுங்கள்..

பறவையை
வரைந்து அழிக்கிறது குழந்தை
அழிகிறது வானம்.

**

தூண்டிலில் சிக்கிய
மீனின் கண்களில்
விடைபெறும் நதி.

  • தக்‌ஷனின்

 

இவ்விரண்டு ஹைக்கூவும் சொல்லி நகரும் விசயங்கள் பல..

குழந்தை வரைந்த ஓவியத்தில் பறவையை அழித்தாலே போதும்..வானமே அழிந்து விடுகிறது..

தூண்டிலில் பிடிபட்ட மீனின் கண்களிலோ..அதை பிரிந்த நதியின் பிம்பம்..கனவாகவோ…ஏக்கமாகவோ..!

இதை கவனியுங்கள்…

மழை வலுத்த பாதியில்
ஆறுதலாய் இருந்தது
குடையில் கேட்ட பேச்சு..!

கவிஞர் மித்ரா அம்மையாரின் இந்தக் கவிதை..மழை வலுத்த வேளையில் சற்றே ஒதுங்கி நிற்க நேரிடுகையில், பக்கத்தில் குடையுடன் ஒதுங்கி நின்றிருக்கும் இருவரின் பேச்சு இதமாக, ஆறுதலாக இருந்தது என்கிறார். குடைக்குள் இருந்தவர்கள் யார்..? ஒதுங்கி நின்று அவர்களின் பேச்சை செவிமடுத்தது யார்..? பேச்சின் சாராம்சம் என்ன..? அது எந்த வகையில் ஆறுதலைத் தந்தது..?

உங்களுக்குள் இத்தனைக் கேள்விகளை எழுப்பியது எது..? அந்த ஹைக்கூ. ஆம். .பல கேள்விகளை விதைத்து, விடைகளை நீங்கள் தேடிக் கொள்வதற்கு வகை செய்வது ஹைக்கூவாகும்.

இன்னும் வரும்

முன் பதிவு 56


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

வாழ்வி(ய)ல் வசந்தம்!

உள்ளிழுத்து வெளிவரும் – என்
உஷ்ண மூச்சுக் காற்று
இதயத்தின் ரணங்களை
மொழிபெயர்க்கும்!

என் வீட்டு ஜன்னல் கதவு
என் மன ஓலத்தை எதிரொலிக்க
ஒத்தாசை புரியும்!

 » Read more about: வாழ்வி(ய)ல் வசந்தம்!  »

ஆன்மீகம்

வாரியார் படைப்பில், வாழ்வியல் நெறிகள்.

“அன்பால் அறிவால் அகங்குளிரும்
அமுதமொழியால் அனைவரையும்”

தன்பால் ஈர்க்கும் தகைமிகு பேச்சாளர், நல்ல எழுத்தாளர், மூதறிஞர், சித்திரகவி பாடிய கவிஞர், முத்தமிழ் அறிஞர், ஆன்மீகச் செம்மல் என்று அடுக்கிக் கொண்டே போகக்கூடிய வல்லமை பெற்ற வாரியார் சுவாமிகளின் நூல்களைப் படிக்கும் பொழுது தனிப்பெரும் இன்பம் தன்னால் வருவதை நாம் உணர முடியும்.

 » Read more about: வாரியார் படைப்பில், வாழ்வியல் நெறிகள்.  »

இலக்கணம்-இலக்கியம்

கவிதைக்கழகு இலக்கணம் – 20

தொடர் 20

வெண்பா ஆசிரியப்பா இரண்டு பற்றியும் தெரிந்து கொண்ட நாம் அடுத்ததாக கலிப்பாவைக் காண்போம்.

இது 3 ஆவது பாவகை

மாமுன் நிரை
விளமுன் நேர்
காய்முன் நேர் இவை வெண்பா

நேர்முன்நேர்
நிரைமுன் நிரை
நேர் முன் நிரை
நிரை முன் நேர் இவை ஆசிரியப்பா

ஆனால் கலிப்பாவில்

காய்முன் நிரை வரும்
அதாவது கலித்தளை மிகுந்து வரும்
மற்ற தளைகள் குறைந்து வரலாம்
புளிமாங்காய் கருவிளங்காய் அதிகம் வரும்
கனிச்சீர்கள் வாரா
அளவடிகளால் ஆனது

கலிப்பா மற்ற பாக்கள் போல ஒரே உறுப்புகள் கொண்டமையாமல் பல உறுப்புகள் உடையது.

 » Read more about: கவிதைக்கழகு இலக்கணம் – 20  »