தொடர் – 39

ஹைபுன்

ஹைக்கூ கவிதை வடிவில் ஜப்பானிய கவிவடிவமான ..ஹைக்கூ மற்றும் சென்ரியு மிக முக்கியமானவை.

இந்த வகை கவிதைகளை மேற்கத்திய கவிஞர்களும், தமிழ் கவிஞர்களும் பல்வேறு கவிதை வடிவங்களுடன் இணைத்து புதுவகையான கவி வடிவையும் உருவாக்கி வெற்றி கண்டிருக்கிறார்கள்.

அவ்வாறு ஆங்கில லிமரிக் வடிவ குறுங்கவிதையுடன் இணைந்து உருவானது லிமரைக்கூ என முன்னரே கண்டோம். அது போல… ஹைபுன், லிமர்புன், லிமர் சென்ரியு, ஹைகா சீர்கூ, மோனைக்கூ என பலவகை பரிசோதனை முறைகளை கையாண்டு வெற்றி கண்டுள்ளார்கள்.

அவற்றில் ஒன்றான ஹைபுன் பற்றி இந்த அத்தியாயத்தில் காண்போம்.

நாம் எழுதும்..மற்றும் எழுதவிருக்கின்ற ஹைக்கூவிற்கு, சின்னதாய் அக்கவிதை குறித்த ஒரு உரைநடை விளக்கம் தந்த பின் ஹைக்கூவையும் இறுதியில் இணைத்து வழங்குவதே ஹைபுன். இதனை பாஷோ ஜப்பானில் முதன்முறையாக கையாண்டிருக்கிறார்.

குறுகலான உள்பாதைகள் எனும் தொகுப்பில்..தனது சீடனைப் பற்றி எழுதிய ஹைபுன் இது.

பாஷோவின் சீடன் கொஞ்சம் சோம்பலாய் திரிபவன். எந்த பணிகளையும் உடனுக்குடன் செய்வதில்லை அவன். கியோட்டாவில் வாழ்ந்த அந்த சீடனின் வீடு மலையடிவார ஒம்காவா நதிக்கரையில் உள்ளது. அங்கு சென்ற பாஷோவின் கவனத்தை கவர்ந்த காட்சியை ஹைபுன்னாக எழுதியது இது.

ஜூன் மாத மழை
சுவரில் ஒட்டியிருந்த
கவிதைச் சீட்டின் சுவடு..!

  • பாஷோ.

தனக்கு தோன்றியதை உடனே ஒரு தாளில் எழுதி சுவரில் ஒட்டி வைத்துவிடும் வழக்கமுள்ள அவரது சீடனின் கவிதை மழையில் நனைந்து காகிதமானது சுவரை விட்டு நழுவியிருப்பினும், அந்த காகிதச் சுவடானது சுவரில் தென்படுவதை அழகான காட்சியில் கவிதையாக்கினார் பாஷோ.  இவரைப் போல பூஸனும் ஹைபுன் எழுதியவரே.

தமிழில்… முதல் ஹைபுன் நூலினை அறிமுகப் படுத்தி.. தொகுத்து வழங்கியவர்கள் நால்வர்.

‘’அறுவடைநாளில் மழை’’ எனும் இத்தொகுப்பினை திரு.சோலைஇசைக்குயில், திரு.மு.முருகேஷ், திரு.பல்லவி குமார், திரு.ந.க.துறைவன் ஆகியோர் தமிழுக்கு அறிமுகம் செய்து வைத்தனர்.

இன்று பலரும் ஹைபுன் எழுதுகிறார்கள். பல நூல்களும் வெளியாகி உள்ளன.

உங்களின் பார்வைக்கு ஒரு ஹைபுன்.

விளக்கம் :

மழை பெய்த பிறகு அந்த அரசமரத்தில் பச்சை இலைகள் கதிரவனின் ஒளிபடுவதால் பச்சைப்பசேல் என காட்சி தருகின்றன; காற்றில் படபடக்கின்றன. கிளைகள் மறைத்த நிழற்பகுதிகளில் உள்ள இலைகள் எல்லாம் சற்றே அடர் பச்சை வண்ணத்தில். ஒரே மரத்தின் இலைகள் ஒளியிலும் நிழலிலும் இரு வேறு தோற்றங்கள்.

அரசமரத்து இலைகள்
கதிர் ஒளியும் நிழலும் மயக்கும்
பச்சை ஞானம்

  • சோமு. சக்தி

இங்கு அனைவரும் கவனிக்க வேண்டியது. ஹைக்கூவிற்கு தரும் விளக்கமானது நான்கந்து வரிகளில் சொல்ல வரும் கருத்தை தெளிவாய் சொல்லி நகர்தல் வேண்டும். அதிகப்படியான விளக்க உரை அவசியமற்றது என்பதையும் உணர்ந்து கொள்ள வேண்டும்.

ஹைபுன் வகைமை நூலில் இதுவரை வெளியானவை 3 நூல்களே..

‘’அறுவடைநாளில் மழை’’, ‘’தலைக்கு மேல் வானம்’’, ‘’மாயவரம்’’ இதில் ‘’மாயவரம்’’ மட்டுமே கவிஞர்.அன்பாதவன் அவர்களின் தனி படைப்பு. ஏனைய இரண்டும் பல கவிஞர்களின் கூட்டுத் தொகுப்பாகும்.

கவிஞர்.கன்னிக்கோவில் ராஜா அவர்களை ஆசிரியராகக் கொண்டு வெளிவரும் மின்மினி இதழில் கவிஞர்.பல்லவி குமார் அவர்களால் தொடராக வெளிவந்த ‘’ஹைபுன் வெளிச்சம்’’ கூடிய விரைவில் நூலாக வெளிவர உள்ளது. கூடவே நிலா கிருஷ்ணமூரத்தி அவர்களது படைப்பாகவும் ஒரு ஹைபுன் நூல் வெளியாக உள்ளது.

இன்னும் வரும்…

முன் தொடர்


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

வாழ்வி(ய)ல் வசந்தம்!

உள்ளிழுத்து வெளிவரும் – என்
உஷ்ண மூச்சுக் காற்று
இதயத்தின் ரணங்களை
மொழிபெயர்க்கும்!

என் வீட்டு ஜன்னல் கதவு
என் மன ஓலத்தை எதிரொலிக்க
ஒத்தாசை புரியும்!

 » Read more about: வாழ்வி(ய)ல் வசந்தம்!  »

ஆன்மீகம்

வாரியார் படைப்பில், வாழ்வியல் நெறிகள்.

“அன்பால் அறிவால் அகங்குளிரும்
அமுதமொழியால் அனைவரையும்”

தன்பால் ஈர்க்கும் தகைமிகு பேச்சாளர், நல்ல எழுத்தாளர், மூதறிஞர், சித்திரகவி பாடிய கவிஞர், முத்தமிழ் அறிஞர், ஆன்மீகச் செம்மல் என்று அடுக்கிக் கொண்டே போகக்கூடிய வல்லமை பெற்ற வாரியார் சுவாமிகளின் நூல்களைப் படிக்கும் பொழுது தனிப்பெரும் இன்பம் தன்னால் வருவதை நாம் உணர முடியும்.

 » Read more about: வாரியார் படைப்பில், வாழ்வியல் நெறிகள்.  »

இலக்கணம்-இலக்கியம்

கவிதைக்கழகு இலக்கணம் – 20

தொடர் 20

வெண்பா ஆசிரியப்பா இரண்டு பற்றியும் தெரிந்து கொண்ட நாம் அடுத்ததாக கலிப்பாவைக் காண்போம்.

இது 3 ஆவது பாவகை

மாமுன் நிரை
விளமுன் நேர்
காய்முன் நேர் இவை வெண்பா

நேர்முன்நேர்
நிரைமுன் நிரை
நேர் முன் நிரை
நிரை முன் நேர் இவை ஆசிரியப்பா

ஆனால் கலிப்பாவில்

காய்முன் நிரை வரும்
அதாவது கலித்தளை மிகுந்து வரும்
மற்ற தளைகள் குறைந்து வரலாம்
புளிமாங்காய் கருவிளங்காய் அதிகம் வரும்
கனிச்சீர்கள் வாரா
அளவடிகளால் ஆனது

கலிப்பா மற்ற பாக்கள் போல ஒரே உறுப்புகள் கொண்டமையாமல் பல உறுப்புகள் உடையது.

 » Read more about: கவிதைக்கழகு இலக்கணம் – 20  »