தொடர் 09

ஹைக்கூவில் வார்த்தைக் கட்டுப்பாடு என்பது எவ்வளவு முக்கியமோ, அந்தளவு அந்த வார்த்தைகளை கையாள்வதும் முக்கியத்துவம்பெறுகிறது. வார்த்தைச் சிக்கனமே ஹைக்கூவில் முக்கியமானதாகும்.

எந்த ஒரு வார்த்தையையும் அனாவசியமாக ஹைக்கூவில் பிரயோகிக்கத் தேவையில்லை. ஒரு வார்த்தையை நீக்கினாலும் அக்கவிதையின் பொருளானது மாறாமல் இருக்கும் பட்சத்தில் மேற்கண்ட வார்த்தையை நீங்கள் தாராளமாக நீக்கி விடலாம்.

இரவில் பெய்யும் மழை
விடியும் வரை தொடர்கிறது
மின்சாரத் தடை.

இந்த ஹைக்கூவில் ”பெய்யும்” என்ற வார்த்தை தேவையில்லாத ஒன்று. அதை நீக்கம் செய்தாலும் பொருள் மாறாது. இது போல பல கவிதைகளில் நம்மை அறியாமல் தவறுகள் நடைபெற வாய்ப்புள்ளது. அதை குறைத்துக் கொள்ள முயற்சிக்கலாம்.

வார்த்தைகளின் வலிமைக்கு மற்றொரு விளக்கம் காண்போம்…

ஹைக்கூவில் உணர்ச்சிகளுக்கு இடமில்லை என அறிவோம். மனிதன் உணர்ச்சிகளுக்கு அடிமை. ஆனால் அஃறிணைகளை ஹைக்கூவில் பலரும் உணர்ச்சிகளோடு இணைத்து எழுதுகிறார்கள். அதுவும் தவறு.

மரம் அழுகிறது என எழுதுவது ஹைக்கூவல்ல. உண்மைத் தன்மையோடு ஹைக்கூவை அணுகப் பழக வேண்டும்.

காற்றில் மரம் ஆடுகிறது என எழுதலாம்..

ஆனால் பனியில் மரம் நடுங்குகிறது என எழுதுவது தவறான வார்த்தை பிரயோகம். மரம் என்ன  மனிதனா? பயந்து நடுங்கவும், குளிரில் நடுங்கவும்.!

இது போன்ற தவறான சொற்பிரயோகங்கள் பரவலாக காணக் கிடைக்கின்றன. இதை தவிர்த்தலும் நன்று.

சீறும் பாம்பு  என எழுதலாம். ஆனால்

சீறும் பாம்பு பயமுறுத்துகிறது என எழுதக் கூடாது. உங்களை பயமுறுத்தும் பாம்பு… குழந்தைகளை குஷிப் படுத்தலாம். வார்த்தைகள் வலிமையானவை. அதை எங்கு,  எப்படி,  எதற்கு, எவ்வாறு  உபயோகப் படுத்துகிறோம் என்பதும் ஹைக்கூவில் அவசியம்.

இதை கவனியுங்கள்..

வரைந்த ஓவியம்
அழகாக இருக்கிறது
மாணவியின் முகம்.

  • நிர்மலா சிவராசசிங்கம்

வரைந்த ஓவியம்
அருமையாக இருக்கிறது
ஆசிரியரின் திறமை.

  • மயிலையூர் மோகன்.

இரண்டும் இரு வேறு ஹைக்கூ கவிஞர்களின் கவிதை..

முதல் கவிதை. ஓவியம் அழகாக இருக்கிறது என சிந்தனை ஓட்டத்தைத் தந்து, மாணவியின் முகம் அழகாக இருப்பதாக சித்தரிக்கிறது. அம்மாணவி அந்த ஓவியத்தை வரைந்தவராகவோ, ரசிப்பவராகவோ, ஏன் அந்த ஓவியத்தில் இருப்பவராகக் கூட இருக்கலாம்..

இரண்டாவது கவிதை.. வரைந்த ஓவியம் அருமையாக இருக்கிறது என்ற முதல் சிந்தனையை விதைத்து ஆசிரியரின் திறமை அருமை என விரிகிறது. இங்கு அந்த ஆசிரியர் யார்..? வரைந்தவரா.. இல்லை வரையக் கூடிய பலரை உருவாக்கியவரா..? என பல கோணங்களில் விரிகிறது.

ஹைக்கூ உங்களுக்குள் இது போன்ற பல சிந்தனைகளைக் கிளறச் செய்யும் ஆற்றல் பெற்றவையாகும்.

வார்த்தைகளின் வலிமையை அடுத்த தொடரில் காண்போம்.

இன்னும் வரும்…

முன் பகுதி தொடர் 08 


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

எழுதக் கற்றுக்கொள்வோம்

ஹைக்கூ ஓர் அறிமுகம் – 29

தொடர்  29

இயற்கையின் ஒவ்வொரு நுட்பத்தில் இருந்தும் ஹைக்கூவை வடித்தெடுத்தார்கள் ஜப்பானிய கவிஞர்கள். இயற்கையை ஆராதிப்பதில் அவர்களுக்கு இணை அவர்களே. ஆகவே தான் ஹைக்கூ வாயிலாக இயற்கையையும்..இறைவனையும், ஒன்றாக கண்டார்கள்..

ஜென் என்பது மதமல்ல என ஏற்கனவே நாம் தெளிவுபடுத்தி விட்டோம்..ஆனால் ஆசான்களும்,

 » Read more about: ஹைக்கூ ஓர் அறிமுகம் – 29  »

எழுதக் கற்றுக்கொள்வோம்

ஹைக்கூ ஓர் அறிமுகம் – 28

தொடர் 28

ஹைக்கூவில் உத்திகள் என்பது ஹைக்கூவை வடிவமைக்க பயன்படுகிறது. பொதுவில் ஹைக்கூவில் ஈற்றடியை திருப்பம் வருமாறு அமைப்பதும், முரணாக அமைப்பதுமே உத்தி முறையாகும்.

எதுகையில் அமைப்பது மோனையில் அமைப்பது என அதுவும் உத்திமுறைகளாக சொல்லப் படுகிறது.

 » Read more about: ஹைக்கூ ஓர் அறிமுகம் – 28  »

எழுதக் கற்றுக்கொள்வோம்

ஹைக்கூ ஓர் அறிமுகம் – 27

தொடர் 27

ஹைக்கூ ஒரு அழகிய ஓவியம். அதை நீங்கள் ரசிக்கத் துவங்கும் போது பல பரிமாணங்களில் அது உங்களை பரவசப்படுத்தும்.

ஹைக்கூ கவிதைகளை நாம் கவியரங்குகளிலோ… வாசகர் இடத்திலோ வாசிக்கும் போது சில நடைமுறைகளை அவசியம் பின்பற்ற வேண்டும்.

 » Read more about: ஹைக்கூ ஓர் அறிமுகம் – 27  »