தொடர் – 44

ஹைக்கூவில் பாஷோவின் ஆளுமை

பாஷோ.. ஹைக்கூவின் பிதாமகர்.. ஜப்பானியக் கவிஞர் கி.பி.1644_ ல் பிறந்து 1694  ல் மறைந்த ஒரு மாபெரும் ஹைக்கூ ஆசான்.

பாஷோ என்பதற்கு ஜப்பான் மொழியில் வாழை மரம் என்று பொருள்..அவரும் வாழை மரத்தைப் போன்றே பலவித பயன்களை (விசயங்களை) ஹைக்கூ கவிஞர்களுக்கு வழங்கிவிட்டுச் சென்றிருக்கிறார்..

இன்றைய பல ஹைக்கூ கவிஞர்களுக்கு பாஷோ ஒரு முன்னுதாரணமாக திகழ்கிறார் எனில் அது மிகையன்று.. ரென்கா.. ஹைக்கூ..ஹைபுன் போன்ற பலவகைமை கவிதைகளில் அவர் சிறந்த ஆசானுமாவார்.

நாம் வாழும் வாழ்க்கையில் ஒவ்வொரு நாளும் புத்தம் புதிதாய் பிறக்கிறது..நேற்று போல் இன்று இருப்பதில்லை..இன்று போல் நாளை அமையுமா எனில்..அதுவும் உறுதியாய் சொல்ல இயலாது…வாழ்வில் ஒவ்வொரு நாளும் நமக்கு ஒரு புது அனுபவத்தை..புது விசயமொன்றை கற்றுத் தந்தே நகர்கிறது.

எதைப் போலவும் இல்லை
இதனை ஒப்பிட முடியாது
இந்தக் கோடை நிலவு.

பாஷோ பல கோடை நிலவுகளை கண்டிருக்கலாம்..ஆனால் இன்று அவர் காணும் அந்த நிலவு மற்ற கோடை நிலவினைப் போலில்லை..என்னவோ..ஏதோ நிகழ்ந்திருக்கிறது அவருக்குள்..இந்த கோடை நிலவு அவருக்குள் ஒரு புதிய அனுபவத்தை தந்திருக்க கூடும்..இதை கண்டவுடன் எனக்குள் தமிழ் பட பாடல் பலவும் நினைவுக்கு வருகிறது..

**அன்று வந்தது இதே நிலா..

**அன்றொரு நாள் அதே நிலவில் அவர் இருந்தார் என்னருகிலே..

இன்னும் பல பாடல்கள்..நிலவு கவிஞர்களுக்குள் பேதமின்றி விதைத்து விட்டுப் போகிறது ஏதாவது நினைவலைகளை.

பாஷோவின் இறுதி காலத்தில் அவர் கடைசியாய் பாடிய ஹைக்கூ கவிதை இது..

பயணத்தில் நோய்
என் கனவு அங்குமிங்கும் அலைகிறது
வறண்ட வயல்கள் மீது.

நிலையாய் ஓரிடத்தில் வாழாமல்..அங்குமிங்கும் அலையும் தேசாந்திரியே பாஷோ.. அவரைப் போலவே அவரது கனவும் அலைந்து திரிவதாக சொல்லியிருக்கிறார்.. வறண்ட வயல் என்பது அன்றைய நாளில் அவர் வாழ்ந்த மண் பழைமைவாதிகளால் சூழப்பட்டு பாழ்பட்டு நிற்கும் பூமியை குறிப்பதாக கூட இருக்கலாம்..தான் வாழும் மண்ணின் எதிர் கால நிலையை எண்ணி அவர் கனவு காண்பதாகவும் கொள்ளலாம்.

ஹைக்கூ கவிஞர்கள் சிறப்பான கவிதையை வடிக்க ஆண்டுக் கணக்கில் தவமிருக்கலாம்..ஒரு சிறப்பான கவிதையை வாழ்நாளில் வடித்தாலும் அவன் ஹைக்கூ கவிஞனே..

அக்கவிஞனிடத்தில் இருந்து பலச் சிறப்பான கவிதைகள் பிறக்குமெனில் அவன் ஹைக்கூ ஆசான் ஆவான் என சொல்லிச் சென்றவர் பாஷோ..

ஒரு கவிதை எழுதினாலே போதும்..ஒரு ஹைக்கூ கவிஞனாகி விடலாம் எனில் அந்த ஒரு கவிதை எப்படி இருக்க வேண்டும் என… நீங்கள் முடிவெடுத்துக் கொள்ளுங்கள்.

இன்னும் வரும்…

முன் தொடர்


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

வாழ்வி(ய)ல் வசந்தம்!

உள்ளிழுத்து வெளிவரும் – என்
உஷ்ண மூச்சுக் காற்று
இதயத்தின் ரணங்களை
மொழிபெயர்க்கும்!

என் வீட்டு ஜன்னல் கதவு
என் மன ஓலத்தை எதிரொலிக்க
ஒத்தாசை புரியும்!

 » Read more about: வாழ்வி(ய)ல் வசந்தம்!  »

ஆன்மீகம்

வாரியார் படைப்பில், வாழ்வியல் நெறிகள்.

“அன்பால் அறிவால் அகங்குளிரும்
அமுதமொழியால் அனைவரையும்”

தன்பால் ஈர்க்கும் தகைமிகு பேச்சாளர், நல்ல எழுத்தாளர், மூதறிஞர், சித்திரகவி பாடிய கவிஞர், முத்தமிழ் அறிஞர், ஆன்மீகச் செம்மல் என்று அடுக்கிக் கொண்டே போகக்கூடிய வல்லமை பெற்ற வாரியார் சுவாமிகளின் நூல்களைப் படிக்கும் பொழுது தனிப்பெரும் இன்பம் தன்னால் வருவதை நாம் உணர முடியும்.

 » Read more about: வாரியார் படைப்பில், வாழ்வியல் நெறிகள்.  »

இலக்கணம்-இலக்கியம்

கவிதைக்கழகு இலக்கணம் – 20

தொடர் 20

வெண்பா ஆசிரியப்பா இரண்டு பற்றியும் தெரிந்து கொண்ட நாம் அடுத்ததாக கலிப்பாவைக் காண்போம்.

இது 3 ஆவது பாவகை

மாமுன் நிரை
விளமுன் நேர்
காய்முன் நேர் இவை வெண்பா

நேர்முன்நேர்
நிரைமுன் நிரை
நேர் முன் நிரை
நிரை முன் நேர் இவை ஆசிரியப்பா

ஆனால் கலிப்பாவில்

காய்முன் நிரை வரும்
அதாவது கலித்தளை மிகுந்து வரும்
மற்ற தளைகள் குறைந்து வரலாம்
புளிமாங்காய் கருவிளங்காய் அதிகம் வரும்
கனிச்சீர்கள் வாரா
அளவடிகளால் ஆனது

கலிப்பா மற்ற பாக்கள் போல ஒரே உறுப்புகள் கொண்டமையாமல் பல உறுப்புகள் உடையது.

 » Read more about: கவிதைக்கழகு இலக்கணம் – 20  »