தொடர் – 32

ஹைக்கூவின் வகைமையான சென்ரியு வகை கவிதை குறித்து சென்ற தொடரில் பார்த்தோம். ஹைக்கூ எழுதும் பலருக்கும் அவ்வப்போது திடீரென ஒரு சந்தேகம் முளைப்பது வாடிக்கை. நாம் எழுதியிருப்பது ஹைக்கூவா… அல்லது சென்ரியுவா… என்று.

நகைச்சுவை, கிண்டல், கேலி, எள்ளல், பரிகசிப்பு, சீண்டல் என எழுதப்படும் வகை பெரும்பாலும் சென்ரியுவாகவே அமையும். அது மட்டுமல்லாது… சென்ரியுவிற்கும், ஹைக்கூவிற்கும் பொதுவான ஒரு வேறுபாடும் உண்டு. உங்களது கவிதை இரண்டு காட்சிகளையோ அல்லது அதற்கும் மேற்பட்ட காட்சிகளைக் கொண்டு அமைந்தால்… அது ஹைக்கூ..

அதை தவிர்த்து நேரடியாகவோ, மறைமுகமாகவோ சென்ரியுவிற்கான கிண்டல், கேலி, நகைச்சுவை உணர்வுடன் ஒரே பொருளை மட்டும் கவிதையில் சொல்லி நகர்ந்தால் அது சென்ரியு.

இதோ… இதை கவனியுங்கள்..

கூட்ட நெரிசல்
காணாமல் போகிறது
பிரதான சாலை..!

இது சென்ரியு. நேரடி ஒரே பொருள். கூடவே… நகைச்சுவை உணர்வை தரும் விதம்.

இதையே…

கூட்ட நெரிசல்
காணாமல் போகிறது
ஜல்லிக்கட்டுக் காளை..!

இது ஹைக்கூ. இங்கு முதலிரண்டு வரி வாசிக்கும் போது…

கூட்ட நெரிசல்
காணாமல் போகிறது..

ஏன்… எதற்கு என்ற, ஒரு எதிர்பார்ப்பை உண்டு பண்ணும்…

ஈற்றடியோ..

ஜல்லிக்கட்டுக் காளை… எனும் போது

கூட்ட நெரிசல்

காணாமல் போவதற்கு.. காரணமாக ஜல்லிக்கட்டுக் காளை இருக்கிறது என்றும் நாம் காட்சிப் படுத்துகிறோம்.

வேறொரு காட்சியில்..

கூட்ட நெரிசலில்
காணாமல் போகிறது

ஜல்லிக்கட்டுக் காளை… என்று சொல்லும் போது… கூட்டத்தைக் கண்டு ஜல்லிக்கட்டு காளை மிரண்டு ஓடி… காணாமல் போகிறதோ என வேறு ஒரு சிந்தனையை நமக்கு உணர்த்தும்.

ஒரு ஹைக்கூவிற்குள் மாறுபட்ட கோணத்தில் இரு காட்சிகளும்..

சென்ரியுவாக இருப்பின் நேரடியாக ஒரே காட்சி சற்றே நகைச்சுவை, கிண்டல், கேலி..கலந்து இருக்கும் என அறிந்து கொள்ளலாம்.

இன்னும் வரும்..

முன் தொடர்


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

வாழ்வி(ய)ல் வசந்தம்!

உள்ளிழுத்து வெளிவரும் – என்
உஷ்ண மூச்சுக் காற்று
இதயத்தின் ரணங்களை
மொழிபெயர்க்கும்!

என் வீட்டு ஜன்னல் கதவு
என் மன ஓலத்தை எதிரொலிக்க
ஒத்தாசை புரியும்!

 » Read more about: வாழ்வி(ய)ல் வசந்தம்!  »

தன்முனை

மலர்வனம் 6

தன்முனை

ஜென்ஸி

நெஞ்சொடு கிளத்தல்

புத்தக அந்தாதி

1.
சிரிக்க. வைத்தவர்களை
மறந்து விட்டு
அழ. வைத்தவர்களை – ஏன்
நினைத்துக் கொண்டிருக்கிறாய்..?

 » Read more about: மலர்வனம் 6  »

இலக்கணம்-இலக்கியம்

கவிதைக்கழகு இலக்கணம் – 18

தொடர் 18

வெண்பா வகைகளில்

குறள் வெண்பா
சிந்தியல் வெண்பா
நேரிசை வெண்பா
இன்னிசை வெண்பா
நேரிசை பஃறொடை வெண்பா
இன்னிசை பஃறொடை வெண்பா

ஆகியவற்றை இதுவரைக் கண்டோம்.

 » Read more about: கவிதைக்கழகு இலக்கணம் – 18  »