துளிப்பா

Published by தமிழ்நெஞ்சம் அமின் on

  • சொல்லித்தந்தப் பாடம்
    பதியவில்லை மனதில்
    ஆசிரியை முகம் !
  • எங்கள் வீட்டு தோட்டத்தில்
    மலராத மொட்டு
    முதிர்கன்னி.
  • வீட்டுவாசல் வந்து
    முழம்போட்டுத் தருகிறாள்
    பூக்காரி
  • குறைந்த கூலி
    அவன் நிறைவடைகிறான்
    முதலாளி.
  • சிக்கிக்கொண்டேன் அவளிடம்
    கசக்கிப் பிழிகிறாள்
    மனைவி
  • வாசமில்லாமல் நிற்கிறாள் மனைவி
    கையில் காசில்லை வாங்கிதர
    மல்லிகைப்பூ.
  • அழகிய காகிதப்பூ
    எப்போதும் மணம் வீசும்
    பூசிய வாசனைத் திரவியம்
  • அழைக்காமல் வந்ததால்
    சன்னல் கதவைச் சாத்துகிறேன்
    மழை
  • மலரென்று கண்டுக்கொண்டான்
    பார்வையற்றவன்
    நாசிவழி !
  • ரோசா வாடுகிறது
    பார்வையின் சுட்டெரிப்பால்
    சூரியன்.
  • பிறர்க்கு உதவி செய்து
    காலமெல்லாம் அகம் மகிழும்
    தமிழ்நெஞ்சம்
  • கதவைத் திறந்ததும்
    முதல் தரிசனம்
    ஆதவன் வருகை
  • வானம் பார்த்த பூமி
    கிடைத்த வெடிப்புகளில் குடியேறும்
    வயல் எலிகள்
  • போட்டியில் தோற்றேன்
    இருப்பினும் பரிசு கிடைத்தது
    அம்மாவின் முத்தம்
  • அழகிய உலகம்
    எட்டிப் பார்க்க முடிகிறது
    கையில் திறன்பேசி
  • எனது மூச்சு
    விற்பனையாகிறது வீதியில்
    பலூன் விற்பனை
  • காற்றில் நறுமணம்
    கொண்டு வந்தவள்
    அவள்.
  • வண்ணமுகப்புடன் அழகியநூல்
    படிக்க ஒன்றுமில்லை
    படபுத்தகம் !
  • சிந்திய ரத்தமும் வியர்வையும்
    கட்டுக்கட்டாய் கிடக்கிறது
    முதலாளி வீட்டில்.
  • ஜாதிமல்லியை சூடிக்கொண்ட
    மனைவியுடன் கோபப்படுகிறான்
    பகுத்தறிவாளன்.
Categories: ஹைக்கூ

1 Comment

Magizh · மே 26, 2022 at 5 h 04 min

நனி சிறந்த துளிப்பாக்கள்…

Comments are closed.

Related Posts

மின்னிதழ்

ஹைக்கூ திண்ணை 13

ஹைக்கூ திண்ணை செப்டம்பர் / ஒக்டோபர் மின்னிதழைத் தொகுக்கும் வாய்ப்பு எனக்குக் கிடைத்ததில் மட்டற்ற மகிழ்ச்சியும் பெருமிதமும் அடைகிறேன். இந்தப் பெறுமதியான வாய்ப்பை வழங்கிய கவிச்சுடர் கல்யாணசுந்தரம் ஐயா அவர்களுக்கு முதற்கண் எனது நெஞ்சம் நிறைந்த நன்றிகளைச் சமர்ப்பிக்கிறேன். ஹைக்கூ என்றால் என்ன, அதை விளங்கிக் கொண்டு அதன் விதிமுறைகள் பற்றி அறிந்து அதன்படி எழுத எல்லோரும் முனைகின்றார்களா என்பது கேள்விக்குறியே. சிலர் இலக்கண விதிமுறைக்கேற்ப ஹைக்கூ கவிதைகளை எழுதுகின்றனர். ஆனாலும் சிலர் இலக்கண விதிகளைக் கொஞ்சம் மீறிப் புதுமையாக, வித்தியாசமாக எழுதுபவர்களாக இருக்கிறார்கள்...

மின்னிதழ்

நிறைய சிந்தியுங்கள் ஹைக்கூ பிறக்கும்

ஹைக்கூ கவிதைகள் எப்படி இருக்க வேண்டும் என்பதில் குழப்பம் வருவதில் அர்த்தமில்லை அவசியமில்லை தேவையுமில்லை. வாழ்ந்த ஹைக்கூ முன்னோடிகள் கவிக்கோ அப்துல் ரகுமான் தி. லிலாவதி, கவிஞர் மித்ரா, நிர்மலா சுரேஷ் போன்றவர்களின் கவிதை களைப் பாடமாக படியுங்கள். நாம் வாழும் காலத்தில் இருக்கின்ற தமிழக மூத்தக் கவிஞர்கள் கவிஞர் அமுதபாரதி கவிஞர் ஈரோடு தமிழன்பன் கவிஞர் அறிவுமதி கவிச்சுடர் கா. ந. கல்யாண சுந்தரம் கவிஞர் அமரன் கவிஞர் வே. புகழேந்தி கவிஞர் அனுராஜ் கவிஞர் இளையபாரதி கந்தகம் பூக்கள் இவர்களின் கவிதைகளைப் படித்து நுணுக்கங்களை கற்றுக் கொள்ளுங்கள்.

மின்னிதழ்

ஹைக்கூ திண்ணை 9

வாசம் புதிது வண்ணம் புதிது மு.முருகேஷ் தமிழ்ப் பண்பாட்டு நடைமுறைகளில் பானம் அருந்துதல், தாம்பூலம் தரித்தல், ஒன்று சேர்ந்து உணவு உட்கொள்ளுதல் போன்றவை இருப்பதைப் போலவே, ஜப்பானும் தேநீர் விருந்தினைத் தனக்கான மரபாக்கிக் கொண்டது. கி.பி. 6-ஆம் நூற்றாண்டில் சீனாவில் தேநீர் அருந்தும் வழக்கம் தொடங்கி, ஹிய்யான் காலத்தில் ஜப்பானுக்கு அறிமுகமானது. ‘தேநீர்ப் பண்பாட்டின் தந்தை’ என அழைக்கப்பட்ட ஜப்பானிய ஜென் குரு இசாய் (கி.பி.1141-1215) தேயிலையை மூலிகையெனக் கருதி, அதன் மருத்துவக் குணங்களை நூலாக எழுதினார். ஜென் குருவான தாகுவான் (கி.பி.1573-1645), தேநீர்க் கோட்டை உருவாக்கினார். அதில் - ‘தேநீர் முதல் கோப்பை, தொண்டையையும் உதடுகளையும் நனைக்கும்; இரண்டாவது கோப்பை, தனிமையைக் கலைக்கும்; மூன்றாவது கோப்பை ஆழ்மனத்தைத் தொடும்’ என்று கவித்துவத்தோடு குறிப்பிட்டார்.