• விழி கொண்டு
    மலரும் காதல்
    மொழி கொண்டு
    நகரும் கவிதை.

  • மறந்திடாமல்
    சொல்ல நினைத்த
    கவிதையொன்று
    தொலைந்து போனது.

  • இமைகளின்
    அனுமதியின்றி
    உறக்கம் தழுவுவதில்லை
    விழிகளை.

  • கிளையைப் பிரிந்த சருகு
    சில கணங்கள்
    நீந்திப் பழகுகிறது
    காற்றில்.

  • வீட்டில்
    வளர்ப்பு நாய்
    எச்சிலிலையில் ஏதுமில்லை
    பாவம் தெருநாய்.

  • நிறைவுற்றது பயணம்
    வழக்கம் போல்
    வீதியில் விட்டுவிட்டாய்
    பிரியமின்றி தவிக்கிறேன்.

  • இருட்டிலிருக்கிறேன்
    உற்றுப்பார்
    நிழலாய் தெரியலாம்
    நான்.

  • சுடறேற்ற
    பயம் போயிருக்கும்.
    அறையினுள் தனியாய்
    தவிக்கும் இருட்டுக்கு.

  • சிறிது நேரத்தில்
    அவளின் வருகை.
    அப்போது நான் அவளாக
    அவள் நானாவேன்.

  • நிரம்பி விட்டாய்
    இன்னும் ஊற்றாதே!
    வழிய வழிய
    மண் தின்னும் உன்னை.

  • உன் நினைவுகளைத் தவிர
    உன்னுடையதென்று
    ஏதுமில்லை
    என்னிடத்தில்…!

  • அகலில்
    நெய்யாய் இருக்கிறேன்
    திரியாக வா
    காதல் சுடராகி ஒளிர்வோம்.

  • கெட்டும்
    நெத்தும்
    வேண்டாம்
    உற்றார் வீடு.

  • நீ ஏறுகிறாய்
    நான் இறங்குகிறேன்.
    இருவரும் சந்திக்குமிடம்
    சமதளம்.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

வாழ்வி(ய)ல் வசந்தம்!

உள்ளிழுத்து வெளிவரும் – என்
உஷ்ண மூச்சுக் காற்று
இதயத்தின் ரணங்களை
மொழிபெயர்க்கும்!

என் வீட்டு ஜன்னல் கதவு
என் மன ஓலத்தை எதிரொலிக்க
ஒத்தாசை புரியும்!

 » Read more about: வாழ்வி(ய)ல் வசந்தம்!  »

புதுக் கவிதை

காடுகள்

காடுகள் – நம்
வாழ்விடத்தின் கடைகால்கள்
ஆனால்… நாம்
தகர்த்துக் கொண்டிருக்கிறோம்.

காடுகள் – நம்
உயிர்வளி சேமிப்பகங்கள்
ஆனால்… நாம்
செலவழித்து கொண்டிருக்கிறோம்.

 » Read more about: காடுகள்  »

புதுக் கவிதை

என்னில் கோபுரக் கலசமாய்

உன் விழியில் விழுந்த நொடி
என்னிதயத்துள் காதல் வேர்விட்டதடி
உன் ஒற்றைப் பார்வையில் மனம்
பித்தாகி நான் மயங்க
தூக்கம் தொலைத்த கண்கள் தூர்ந்தே போனதடி
நெற்றிப் புரளுமுந்தன் கற்றைக் குழலினில்
தூளி கட்டியாடத் துடிக்குதெந்தன் மனது.

 » Read more about: என்னில் கோபுரக் கலசமாய்  »