மலராத  மொட்டதனின்  இதழ்கி  ழித்து
       மதுவுண்ட   வண்டொன்றைப்  பார்த்த  துண்டா
புலராத  இரவுக்குள்  புணர்தல்  போன்று
       புரிந்திட்டார்   வன்செயலைக்  கயவர்  சில்லோர் !
வலம்வந்து  வலம்வந்தே   அழகு  மொட்டை
       வன்புணர்வில்   சீரழித்தார்   துடிது  டிக்க
நிலம்மீதில்   எவ்வுயிரும்  செய்தி  டாத
       நீசசெயல்   செய்வதெல்லாம்   மனிதர்  தாமே !

பூக்காத   இளமானைக்   கொம்பு  மான்தான்
       புணர்ந்திட்ட   காட்சிதனைக்  கண்ட  துண்டா
தூக்கத்தில்   சுகம்காணும்   இரவுப்  போழ்தில்
       துணைவியுடன்  இணைதல்போல்  இணைந்தார்  புல்லர் !
கூக்குரல்தாம்  எழுமுன்னே   வாயைப்  பொத்திக்
       குற்றுயிராய்   ஆக்கிட்டார்   இளங்கு  ருத்தை
நாக்குடைய  எவ்வுயிரும்   செய்தி  டாத
       நாசசெயல்  செய்வதெல்லாம்   மனிதர்  தாமே !

மயிலிறகைப்  பிய்த்தல்போல்  பிய்த்தெ  றிந்தார்
       மணம்வீசா  மொட்டதனைக்  கசக்கெ  றிந்தார்
வெயிலினிலே  துடித்திட்டப்  புழுவைப்  போல
       வேதனையில்  துடித்தபோதும்  புணர்ந்தெ  றிந்தார் !
குயில்கூவும்  முன்னதனின்   கழுத்த  றுத்துக்
       குருதியிலே   மிதக்கவிட்ட   கொடுங்கோ  லோரைக்
கயிற்றினிலே  கட்டியந்த   உறுப்ப  றுத்துக்
       கதறிடவே   நடுத்தெருவில்  நிறுத்த  வேண்டும் !

(சென்னையில்  சிறுமியைப்  பதினேழு  கயவர்கள் கெடுத்த
கொடுஞ்செய்தியைப்  படித்தால்  எழுந்த  சினக்கவிதை)


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மரபுக் கவிதை

யாசக வாசலிலே…

இமைகள் வருடிய தாயும் எங்கே
இதயம் தொட்ட உறவுகள் எங்கே
இரக்கம் படைத்த நெஞ்சமும் எங்கே
இளமை வளமை இன்பம் எங்கே..எங்கே…?

தோளில் சுமந்த செல்வங்கள் எங்கே
தேடியச் செல்வங்கள் போனதும் எங்கே
ஓடி யாடி உழைத்த….தெல்லாம்
தேடியும் பார்த்தேன் தெரியவில்லை.

 » Read more about: யாசக வாசலிலே…  »

இலக்கணம்-இலக்கியம்

கவிதைக்கழகு இலக்கணம் – 20

தொடர் 20

வெண்பா ஆசிரியப்பா இரண்டு பற்றியும் தெரிந்து கொண்ட நாம் அடுத்ததாக கலிப்பாவைக் காண்போம்.

இது 3 ஆவது பாவகை

மாமுன் நிரை
விளமுன் நேர்
காய்முன் நேர் இவை வெண்பா

நேர்முன்நேர்
நிரைமுன் நிரை
நேர் முன் நிரை
நிரை முன் நேர் இவை ஆசிரியப்பா

ஆனால் கலிப்பாவில்

காய்முன் நிரை வரும்
அதாவது கலித்தளை மிகுந்து வரும்
மற்ற தளைகள் குறைந்து வரலாம்
புளிமாங்காய் கருவிளங்காய் அதிகம் வரும்
கனிச்சீர்கள் வாரா
அளவடிகளால் ஆனது

கலிப்பா மற்ற பாக்கள் போல ஒரே உறுப்புகள் கொண்டமையாமல் பல உறுப்புகள் உடையது.

 » Read more about: கவிதைக்கழகு இலக்கணம் – 20  »

இலக்கணம்-இலக்கியம்

கவிதைக்கழகு இலக்கணம் – 19

தொடர் 19

வெண்பாதான் கடினம் என்று புலவர்கள் சொல்வதுண்டு. வெண்பாவில் சிறப்பாக எழுதுபவர்களை வெண்பாப் புலி என்றும் அழைக்கப்படுவார்கள். நிறைய தமிழ் நூல்கள் வெண்பாவில் புனையப் பட்டுள்ளன. நீங்களும் இப்போது வெண்பா எழுத முற்பட்டிருப்பீர்கள் எனக் கருதுகிறேன்.

 » Read more about: கவிதைக்கழகு இலக்கணம் – 19  »