உண்டு!

பணஞ்சேர்க்க எண்ணுவரே அதிக முண்டு !
பணமின்றிச் செயமுடியும் செயலு முண்டு !
குணமிருந்தும் பணமின்றி இருப்போ ருண்டு !
கொள்கையிலே தோல்வியினைக் கண்டோ ருண்டு !
பணமிருந்தும் நிறைவேதான் காணா ருண்டு !
பண்பாட்டை மீறுகிற நபரு முண்டு !
அணங்கைத்தான் விரும்புகிற அணங்கு முண்டே !
ஆசைகளுக் களவில்லை என்பா ருண்டு !

நீருக்குள் வாழ்கின்ற உயிர்கள் உண்டு !
நேயத்தால் குறைகாணா திருப்ப குண்டு !
பாருக்குள் புகழுக்காய் வாழ்வோ ருண்டு !
பயன்கருதிச் செய்பவரே நிறைய உண்டு !
சேருமெனச் செய்வதிலும் மாற்றம் உண்டு !
செயும்நல்லச் செயல்களிலும் துன்ப முண்டு !
யாருக்கும் தவறுவரும் என்பா ருண்டு!
எப்போதும் நல்வழியில் நிறைவே உண்டு !