கவிமாமணி சேலம் பாலன்

அன்புகொண்ட நண்பரோடு பழகுகின்ற போதினில் என்புஞ்சதையும் உள்ளதுபோல் இருவர்நட்பும் அமையுமே. எந்தநாளில் எந்தநேரம் என்னதீமை நேரினும் அந்தநாளில் அந்தநேரம் அதனைப்போக்க நண்பனே மின்னல்போல வந்துமுன்னே இன்பஞ்சேரச் செய்வனே. துன்பங்கூட நண்பனாலே இன்பமாக மாறுமே. வாழுகின்ற போதிலன்பு நண்பரொன்றி இருக்கையில் சூழுகின்ற இன்பதுன்பில் வானும்மீனும் தோற்குமே. இன்பமொன்றே வேண்டுமென்று எண்ணுவீரேல் யாவரும் இன்றுதொட்டு நண்பரையே தேர்ந்தெடுத்து வாழ்கவே . நல்லநண்ப ராகஎன்றும் வாழுகின்ற நண்பரே வெல்லமாக உள்ளநட்பு விளங்குமென்றும் நன்றுதான்.

சிலைபோல் மேனி சிரித்தால் பூ நீ சிந்தனை வளைக்குதடி – கடல் அலைபோல் உந்தன் நினைவே எந்தன் அடிமனம் துளைக்குதடி கண்ணே உன்னைக் காணக் காணக் கனவுகள் வளருதடி – என் திண்மை மனமும் சேயிழை உன்னால் தேய்ந்தே தளருதடி கனியே உந்தன் மதிமுகம் கண்டால் காலம் மறக்குமடி – எந்தக் கனிந்த நல்ல துறவியின் மனமும் துறவைத் துறக்குமடி கறுப்பே களையாம் யாரோ சொன்ன கருத்தும் உண்மையடி – Read more