குளமுமே வத்திப் போச்சு
குடிக்கவோ தண்ணி இல்ல! – இப்ப
நிலமுமே காஞ்சு போச்சு
நிலத்தடி நீரு மில்ல!
விளச்சலும் குறைஞ்சு போச்சு
விளைநிலம் வீடா ஆச்சு – நல்ல
மழையுமே பெய்ய வில்ல
மனசுமே உடைஞ்சு போச்சு!
நீரோடும் ஆறு மிங்கே
நீரின்றி வறண்டு போச்சு – செழித்த
ஏரோடும் நிலத்தக் காணோம்
எல்லாமே மாறிப் போச்சு!
மரத்தயும் வெட்டி யாச்சு
மண்வளம் கெட்டுப் போச்சு! – செயற்க
உரம்பூச்சிக் கொல்லி யாலே
உணவுமே நஞ்சாப் போச்சு!
சூழலும் கெட்டுப் போச்சு
சுரண்டலும் அதிக மாச்சு – நாட்டுல
ஊழலும் பெருகிப் போச்சு
உண்மயும் மறைஞ்சு போச்சு!
ஆறெல்லாம் கழிவா போச்சு
அழகுமே அத்துப் போச்சு – இங்க
ஊரெல்லாம் பாழாப் போச்சு
உலகமே மாறிப் போச்சு!
மணல்கொள்ள அடிக்கு றாங்க
மதுவத்தான் குடிக்கு றாங்க – காடு
வனமெல்லாம் அழிக்கு றாங்க
வளத்தெல்லாம் கெடுக்கு றாங்க!
உரிமைய தட்டிக் கேட்டா
உதச்சுமே விறட்ட றாங்க – ஆள்வோர்
எரியுற நெருப்பில் தானே
எண்ணெய ஊத்து றாங்க!
