இசைப்பாக்கள் இயற்றுதற்கு இலக்க ணத்தை
        இயற்றிட்ட திருமுருகன் வழியில் நின்று
திசைமாறிப் போகாமல் திறமை யோடு
        தித்திக்கத் தெளிதமிழாம் ஏட்டைத் தந்தார்
விசையாகத் தனித்தமிழின் இயக்க மோங்கி
        வினையாற்றத் தமிழ்க்குழுவில் பாடு பட்டார்
அசைபோட்டே சுவைக்கின்ற சங்கப் பாப்போல்
        அரும்பாக்கள் குவித்திட்டார் தங்கப் பாதான்!

படைப்பாளி யாய்மட்டும் இருந்தி டாமல்
        பசுந்தமிழின் போராளி யாக வாழ்ந்தே
தடையாக நின்றதமிழ்ப் பகையை ஓட்டித்
        தன்மானம் ஊட்டிவிட்ட பாவின் வேந்தன்
கடைவிரித்தேன் என்றுரைத்த வள்ள லாரின்
        கவிதைகளை ஆங்கிலத்தில் மொழிபெ யர்த்தே
மடைதிறந்த வெள்ளம்போல் தமிழு ணர்வை
        மனமேற்றும் பணிசெய்தார் தங்கப் பாதான்!

அமிழ்தான தமிழ்பயிற்றும் ஆசா னாக
        ஆயிரமாம் மாணவர்க்குத் தமிழை ஊட்டித்
தமிழினிலே இடவில்லை கையொப்ப மென்று
        தந்தரசு விருதுதனைத் திருப்பித் தந்தார்!
நிமிர்ந்துநின்று களத்தினிலே பாவா ணர்போல்
        நின்றபெருஞ் சித்திரன்போல் தமிழ்வ ளர்த்தே
சிமிழ்போல ஐம்பதிற்கும் மேலாம் நூல்கள்
        சிறப்பாகத் தந்தவராம் தங்கப் பாதான்!

மற்றுமொரு வள்ளியப்பா! சோளக் கொல்லை
        மண்வாசப் பொம்மைக்கும்; ஆங்கி லத்தில்
பொற்சங்கப் பாக்களினை வடித்த தற்கும்
        போற்றியீயச் சாகித்ய விருதைப் பெற்றார்!
நற்றமிழில் ஆங்கிலத்தில் புலமை பெற்ற
        நல்லறிஞர் தமிழறிஞர் வேர்சொல் லாய்வர்
நற்றொண்டு தமிழுக்குச் செய்த தாலே
        நாள்வென்று வாழ்ந்திடுவார் தங்கப் பாதான்!


2 Comments

KarumalaiThamizhazhan · ஜூன் 2, 2018 at 16 h 13 min

நன்றி ஐயா

பெண்ணியம் செல்வக்குமாரி · ஜூன் 3, 2018 at 7 h 10 min

தமிழ்வாழ தான் வாழ்ந்தவரை மிக அற்புதமாக தன் கவிதைகளால் போற்றிய ஐயா கருமலைத் தமிழாழன் அவர்களுக்குப் பாராட்டுகள்..

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

கவிதை

பூஞ்சோலையில் ஒரு பொன்வீணை

பூஞ்சோலை மணக்கிறது.
ஒவ்வொரு பூக்களுமே சிரிக்கிறது.

பூவாக மொட்டுகள் துடித்திடவே.
பொன்னூஞ்சலில் மனம் ஆடிடவே.

மாந்தோப்பில் கிளிகள் கொஞ்சிடவே
மாம்பழத்தை வண்டுகள் துளைத்திடவே

மேகமதைக் குயில்கள் அழைத்திடவே
மேனியெல்லாம் குளிர் சிலிர்த்திடவே

கார்மேகத்தால் மயில்கள் ஆடிடவே
காட்சிகளைக் கண்கள் பதித்திடவே

தென்றல் தேகத்தைத் தழுவிடவே
தேனிசையை மூங்கில்கள் இசைத்திடவே.

 » Read more about: பூஞ்சோலையில் ஒரு பொன்வீணை  »

மரபுக் கவிதை

தந்தைக்கு ஒரு தாலாட்டு!

பத்துமாதம் வயிற்றுக்குள்
பத்தியமாய்ச் சுமக்கவில்லை
சித்தத்தில் உன்நினைவைச்
சிறிதேனும் இறக்கவில்லை!

தாலாட்டிப் பாலூட்டிப்
பார்த்திருந்தே இரசிப்பதில்லை!
ஆளாகி நீஉயர
அறிவுருத்த மறப்பதில்லை!

உயிரிருந்தால் போதுமென்ற
உணர்வுடனே இருப்பதில்லை!

 » Read more about: தந்தைக்கு ஒரு தாலாட்டு!  »

அஞ்சலி

தமிழ்நெஞ்சம் மின்னிதழ் 06-2018

உனது எழுத்துக்களின் ஊர்வலத்தோடு….

திருக்காட்டுப்பள்ளி பழமார்நேரியில்
அருட்சுடர்போல் அவதரித்தவன் நீ…
ஆனந்த வயலில் ஆசையெனும் வேதத்தை
அறவே துறந்த எழுத்துச்சித்தன்
நானே எனக்கொரு போதிமரம் எனும்
தத்துவமாய் வாழ்ந்து இரும்புக்குதிரைகளை
எதோ ஒரு நதியில் நடக்கவிடாமல்
கடற் பாலத்தின் மேல் ஓடவிட்டவன் !

 » Read more about: தமிழ்நெஞ்சம் மின்னிதழ் 06-2018  »