மார்கழிப் பனிப்பொழிவு மெல்லக் குறைந்திட
ஊர்முழுதும் செங்கரும்புகள் காட்சியளிக்க
வார்த்தெடுத்த புதுப்பானைகள் பொலிவாக
சேர்குழலியாய் தைமகள் தரணி வருகிறாளே…

மழைமகள் குறைவாக அருளிய மழையிலும்
பிழையில்லா விளைச்சல் நெல் வீடு வரவே
உழைத்த உழைப்பின் பயன் உழவருக்கென்றாக
பிழைக்கும் பிழைப்புக்கு நன்றி சொல்லிடவே…

ஊர்கூடிப் பொங்கல் வீடுதோறும் வைத்திட
தேர் ஓடும் வீதியெல்லாம் மாக்கோலம் மிளிர
நார் இன்றிப் பூக்களின் அலங்காரம் மனம்மயக்க
வேர் ஓடும் தமிழர் திருநாள் பொங்க வருகிறதே…

வெண் பொங்கல் சர்க்கரைப் பொங்கலென
கண் நிறைக்கும் பொங்கல்கள் எங்கும் நிறைய
மண் மணம் தமிழர் பெருமையில் நெஞ்சம்விம்ம
விண்ணின் முழங்க தை மகளே பொங்கி வா…

உண்ணக் கிடைக்கும் உணவுப் பொருட்கள்
எண்ணம் நிறைந்து உள்ளம் உவகை கொள்ள
எங்கணும் மகிழ்ச்சி வெள்ளம் பெருகிப் பெருகி
பொங்கலோப் பொங்கல் என முழங்கியதே.


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மரபுக் கவிதை

உழைப்பாளர் தினம்

சிலையாகிப் போனபின்னும்
சித்திரமாய் இருந்திடாமல்
உழைக்கின்ற மானிடரே !
உலகத்தின் ஆணிவேரே !
களைப்படையா உழைப்பாலே
காலமுழுதும் நிலைப்போரே !
பிழைப்பதற்கு இவ்வழிபோல்
பிறிதொன்று இல்லையே !

 » Read more about: உழைப்பாளர் தினம்  »

மரபுக் கவிதை

மண்ணும் மொழியினம் மாற்றான் கையில்

மண்ணும் மொழியினம் மாற்றான் கையில்
இன்னும் என்னடா இமைக்குள் உறக்கம்?

எழுந்து வாடா எரிதழல் போல
பழுதை எல்லாம் பட்டென எரித்திடு!

ஆண்ட இனமே அடிமை வாழ்வா?

 » Read more about: மண்ணும் மொழியினம் மாற்றான் கையில்  »

மரபுக் கவிதை

இயற்கை அழகு!

முத்துக்களைக் கோர்த்துவந்து
முறுவலிக்கும் பற்களென்றாய்,
கெழுத்திமீனை எடுத்துவந்து
கண்களெனக் காட்டுகின்றாய்.

முந்திரிப்பழம் கொண்டுவந்து
மூக்கென்றே வாசிக்கிறாய்,
கோவைப்பழம் எடுத்துவந்து
கூறுகிறாய் இதழென்று.

கருமுகிலைத் தாங்கிவந்து
கருங்கூந்தல் தானென்றாய்,

 » Read more about: இயற்கை அழகு!  »