ஹைக்கூ

கவிஞர். மீன் கொடி பாண்டிய ராஜ்

1.
நதிக்கரையில்
பாடல் பாடுகிறேன்
இசைக்கிறது தண்ணீர்.

 2.
கடற்கரை
நடந்து செல்லும் போது
அலைக்கு ஒரு சொல்.

 3.
வேகமாக வீசும் காற்றில்
நகர்ந்து செல்லும் படகு
உடன் நிழல்.

 4.
அப்பா எப்போது வருவார்
கேள்வி கேட்கிறது குழந்தை
புகைப்படத்தில் பொட்டு வைத்த போது.

 5.
லாந்தர் விளக்கில்
படிக்கும் சிறுவனுக்கு
பார்வை இல்லை.

6.
சுவர் ஓவியம்
வரைந்த சிறுவனுக்கு
அடியும் உதையும்.

7.
நீண்ட சாலையில்
மெல்ல நகர்ந்து செல்லும்
நத்தை

 8.
அலைபேசியில் பாடல்
இசைக்கு ஏற்ப தலையசைக்கிறது
மரத்தில் இருந்த குருவி

 9.
பெரிய கட்டிடத்தின் மீது
ஏறிவந்த பின்பு
சுடுகிறது வெயில்

 10.
மேகங்களை விளக்கி
வெளியே வருகிறது
வெளிச்சம்

11.
பூங்காவில்
ஓடி பிடித்து விளையாடும்
சிட்டுகள்

 12.
புதிய தொழிற்சாலை
மாற்றம் ஏதும் இல்லை
கருத்த புகையில்

13.
முதியோர் இல்லம்
முகவரியை குறித்துக்கொண்டாள்
அந்த சிறுமி

 14.
குடிகாரனின் மனைவி
அழுது புளம்புகிறாள்
மகனிடம்

 15.
வேசி என்கிறது உலகம்
பேசி சிறிக்கிறாள்
தனிமையில் கடவுளுடன்

 16.
நிலாவை
வட்டமிட்டிருக்கிறது
வானவில்

 17.
வறண்ட ஆற்றை
வட்டமிட்டு கொண்டிருக்கிறது
ஒரு பறவை

 18.
அவள் அழுகிறாள்
காரணம் புரியாமல்
தாய் அழுவதை பார்த்து

19.
மூன்று நாளாக
துணையாக இருக்கிறது
நிலாவுக்கு நட்சத்திரம்

20.
இறகு பந்து விளையாட்டில்
சிறுமி அடித்த பந்து
நிலாவை தாக்குகிறது

Categories: ஹைக்கூ

1 Comment

கவிஞர் மீன் கொடி · ஏப்ரல் 28, 2020 at 12 h 52 min

எனது ஹைக்கூ கவிதைகள் தமிழ்நெஞ்சம் இணைய மலர்வனம் பகுதியில் பதிந்து பகிர்ந்ததில் பெரும் மகிழ்ச்சி அடைகிறேன் நன்றிகள் தமிழ்நெஞ்சம் இணையம் மற்றும் மின்னிதழ் உழைப்பாளர்கள் என அத்துனை பேருக்கும் நன்றிகள்

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மின்னிதழ்

ஹைக்கூ திண்ணை 13

ஹைக்கூ திண்ணை செப்டம்பர் / ஒக்டோபர் மின்னிதழைத் தொகுக்கும் வாய்ப்பு எனக்குக் கிடைத்ததில் மட்டற்ற மகிழ்ச்சியும் பெருமிதமும் அடைகிறேன். இந்தப் பெறுமதியான வாய்ப்பை வழங்கிய கவிச்சுடர் கல்யாணசுந்தரம் ஐயா அவர்களுக்கு முதற்கண் எனது நெஞ்சம் நிறைந்த நன்றிகளைச் சமர்ப்பிக்கிறேன். ஹைக்கூ என்றால் என்ன, அதை விளங்கிக் கொண்டு அதன் விதிமுறைகள் பற்றி அறிந்து அதன்படி எழுத எல்லோரும் முனைகின்றார்களா என்பது கேள்விக்குறியே. சிலர் இலக்கண விதிமுறைக்கேற்ப ஹைக்கூ கவிதைகளை எழுதுகின்றனர். ஆனாலும் சிலர் இலக்கண விதிகளைக் கொஞ்சம் மீறிப் புதுமையாக, வித்தியாசமாக எழுதுபவர்களாக இருக்கிறார்கள்...

மின்னிதழ்

நிறைய சிந்தியுங்கள் ஹைக்கூ பிறக்கும்

ஹைக்கூ கவிதைகள் எப்படி இருக்க வேண்டும் என்பதில் குழப்பம் வருவதில் அர்த்தமில்லை அவசியமில்லை தேவையுமில்லை. வாழ்ந்த ஹைக்கூ முன்னோடிகள் கவிக்கோ அப்துல் ரகுமான் தி. லிலாவதி, கவிஞர் மித்ரா, நிர்மலா சுரேஷ் போன்றவர்களின் கவிதை களைப் பாடமாக படியுங்கள். நாம் வாழும் காலத்தில் இருக்கின்ற தமிழக மூத்தக் கவிஞர்கள் கவிஞர் அமுதபாரதி கவிஞர் ஈரோடு தமிழன்பன் கவிஞர் அறிவுமதி கவிச்சுடர் கா. ந. கல்யாண சுந்தரம் கவிஞர் அமரன் கவிஞர் வே. புகழேந்தி கவிஞர் அனுராஜ் கவிஞர் இளையபாரதி கந்தகம் பூக்கள் இவர்களின் கவிதைகளைப் படித்து நுணுக்கங்களை கற்றுக் கொள்ளுங்கள்.

மின்னிதழ்

ஹைக்கூ திண்ணை 9

வாசம் புதிது வண்ணம் புதிது மு.முருகேஷ் தமிழ்ப் பண்பாட்டு நடைமுறைகளில் பானம் அருந்துதல், தாம்பூலம் தரித்தல், ஒன்று சேர்ந்து உணவு உட்கொள்ளுதல் போன்றவை இருப்பதைப் போலவே, ஜப்பானும் தேநீர் விருந்தினைத் தனக்கான மரபாக்கிக் கொண்டது. கி.பி. 6-ஆம் நூற்றாண்டில் சீனாவில் தேநீர் அருந்தும் வழக்கம் தொடங்கி, ஹிய்யான் காலத்தில் ஜப்பானுக்கு அறிமுகமானது. ‘தேநீர்ப் பண்பாட்டின் தந்தை’ என அழைக்கப்பட்ட ஜப்பானிய ஜென் குரு இசாய் (கி.பி.1141-1215) தேயிலையை மூலிகையெனக் கருதி, அதன் மருத்துவக் குணங்களை நூலாக எழுதினார். ஜென் குருவான தாகுவான் (கி.பி.1573-1645), தேநீர்க் கோட்டை உருவாக்கினார். அதில் - ‘தேநீர் முதல் கோப்பை, தொண்டையையும் உதடுகளையும் நனைக்கும்; இரண்டாவது கோப்பை, தனிமையைக் கலைக்கும்; மூன்றாவது கோப்பை ஆழ்மனத்தைத் தொடும்’ என்று கவித்துவத்தோடு குறிப்பிட்டார்.