தொடர் – 7

எதுகையையும் மோனையையும் பார்த்துவிட்டோம். இப்போது இயைபைப் பற்றிப் பார்ப்போம்.

இந்த இயைபு உங்கள் கவிதையை மேலும் அழகாக்கும். இது பெரும்பாலும் திரைப்படப் பாடல்கள் மற்றும் சந்தப்பாடல்களில் பயன்படுத்தப்பட்டு வருகிறது.

எடுத்துக்காட்டு

பட்ட பகலிலொரு நெட்டைக் கனவெனக்குப்
பாடலதை அள்ளியள்ளி நிறைக்கும் படும்
பாடுகளை மெல்லவது மறைக்கும்

குட்டை மனிதனெனக் கொட்டும் கொடுக்கெடுத்துக்
கூடுவிட்டுக் கூடுவந்துக் கெடுக்கும் ஒரு
கொள்கையின்றி கண்டதையும் கொடுக்கும்

மேற்கண்ட பாட்டில்
நிறைக்கும் – இறைக்கும்
கெடுக்கும் – கொடுக்கும்

இவையே இயைபு

அதாவது ஒரு வார்த்தையில் முதல் எழுத்தை மட்டும் மாற்றினால் வரும் வேறு வார்த்தையைப் பயன்படுத்தினால் அதுவே இயைபு எனப்படும்

சிலநேரங்களில் அதே ஓசையில் வருவதையும் இயைபு என்பர்

எனினும் எழுத்துகள் ஒத்திருப்பதே சிறப்பு

இவ்வியைபும் எதுகை மோனைகளைப் போலவே எட்டு வகைப்படும்.

  1. அடி இயைபு – அடிதோறும்
  2. இணைஇயைபு – 1,2 சீர்கள்
  3. பொழிப்பு இயைபு- 1,3 சீர்கள்
  4. ஒருஉ இயைபு -1,4 சீர்கள்
  5. கூழை இயைபு – 1,2,3 சீர்கள்
  6. மேற்கதுவாய் இயைபு- 1,3,4 சீர்கள்
  7. கீழ்க்கதுவாய் இயைபு- 1,2,4 சீர்கள்
  8. முற்றியைபு 1,2,3,4 சீர்கள்

எடுத்துக்காட்டுகள்

  1. அடி இயைபு

அன்னைமேரி அலங்கரிக்கும் கவியரங்கம்
அவளருளை நமக்களிக்கும் கவியரங்கம்
சின்னவேலர் முறுவலிக்கும் கவியரங்கம்
சிக்கலெலாம்தீர்த்துவைக்கும் கவியரங்கம்
நன்னபிகள் வாழ்த்திநிற்கும் கவியரங்கம்
நமக்கெல்லாம்துணைநிற்கும்கவியரங்கம்
ஒன்றுமதம் என்றுரைக்கும் கவியரங்கம்
ஒற்றுமையைக் காட்டுகின்ற கவியரங்கம்

அடிதோறும் கவியரங்கம் வருவதால் இது அடி இயைபு ஆயிற்று.

  1. இணை இயைபு

மயிலே மயிலே ஆட்டம் ஆடிவா!
குயிலே குயிலே பாட்டுப் பாடிவா!
ஒயிலே ஒயிலே அழகைப் பார்க்கவா!
உயிரே உயிரே இணைய வாயடி!

இப்பாட்டில் ஒவ்வொரு அடியிலும் ஒன்று மற்றும் இரண்டாம் சீர்களில் இயைபு வந்ததைப் பாருங்கள். இதுவே இணை இயைபு.

  1. பொழிப்பு இயைபு

மேலே உள்ள எடுத்துக் காட்டைச் சற்று மாற்றிப் பார்க்கலாம்.

மயிலே அழகு மயிலே என்றன்
குயிலே கருப்புக் குயிலே பாடு
ஒயிலே அழகின் ஒயிலே என்றன்
உயிரே என்றன் உயிரே வா வா

இப்பாட்டில் அடி தோறும் 1 மற்றும் 3 ஆம் சீர்களில் இயைபு வந்துள்ளது பொழிப்பு இயைபு ஆகும்.

மற்ற இயைபுகளை அடுத்து பார்க்கலாம்


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

அறிமுகம்

வாழ்வி(ய)ல் வசந்தம்!

உள்ளிழுத்து வெளிவரும் – என்
உஷ்ண மூச்சுக் காற்று
இதயத்தின் ரணங்களை
மொழிபெயர்க்கும்!

என் வீட்டு ஜன்னல் கதவு
என் மன ஓலத்தை எதிரொலிக்க
ஒத்தாசை புரியும்!

 » Read more about: வாழ்வி(ய)ல் வசந்தம்!  »

ஆன்மீகம்

வாரியார் படைப்பில், வாழ்வியல் நெறிகள்.

“அன்பால் அறிவால் அகங்குளிரும்
அமுதமொழியால் அனைவரையும்”

தன்பால் ஈர்க்கும் தகைமிகு பேச்சாளர், நல்ல எழுத்தாளர், மூதறிஞர், சித்திரகவி பாடிய கவிஞர், முத்தமிழ் அறிஞர், ஆன்மீகச் செம்மல் என்று அடுக்கிக் கொண்டே போகக்கூடிய வல்லமை பெற்ற வாரியார் சுவாமிகளின் நூல்களைப் படிக்கும் பொழுது தனிப்பெரும் இன்பம் தன்னால் வருவதை நாம் உணர முடியும்.

 » Read more about: வாரியார் படைப்பில், வாழ்வியல் நெறிகள்.  »

மரபுக் கவிதை

யாசக வாசலிலே…

இமைகள் வருடிய தாயும் எங்கே
இதயம் தொட்ட உறவுகள் எங்கே
இரக்கம் படைத்த நெஞ்சமும் எங்கே
இளமை வளமை இன்பம் எங்கே..எங்கே…?

தோளில் சுமந்த செல்வங்கள் எங்கே
தேடியச் செல்வங்கள் போனதும் எங்கே
ஓடி யாடி உழைத்த….தெல்லாம்
தேடியும் பார்த்தேன் தெரியவில்லை.

 » Read more about: யாசக வாசலிலே…  »