வாய்க்கா கரையோரம்
வரப்பு மேட்டோரம்
ஒத்தமாட்டு வண்டியிலே
ஒத்தையடி பாதையிலே
ஒண்டியா போகையிலே
ஓரம் போறம் பாக்கையிலே
மச்சான நினக்கியிலே
தடமும் தெரியல நேரமும் தெரியல!

சின்னாள பட்டு சேலையே
இடுப்புலதான் சொறுகையிலே
மச்சானின் நெனைப்பையும்
சேத்துதான் சொருகுனேன்
கோடாலி கொண்டையிலே
மருக்கொழுந்து வெக்கையிலே
மச்சானின் வேர்வை சொகம்
வேகமா வந்துருச்சே!

கள்ளிப் பழக் காட்டுக்குள்ளே
கடிச்சுக் கொஞ்சம் பாத்தேனே
பரிசம் போடும் முன்னால
நெனச்சுப் பாத்து கொஞ்சையிலே
தித்திப்புதான் பத்தலையே
வெள்ளரி கடிக்கையிலே
உம் முத்துப் பல்லதான்
நெனச்சுப் பாத்து சிரிச்சேனே!

அரளிப்பூ ஆடையிலே
செவத்த மச்சான் மூஞ்சிய
நாங்கண்டு ரசிச்சேனே
நெல்லு நாத்தெல்லாம்
நீ சாஞ்சு நடந்தாப்புல
என்னைப் பாத்து ஆடுதே
சீண்டி போன ஊதாக் காத்தும்
இடுப்புச் சதை குறுகுறுக்க
அகத்திக் கீரை ஆயலையிலே
கொஞ்சப்போயி கடிச்சுவைக்க
தன்னந்தனியா இந்தச் சிறுக்கி
மனசுக்குள்ளே கிச்சு கிச்சு!

கடகடன்ன்னு பாதையிலே
வண்டிச் சத்தம் கேக்கையிலே
விவரங்கெட்ட மனுஷன்
விலகிப்போன துணியைப்பாத்து
குறும்போட கொக்கரிச்சான்
தன்ன மறந்து கத்தியில
விரலைத்தான் அறுத்துக்கிட்டேன்!


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

பாடல்

மருதாம்புலத்தரசி மதுர கீதம் 2

பக்திப்பாடல்

பல்லவி.

தாயுந்தன் வாசல்வரை வரவேண்டுமே!
தாயுந்தன் திருமுகத்தின் அருள்வேண்டுமே..!
காளிதேவி வடிவில் நின்றாய்..!
ஊழிக்காலத் துணையாய் வந்தாய்.!

(தாயுந்தான்….)

சரணம்.

 » Read more about: மருதாம்புலத்தரசி மதுர கீதம் 2  »

பாடல்

மருதாம்புலத்தரசி மதுர கீதம் 1

பக்திப்பாடல்

பல்லவி

இன்ப வடிவாகி இசையில் நிறைவாகி
மெய்யின் பொருளாகினாய்..அம்மா…!

கன்னித் தமிழாகி காக்கும் கருமாரி
சக்தி வடிவாகினாய்..அம்மா… !

மண்ணின் மகமாயி மதுரை மீனாட்சி மடியில் எனைத் தாங்குவாய்..அம்மா…

 » Read more about: மருதாம்புலத்தரசி மதுர கீதம் 1  »

இலக்கணம்-இலக்கியம்

தமிழ்நெஞ்சம் புகழாரம்

தமிழ்நெஞ்சம் புகழாரம் புத்தகம் பற்றி ஒரு பார்வை...

ஒரு புகழாரத்தைத் தனிப் புத்தமாக பதிக்க வேண்டுமென்றால் அதன் தரம் எப்படி இருக்கும்? இப்படித்தான் இருக்கும் என்கிறது இந்தத் தொகுப்பு. தித்திப்பே திரண்டு வந்து சொற்களுக்குள் புகுந்து கொண்ட திகட்டாத இனிப்பு.நாவூறும் பாக்களின் நற்கோர்வை காரணம் அதன் சொற்கோவை.

 » Read more about: தமிழ்நெஞ்சம் புகழாரம்  »