தமிழருக்கு திருநாளாய் பொங்கல் என்று
தமிழ்நிலத்தில் உழுதவர்கள் சொல்லும் போது
தமிழருக்குக் கேடுசெய்யும் திரா விடத்தான்
திராவிடர் திருநாளாக சொல்லு கின்றார்
இமியாவும் அறிவின்றி இயக்கம் செய்யும்
இருள்மனத்து சோரமணி செய்கை கண்டும்
உமிபோல காத்தவனை முளைக்க செய்யும்
உதவாத கறைநீக்க முயல வேண்டும்
தமிழனல்லா திராவிடத்தான் பொங்கல் தன்னை
திராவிட திருநாளாக சொல்லும் போது
தமிழனாக இருப்போர்கள் தடுக்க வேண்டும்
தம்பதவி காத்திடவே அமைதி காத்து
தமிழருக்கே இரண்டகத்தை செய்யும் பேதை
திசையெட்டில் வாழ்வதற்கு விடவே வேண்டாம்
தமிழ்மானம் இல்லாதான் வாழு தற்கு
தகுதியில்லான் என்பதினை எண்ண வேண்டும்
தமிழ்மானம் இல்லாதார் தமிழ கத்தில்
திராவிடத்து நச்சுதனை நுழைய விட்டு
தமிழ்மண்ணை மாசாக்கும் செய்கை தன்னை
தணலெனவே நிமிர்ந்திங்கே எதிர்க்க வேண்டும்
தமிழனல்லா திராவிடத்தான் தமிழி னத்து
தலைவரென்று சொல்லுகின்றான் தடுக்க வேண்டும்
தமிழின்றி திராவிடத் தலைவரென்றே தான்
தமிழகத்தில் சொல்லுதற்கு தயங்கு கின்றான்
