பெண்மை போற்றுதும்

நேரிசை வெண்பா வகை

வண்டமிழ்ப் பாவெடுத்து வாழ்த்திடு பெண்மையை
வண்ணமாய்ப் பாக்களில் வாகெனத் – திண்ணமாய்
எண்டிசை கேட்டிட ஏத்திய வண்ணமே
விண்ணுலகம் போற்றும் வியந்து

வண்ணமாம் வாழ்வும் வறுமையில் நண்ணினும்
வண்ணமா யச்சிறு வர்பசி -எண்ணியே
விண்ணு மவருண வீந்துண வேண்டுவாளை
விண்ணுலகம் போற்றும் வியந்து

எண்ணுக பெண்மையை ஏற்றமோடு எங்கணும்
எண்ணியே நண்ணுக ஏந்திழை – எண்ணமே
விண்ணதி லேயொளிர் வெண்ணிலா போலென
விண்ணுலகம் போற்றும் வியந்து

மண்ணிலே மாதென மாண்புறு மன்னையை
கண்ணிலே காணுமோர் காயமாய்க் – காண்பதோ?
விண்ணுறை தெய்வமாய் வேண்டிட வுன்னையே
விண்ணுலகம் போற்றும் வியந்து

விண்ணிலா விஞ்சிடும் வண்ணமாம் பெண்மையை
வண்ணமாய் வாழ்வினில் வேண்டியே – கண்ணதாய்
ஒண்ணியே வாழ்வதில் உண்ணிடு அண்ணலை
விண்ணுலகம் போற்றும் வியந்து