தீக்குள் விரலை வைத்தால்

தீக்குள் விரலை வைத்தால்

மனிதா…
நீ பேராசையெனும்
தீக்குள் விரலை வைத்தால்…
உன் மனம் நொந்துபோகும்…
உன் விரல் வெந்துபோகும்!

மனிதா…
நீ காமவெறியெனும்
தீக்குள் விரலை வைத்தால்
உன் மனம் மிருகமாகிடும்…
உன் விரல்
நரகமாகிடும்!

மனிதா…
நீ மூடநம்பிக்கையெனும்
தீக்குள் விரலை வைத்தால்
உன் மனம் மடங்கிப்போகும்…
உன் கரம் முடங்கிப்போகும்!

மனிதா…
நீ தீவிரமதவெறியென்னும்
தீக்குள் விரலை வைத்தால்
உன் மனம் மதம் பிடித்தாடும்…
உன் கரம் நித்தம் தள்ளாடும்!

மனிதா…
நீ சாதிப்பிடிப்பெனும்
தீக்குள் விரலை வைத்தால்
உன் மனம் சோதனையில் நிற்கும்…
உன் கரம் சாதிக்கத் தயங்கும்!

மனிதா…
தீக்குள் விரலை வைத்தால்…சுடாது..
உன் விரலோடு…
உன் கரமும் மாண்டுபோகும்..இது வேண்டுகோளல்ல..
எச்சரிக்கை!