பத்தாம் வகுப்பு
படிக்கையில்
பக்கத்தில்
அமர்ந்திருந்தவளுக்காய்
எழுதிய காதல் கடிதத்தை
அவன் அப்பாவை ?
படிக்க வைத்துப்
பார்த்த முதல் காதல் !
வேலைக்குச் செல்கையில்
ரயில் வண்டியில்
எதிர் இருக்கையில்
இரண்டு வருடத்திற்கும் மேலாய்
அடைகாத்து ?
சொந்த வாகனம் உடையவன்
அறிமுகம் கிடைத்ததும்
பரிதவிக்க விட்டுப்
பறந்துபோன இரண்டாம் காதல் !
மூத்தவன் வலது கையிலும்
இளையவன் இடது கையிலும்
என் விரல்களைக் கோர்த்தபடி
நடந்துகொண்டிருக்க…
கடைக்குட்டியை
அவள் வயிற்றில் சுமந்தபடி
முற்றுப்பெற்ற மூன்றாம் காதல்.