20160413_1932வல்லான் அவனின் வழித்தோன்றி
வாழ்வைக் கொள்ளும் பூமியிலே
எல்லா உயிர்க்கும் பிறப்பையொட்டி
இருக்கும் இனிய உறவுகளு முண்டு

கல்லா மாந்தர் என்றாலும்
கனிவுடனிருக்கும் சில உறவு
பொல்லார் ஆகிப் புறங்கூறும்
போக்கில் இன்னும் சில உறவு !

உற்ற உறவின் முதற்படியாய்
உன்னதமான உறவுகளாய்
பெற்ற தாயும் தந்தையென
பெருமை கொள்ளும் முதற்சொந்தம் !

குற்றம் சொல்லாக் குணத்துடனே
கூடப் பிறந்த தங்கைகளும்
பற்றுக் கொண்டு எப்போதும்
பாசம் காட்டும் நல்லுறவு !

இன்பம் துன்பம் எதுவென்றாலும்
இருக்கும் நல்ல உறவுகளும்
அன்புக் கூட்டின் அகல்விளக்காய்
ஆயுள் வரைக்கும் தொடர்ந்திருக்கும்!

சின்னச் சின்னச் சண்டைகளால்
சினத்தைக் கண்டும் பிரியாமல்
முன்னைப் பிறப்பின் தொடர்கதையாய்
முழுமை காக்கும் உறவுக‌ள் பல !

அண்ணன் என்று தம்பி ஈருயிராய்
பிறந்தால் கூட நிலையா உறவுண்டு
தீயாய் நின்று எரித்தால் கூட
சேர்ந்தே இருக்கும் உறவுகளுமுண்டு!

தாய் பிள்ளை சகோதரமாய்
தரணியில் வாழும் உன்னத உறவும்
அன்பைகாட்டும் அன்னிய உற‌வும்
பெற்றவர் கொண்ட வரமே!


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மரபுக் கவிதை

தம்பி… 9

வாழ்வாயே மகிழ்வாக வாழ்த்திடவே பெரியோர்கள் தாழ்வென்ற நிலையில்லை தளராமல் உழைத்திட்டால் ஏழ்மையென்னும் நிலையில்லை ஏற்றத்தைப் பெறுவாயே வீழ்வதெல்லாம் எழுவதற்கே வீறுகொண்டு எழுவாயே.

மரபுக் கவிதை

தம்பி… 8

ஏரோட்டம் இல்லையென்றால் ஏற்றமில்லை செல்வத்தில் தேரோட்டம் ஓடாது தெம்மாங்கும் கேட்காது காரோட்ட வாய்ப்பில்லை கஞ்சிக்கும் ஏமாற்றம் நீரோட்டம் காத்திட்டால் நிச்சயமாய் நன்மையுண்டே.

மரபுக் கவிதை

கீதாஞ்சலி

அரண்மனையும் தோரணமும் ஆடும் வாயில் அணியணியாய் மணிவிளக்கம்‌ ஒளிரும் கோவில் நிரல்நிரலாய் உன்னடியார் வந்து செல்லும் நெரிசலிடைப் போற்றிசெயும் ஒலி முழக்கம் கரைகாணாப் புகழ் வெளிச்சம் உனதேயாகக் கனிவுடனே என்முகத்தைக் காண்பா யோநீ தெருவினிலோர் மூலையிலே இசைக்கும் என்றன் சிறுகுரலை என்னரசே கேட்பா யோநீ