1.
எந்தேசம் எங்கேபோ கிறது சொல்லு
… இழிநோக்கி நகரத்தான் மனிதம் என்றா
சந்தையென கல்வியாகி திருட்டுக் கொள்ளை
… சாதிமத சண்டைகளும் மனிதம் கொல்ல
எந்ததிசை போகிறது மக்கள் கூட்டம்
… ஏனிந்த மிருகத்தோல் மனிதன் போட்டான்
வந்துதிக்கும் சூரியனும் மதங்கள் சாதி
… மனிதனிலே பார்த்துதானோ இனியும் தோன்றும்?
2.
உடன்பிறந்து வாழ்ந்துவரும் உனது ரத்தம்
… ஊண்தின்னி யென்றான வேங்கை யர்கள்
தடம்பதிக்க அறிவுகொள்ள கல்வி உண்டு
… சாக்கடையில் கரைத்துவிட்டான் கற்ற யெல்லாம்
வடம்பிடித்து இழுப்பாரோ இனியும் நாட்டை
… வளங்காண மனிதநேயம் பெருகி யோட
குடங்குடமாய் அழுதாலும் தீர்ப்பார் யாரோ
… குறைகளைய யார்தானோ உதயம் இங்கே.
3.
பிறப்பிற்கு வேதனைகள் அளவில் லாமல்
… பீய்த்திறிந்து உயிர்பிக்க கடவுள் இல்லை!
இறப்பிற்கு போராடும் உயிரில் கூட
… இலாபத்தை ஈட்டிடவே திருட்டு வேலை!
உறவாகி யிருந்திருந்தால் உயிரும் வேகும்
… ஊராரின் மேலேது நலனும் காக்க
சிறகுக்கு இறகுகளே மூலம் என்ப
… சிறக்கத்தான் மனிதனுக்கு என்ன உண்டு.
4.
பிணத்தோடும் சுகந்தேடும் ஈன னானாய்
… பேய்க்குணத்தால் மகளைகூட தார மென்றாய்
பணத்திற்கு பின்னாலே ஓடும் நீயோ
… பாவங்கள் செய்திடவே பாவி யானாய்
குணங்கொன்றார்க் கிவ்வுலகில் இடமும் உண்டோ
… குற்றத்தால் அவ்வுலகில் தீர்ப்பும் உண்டே
வணங்காத மனங்கூட வளையும் பாராய்
… வருவதெல்லாம் தன்சதைக்கென் றபோது வாடும்
5.
தானங்கள் தருமங்கள்செய்யும் கைகள்
… சாட்சியங்க ளில்லாதே செய்யும் காணாய்
வானம்போல் உயர்ந்துநிற்பர் மானங் காத்து
… மாட்சிமையில் செறிந்தவரே நல்லார் என்பர்
போனவர்கள் போக்கற்று போவார் எல்லாம்
… பூமிக்கு பாரமென்றார் நல்லோர் அன்று
மானமற்று கேவளமாய் உலகில் வாழ
… மாக்களாகி போனவர்கள் நீங்கள் என்பேன்.