எண்சீர் விருத்தம் (மரபுப் பா)
————————————-
விளம் – விளம் – மா – தேமா
விளம் – விளம் – மா – தேமா
துன்பமோ பிறர்க்கிலா தாகு மாயின்
…… துயரமோ வெனக்கிலை யென்று நெஞ்சம்
இன்பமே கொள்ளுமோர் மாந்தர் தம்மின்
…… இதயத் துள்ளொளி பெருகித் தானும்
தன்னல மிலாதநல் குணத்தா லிங்கே
…… தாரணி யிதுவுமு யருமா மன்றோ
இன்னுயிர் நீத்திடற் பின்னும் நாமம்
…… நிலைத்திட வாழ்வார வருமிப் பாரில்
பொன்னிலே மண்ணிலே பெண்ணி லாசை
…… புகுந்திடா மனதிலே நல்ல வெண்ணம்
தன்னல மிறந்துதங் குமுளம் மீதில்
…… தங்கியே யிறையவ னறத்தைத் தூண்டி
மன்னியும் படியான மமதை யில்லா
…… மனமதை நல்கியே மாநில முய்ய
எண்ணுவா றிறப்பிலு மிங்கே வாழ
…… ஏற்றமே கண்டவ ருறவாய் சூழ்வர்
பிறர்நல மீதிலக் கறையு ளோராய்
…… பிறர்க்கேயா கவாழுவோ ரிங்கே என்றும்
பிறர்நிலை கண்டவ ரேங்கி நாடி
…… பிறர்மன மோமகிழ்ந் திடுமா றேயாம்
அறங்களைச் செய்தவர் களேதான் பாரில்
…… அன்பினிற் குறைவிலா தாண்டு நாளும்
இறப்பிலு மிங்கவ ரோயெம் முள்ளம்
…… இருந்துதா னவருமே இங்கு வாழ்வார்
