புதிதாக மணமான இளந்தம்பதிகள். இல்லறப் பூங்காவில் துள்ளியோடும் புள்ளிமான்கள். எந்தெந்த வழியில் இன்பம் கிடைக்கின்றதோ அதை அனுபவிக்கத் துடித்துக் கொண்டிருக்கும் இளஞ்சிட்டுகள்.

அன்றையதினம் அவர்கள் பெயருக்கு அஞ்சலொன்று வருகிறது. அதை ஆவலுடன் பிரித்துப் பார்க்கிறார்கள்.

உள்ளே… பிரபலமானவர்கள் நடித்துத் திரையிடப்பட்டிருக்கும் சினிமாவின் இரவு காட்சிக்கு ரிசர்வ் செய்யப்பட்ட முதல் வகுப்பு டிக்கெட் இரண்டு அவர்களைப் பார்த்துச் சிரித்தது. இருவரும் மகிழ்ச்சியில் திளைத்தார்கள். அனுப்பியவர் யார் என்றும் தெரியவில்லை. அனுப்பியவர் யாராக இருந்தாலும் வாழ்க என்று சொல்லிவிட்டு இரவு காட்சிக்குக் கிளம்புகிறார்கள்.

சிறப்பாய்க் காட்சி முடிந்ததும் வீடு திரும்பும் அவர்களுக்குள் கடுமையான போட்டி. டிக்கெட் அனுப்பி வைத்தது யாராக இருக்கும்?

அவன், தன்னோடு படித்த சக மாணவர்களின் பெயரை வரிசையாகக் கூறுகிறான். அவளும் தன்னை நேசித்தத் தோழியரின் பெயர்களை நினைவுக்குக் கொண்டு வருகிறாள். எனினும் சந்தேகம் தீர்ந்த பாடில்லை!

வீடு வந்து விட்டார்கள். அவசரக் அவசரமாக வீட்டுச் சாவியைப் பேண்ட் பாக்கெட்டிலிருந்து எடுத்து வாயிற் கதவைத் திறக்க முற்படுகிறான். கதவில் கை வைக்கும் முன்பே கதவு திறந்து கொள்கிறது. பதறிப் போய் ஸ்விட்சைப் போடுகிறார்கள். அலமாரியெல்லாம் திறந்தபடிக் கிடக்கிறது.

மேசையின் மேல் ஒரு துண்டுக் கடிதம்!

அதில்,

” டிக்கெட் அனுப்பி வைத்தது யாரென்று இப்போது புரிகிறதா..?”

Related Posts

சிறுகதை

என் காதல் ரோசா

‘‘தானேத் தன்னான்னே ஏய்
தானேத் தன்னான்னே
நல்லா தடம் பாத்து
நடவு நடு
தானேத் தன்னான்னே
தை மாசம் அறுக்கனுமே
தானேத் தன்னான்னே
தாளம்போட்டு நடவு நடு
தானேத் தன்னான்னே
நல்லா தரை பாத்து
வெளயனுமே
தானேத் தன்னான்னே..!’’

என்று அழகாய் மெட்டெடுத்து,

 » Read more about: என் காதல் ரோசா  »

சிறுகதை

அந்த ஒரு நிலவு

அத்தனை எளிதாய் இல்லை இருந்தும் மிகவும் நேர்த்தியாகவே கையாண்டு கொண்டிருந்தாள் அந்த காலையை அரக்க பரக்க ஓடி பேருந்தை அடைந்தவளை மட்டுமே எதிர்நோக்கிக் கொண்டிருப்பதைப் போல அவள் வருகைக்கும் பேருந்திற்கும் சரியாக இருந்தது. காலையில் குறிப்பிட்ட நேரத் துக்கு முன்பே அனு அந்த ஆபிஸுக்கு வந்து விட்டாள்.

 » Read more about: அந்த ஒரு நிலவு  »

சிறுகதை

ரெட்டைக் கிணறு

அந்திசாயும் வேளையில் சூரியன் மேற்கே மறைந்து கொண்டு இருந்தது. சாமியப்பன் அந்த பச்சை வயல்களுக்கு நடுவே அமைந்திருந்த கிணற்றை மெய் மறந்து பார்த்துக் கொண்டிருந்தான். நீண்ட நாட்களுக்கு பிறகு விடுமுறையில் சொந்த ஊர் திரும்பி இருக்கிறான்.

 » Read more about: ரெட்டைக் கிணறு  »