வள்ளலார் வழியில் வாழும் மருத்துவர்

வருங்காலத்தில் திரைப்படத் தயாரிப்பு ஏதும் செய்ய ஆர்வம் உள்ளதா?

தயாரிப்பு செய்யும் அளவு வசதியும் இல்லை. ஆர்வமும் இல்லை

தாங்கள் தற்போது செய்து வரும் மருத்துவ அலுவலர் பணியில் சவாலானது என எதை எண்ணுகிறீர்கள்?

மருத்துவத்துறையில் சவாலானது அரசு மருத்துவராக காலம் முழுதும் இருந்து பணி நிறைவு செய்வது.

மருத்துவச் சேவையில் மனநிறைவு அடைந்துள்ளீர்களா?

மருத்துவச் சேவையில் மனநிறைவு அடைந்துள்ளேன். 30 வருடங்கள் பணியில் லட்சத்திற்கும் நோயாளிகளைப் பார்த்துள்ளேன்.

நள்ளிரவில் எழுப்பும் அவசர நோயா ளிகள் பற்றி …

கிராமங்களில் நள்ளிரவில் பெரும் பாலும் தேள்கடி, பாம்புகடி அல்லது நெஞ்சுவலி வயிற்றுவலி போன்றவற்றிற்கு எழுப்புவார்கள். எனக்கு 45 வயது ஆனவரைப் பார்த்தேன். பிறகு எனது உடல்நலம் பாதிக்கப்பட்டதால் மிக அவசரம் எனில் மட்டும் பார்ப்பது உண்டு .

மருத்துவத் துறையில் தங்களுக்கு நேர்ந்த மறக்க இயலாத சம்பவம் ஏதாவது ஒன்றை நினைவு கூற இயலுமா?

1990 ல் திருவெண்காட்டில் அரசு மருத்துவராக சேர்ந்த போது ஒரு பெண்மணி்க்கு நள்ளிரவில் பிரசவம் பார்த்தேன். பெண் குழந்தை பிறந்தது. அந்தப் பெண் குழந்தைக்கு 2014 ஆம் ஆண்டு திருமணம் ஆகி அந்தப்பெண் குழந்தை பெற்று தன்குழந்தையை முதலில் என்னிடம் காட்ட எடுத்து வந்தது தனது தாயுடன். மூன்று தலைமுறைக்கு மருத்துவம் பார்த்த மகிழ்ச்சி எனக்கு ஏற்பட்டது .

அரசு மருத்துவமனைகளுக்கு வசதி யானவர்கள் வருவதில்லையே ஏன்?

அரசு மருத்துவமனைகளை இன்னும் தனியார் மருத்துவமனைகள் போல உயர்த்த வேண்டும்.

முத்தமிழ் அறிஞர் டாக்டர் கலைஞர் அவர்களுடனான தங்கள் உறவு பற்றி …

கலைஞர் என் மீது மிகுந்த பாசத்தைப் பொழிந்த மாபெரும் தலைவர். என்ன ‘‘அருட்பெருஞ்ஜோதி’’ எப்படியா இருக்க என்று கேட்டதுண்டு. தமிழ் சம்பந்தமாக எப்போது சந்திக்கச் சென்றாலும் சந்திக்கும் மகத்தான மாமனிதர்.

வடலூரில் வள்ளலாரின் சுத்தசன் மார்க்க முறைபடி வழிபாடு நடத்த நீதிமன்றம் மூலம் சென்று நடைமுறைப் படுத்தியதில் கலைஞருக்குப் பெரும் பங்கு உண்டு. அப்போதெல்லாம் வள்ளலார் குறித்து பலவற்றை தெளிவுபடுத்திக் கொண்டார் புத்தகங்கள் மூலமாகக் கலைஞர். எதையும் தாங்கும் இதயம் என்பது அண்ணா சொன்னது. அதைப் பெற்றிருந்தவர் கலைஞர்.

அவரது மறைவு அன்று ஒருநாள் முழுதும் சாப்பிடாமல் துக்கத்தில் இருந்தேன்.

தளபதி ஸ்டாலின் என்ற மாபெரும் ஆளுமையுடனான தங்கள் உறவு பற்றி..

க ஸ்டாலின் எனது அக்கா கணவர். எனக்கும் அவருக்கும் வயது வித்தியாசம் அதிகம் என்பதால் அவர்மீது மிகுந்த மரியாதை எனக்கு உண்டு. அதிகம் யாருடனும் பேசமாட்டார். அவரது சுபாவம் அப்படி. கடினமான உழைப்பாளி. நேர்மையாளர் என்பதை மாற்றுக் கட்சியினரும் ஏற்றுக் கொள்வார்கள்.