அகவை முதிர்ந்த இளந்தென்றல்

தங்கள் தந்தையார் நாடக நடிகர் என்பதால் தங்களுக்கும் நடிப்பின்மேல் ஆர்வம் இருந்ததா? மேடையில் நடித் துள்ளீர்களா?

மேடையில் நடித்தது இல்லை. மிகுந்த ஆர்வமுண்டு இப்போதும் கூட.அதற்கான வாய்ப்புகள் வரவேயில்லை.எனது தந்தை வேடமிட்டு மேடைக்கு வரும் தோரணையே அந்த ஆசையைத் தூண்டிவிட்டது எனலாம்.

திரைப்படத்திற்கு பாடல் எழுதிய அனுபவம் உண்டா? எழுதும் எண்ணம் உள்ளதா? திரைப்பாடல்கள் பற்றி தங்கள் கருத்து என்ன?

அனுபவமுண்டு இரண்டு முறை பாடல்கள் எழுதியுள்ளேன் இயக்குனர் தம்பி பன்னீர் செல்வம் அவர்கள் இயக்குவதாக சொன்னார். பாடல்களும் பதிவாகின. டம்மி வாய்ஸ் போட்டு.ஆனாலலும் பல காரணங்கள் தடையிட படப்பிடிப்பு நின்று விட்டது. எழுத வேண்டுமென்ற எண்ணம் இப்பொழுதும் உண்டு. திரைப்படத்தின் மூலம் மட்டுமே விரைவில் நமக்க்கொரு அங்கீகாரம் கிட்டுமென்று நம்புவதால்.

தற்போது மரபுக்கவிதைகளையும் எழுத முற்பட்டுள்ளீர்கள். அந்த எண்ணம் எவ்வாறு எழுந்தது? ஆசிரியராக எவரேனும் உதவுகிறார்களா?

1976 ல் எனது முதல் கவிதை மாலை என்ற கையேட்டில் வெளியானது. அதன் ஆசிரியர் திருமிகு நீரை அத்திப்பூ அவர்கள் அந்த கவிதையைப் பாராட்டி எனக்கு அஞ்சலட்டை அனுப்பினார்.அந்த கவிதையே மரபு வடிவந்தான். சுத்தமாக இலக்கணம் அமையாதிருந்தாலும் இசைக்கேற்ப எதுகை மோனையோடு எழுதியிருந்தேன். இன்றும் அவ்வாறான கவிதைகளைத்தான் அதிகம் எழுதுவதுண்டு.

இப்பொழுது மரபுக்கவிதைகள் இலக் கண கட்டோடு எழுதக் கற்றுக் கொண்டு வருகிறேன். அதன் முயற்சியாக அவ்வப்போது முகநூலில் மரபுப்படி கவிதைகள் வெண்பா எழுதுகிறேன். ஆசிரியராக பலரும் எனக்கு உதவி செய்கிறார்கள் மறுக்கவியலா. அடிக்கடி எனக்கு எழும் சந்தேகங்களை தீர்த்துவைப்பது ஐயா பேராசான் அகன் (அனுராதா கட்டபொம்மன்) அவர்கள்.வெண்பா எழுதச் சொல்லி யாப்பை தெளிவுபடுத்தியது நண்பர்கள் ஐயா கவிச்சக்ரவர்த்தி விக்டர்தாஸும் கவிஞர் கண்ணதாசமுருகனுமாவர்.