வா வா கண்ணா…

வான்முகில் நிறத்தோய்; கேட்க
          வரம்பல ஈவோய்; தொங்குந்
தார்குழல் காற்ற சைக்கத்
          தாவணி இழுப்போய் ஊதுஞ்
சீர்குழல் ஓசை தன்னில்
          சிந்தையில் கலப்போய் ராதை
கூர்விழி சிக்கும் நேரம்
          குறும்புகள் செய்வோய் வாவா..

நஞ்சினால் மாறும் வண்ணம்
          நால்திசை ஆழி யாகிக்
கஞ்சமுங் காத லிக்கும்
          கனிவுடை எழிலோ சுற்றி
கொஞ்சிடுங் கோபி யர்கள்
          கோர்த்துனை ஓடி ஆடித்
துஞ்சிடும் வியப்பைத் தாருந்
          தூயதோர் அருளோ சொல்லாய்..

எண்ணமே உன்னை எண்ணி
          இவனுமோர் ராதை ஆனேன்
கன்னமே கிள்ளிப் பார்க்கக்
          கனிவுடன் வாவா கண்ணா
கண்துளை மூங்கில் ஆகிக்
          காதலே உன்மேல் கொண்டேன்
என்துயர் தீர்க்கும் வண்ணம்
          இதயமும் தாங்க வாவா..

பெண்துகில் உரிந்த நேரம்
          பேதமை பாரா தங்கே
முன்னருள் செய்தே காத்த
          மூச்செனும் பார்த்தா உன்னை
என்துகில் கொண்டே நாளும்
          இறக்கமே வாழ்வென் றானேன்
கண்துயில் போதும் என்னை
          காத்திட வாவா கண்ணா..

மண்ணுள வாயில் இந்த
          மாபெரும் அண்டங் கொண்டும்
என்னுளம் அதற்குள் உண்டு
          இதையுமே கொஞ்சம் பாராய்
உன்னுளம் இனிக்கும் வண்ணம்
          ஓதுவேன் பாடல் நூறு
பொன்னுளத் தானே வாவா
          பொழுதெலாம் காத்தேன் வாவா..

ஏடி வரதராசன்

பிப்வரி 2020 தமிழ்நெஞ்சம் முகப்புப் படத்தை க்ளிக் செய்து இதழை தரவிறக்கம் (download) செய்துப் படிக்கலாம்!

தமிழ்நெஞ்சம் - மார்ச் -2020

மறக்க வேண்டாம். கீழேயுள்ள உள்பெட்டியில் தங்களின் கருத்துகளைப் பதிவிடுங்கள். அவைகள் எழுதியவர்களுக்கு உற்சாகத்தையும், மற்றும்இதழ் வளர்ச்சிக்குத் துணையாகவும் அமையும். நன்றி!


5 Comments

Vijirkrishnan · மார்ச் 6, 2020 at 5 h 17 min

இதழின் ஒவ்வொரு பக்கமும் அசத்தல்

ஹ.ரெங்கபார்வதி · மார்ச் 6, 2020 at 7 h 38 min

அருமையான மின்னிதழ் படைப்பு,வாழ்த்துகள்

Swarnam Meenakshi nathan · மார்ச் 6, 2020 at 9 h 59 min

அருமை

கோகிலா · மார்ச் 6, 2020 at 11 h 24 min

அழகான வடிவமைப்போடு ! பலரதும் திறன்களை எம்முன் கொண்டுவந்து அளிக்கின்றது இவ்விதழ். அழகு, சிறப்பு !

பாரதி பத்மாவதி · மே 11, 2020 at 6 h 41 min

உலகளாவிய ஹைக்கூ கவிஞர்களின் கைவண்ணத்தில் ஹைக்கூ 2020 மிகச் சிறப்பான புத்தகமாக வெளிவந்திருக்கிறது. வெளியீட்டு விழாவை தொகுத்து வழங்கியதில் மிகப் பெருமை அடைகிறேன் உலக கவிஞர்கள் அனைவருக்கும் இனிய வாழ்த்துக்கள்.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

நேர்காணல்

தமிழ்நெஞ்சம் மின்னிதழ் 06 – 2020

தமிழ்நெஞ்சம் இதழுக்கான, நேர்காணலில் எம்மோடு இணைந்திருப்பவர் ஒரு எழுத்தாளர். சமூக ஆர்வலர், விமர்சகர் மற்றும் ஊடகவியலாளர் எனப் பல பரிமாணங்களில் மிளிரும், இலங்கையிலிருந்து வெளிவரும் பூங்காவனம் இலக்கிய சஞ்சிகையின் ஆசிரியர் வெலிகம ரிம்ஸா முஹம்மத்.

 » Read more about: தமிழ்நெஞ்சம் மின்னிதழ் 06 – 2020  »

மின்னிதழ்

தமிழ்நெஞ்சம் மின்னிதழ் 05-2020

நூல் முகப்புபடத்தில் க்ளிக் செய்தால் தமிழ்நெஞ்சம் மே – 2020 இதழ் தரவிறக்கமாகும்.

பாழ் நோயாம் கொரோனா

( அறுசீர் விருத்தம் )
( காய் காய் மா –

 » Read more about: தமிழ்நெஞ்சம் மின்னிதழ் 05-2020  »

நேர்காணல்

பெய்யென பெய்யும் மழை

அரை நூற்றாண்டுக்கும் முன்பேத் தமிழிலக்கிய அரங்குகளுக்கு அறிமுகமாகி மரபுக்கவிதை, இலக்கியச் சொற்பொழிகள், பட்டிமண்டபங்கள், வழக்காடு மன்றங்கள், சொற்பொழிவுகள், கட்டுரைகள், திறனாய்வு உதவி, எனப் பலதுறைகளில் தன் சுவடுகளை அழுத்தமாய்ப் பதித்துத் தொடருந் தமிழறிஞர் தங்க அன்புவல்லி அம்மாவுக்கு வணக்கம் சொல்லி மகிழ்ந்து வாழ்த்த வேண்டித் தொடங்குகிறேன்.

 » Read more about: பெய்யென பெய்யும் மழை  »