மேலுள்ள ஜூன் 2018 தமிழ்நெஞ்சம் இதழ் முகப்புப் படத்தை க்ளிக் செய்து இதழை தரவிறக்கம் (download) செய்துப் படிக்கலாம்!

உனது எழுத்துக்களின் ஊர்வலத்தோடு….

திருக்காட்டுப்பள்ளி பழமார்நேரியில்
அருட்சுடர்போல் அவதரித்தவன் நீ…
ஆனந்த வயலில் ஆசையெனும் வேதத்தை
அறவே துறந்த எழுத்துச்சித்தன்
நானே எனக்கொரு போதிமரம் எனும்
தத்துவமாய் வாழ்ந்து இரும்புக்குதிரைகளை
எதோ ஒரு நதியில் நடக்கவிடாமல்
கடற் பாலத்தின் மேல் ஓடவிட்டவன் !
வரலாற்றுச் சான்றுகளின் பின்னணியை
ஆய்ந்தாய்ந்து இலக்கியச் சிம்மாசனத்தில்
அமர்ந்தவன் நீ !

நிலாக்கால மேகங்களின் நிழல் யுத்தத்தில்
தாயுமானவனாய் நீ வருவாய் என
காத்திருந்த அறிஞருக்கு எல்லாம்
அறிவொளித்  தீபம் ஏற்றியவன் !
பச்சை வயல் மனதுடன் மரக்கால் கொண்டு
மெர்க்குரிப் பூக்களை அளந்தவன் நீ !
உனது பிரம்புக் கூடைக்குள் வைத்திருந்த
பந்தயப் புறாக்களை இலக்கிய வானில்
பறக்கவிட்ட போதெல்லாம்
மௌனமே காதலாகி விழித்துணையோடு
முன்பனிக் காலத்தை எங்களுக்கு
அடையாளம் காண்பித்தவன் நீ  !

இராசேந்திர சோழனின் பிறப்பின் பெருமைக்கு
மகுடம் சூட்டி மகிழ்ந்தவன்….ஆனால் அவனது
இறப்பு பிரம்மதேசமெனும் சிற்றூரில் நிகழ்ந்ததென்று
துடிதுடித்துப் போன வரலாற்று ஆய்வுக் காதலன் நீ !
நாயகன் முதல் புதுப்பேட்டை வரை
நின்புகழ் நிலைத்திருக்கும் திரையுலகில்
உனது அகன்ற விழிகளும் வெண்தாடியும்
குங்குமப் பொட்டோடு உறவாடும் நெற்றியும்
என்றென்றும் எங்கள் கண்முன்னே கொலுவிருக்கும் !
உனது எழுத்துக்களின் ஊர்வலத்தோடு…
பாலகுமாரன் எனும் பெயரோடு !

கா.ந.கல்யாணசுந்தரம்

மறக்க வேண்டாம். கீழேயுள்ள உள்பெட்டியில் தங்களின் கருத்துகளைப் பதிவிடுங்கள். அவைகள் எழுதியவர்களுக்கு உற்சாகத்தையும் மற்றும் இதழ் வளர்ச்சிக்குத் துணையாகவும் அமையும். நன்றி!


3 Comments

பெண்ணியம் செல்வக்குமாரி · ஜூன் 1, 2018 at 6 h 57 min

அருமையான கவிதை.. மிக்க நன்றி ஐயா..

Vijayalakshmi · ஜூன் 1, 2018 at 19 h 18 min

Great

ஆ.நடராஜன் · ஜூன் 13, 2018 at 7 h 24 min

கண்டேன்
ரசித்தேன்
சிறப்பு.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

நேர்காணல்

அகவை முதிர்ந்த இளந்தென்றல்

மின்னிதழ் / நேர்காணல்

சந்திப்பு :
பாவலர்மணி இராம வேல்முருகன்

கவியுலகில், திரையுலகில், தமிழுலகில் ஒரு அசைக்க முடியாத இடத்தைப் பெற்றவர் கவியரசு கண்ணதாசர் என்பதை அனைவரும் அறிவோம். அவருடைய பாடல்கள் பாமரனுக்கும் புரியும் வண்ணம் மிகவும் எளிமையாக அதேநேரத்தில் சங்க இலக்கியத்துக்குச் சற்றும் குறையாத தரத்துடன் இருக்கும்.

 » Read more about: அகவை முதிர்ந்த இளந்தென்றல்  »

நேர்காணல்

மயிலாடுதுறையில் ஓர் இனிக்கும் தமிழர்

மின்னிதழ் / நேர்காணல்

நேர்கண்டவர்

பாவலர்மணி இராம வேல்முருகன்

தமிழ் தன்னைத் தானே வளர்த்துக் கொள்ளத் தகுதியுள்ள யாரை யாவது தத்தெடுத்துக் கொள்கிறது. தமிழைக் கற்றுத் தேர்ந்து தமிழால் தனது வாழ்க்கையை நடத்துபவர்களைவிட தமிழை வளர்ப்பவர்கள் பெரும்பாலும் தமிழைக் கற்காத வர்கள் என்றால் அது மிகையல்ல.

 » Read more about: மயிலாடுதுறையில் ஓர் இனிக்கும் தமிழர்  »

நேர்காணல்

அமைதிப்பூங்கா இராணிலட்சுமி

மின்னிதழ் / நேர்காணல்

சுதந்திரப் போராட்டக் களத்தில் ஆங்கிலேயரை எதிர்த்துப் போரிட்ட வீரமங்கையின் பெயரைத்தாங்கிய மங்கை. குழந்தைத் தொழிலாளர்களையும் கொத்தடிமைகளையும் மீட்டு அவர்களுக்குப் புதியதொரு வாழ்க்கைக்கு வழிகாட்டும் அரசு ஊழியர். தொழிலாளர்நலத்துறையில் அலுவலர்.

 » Read more about: அமைதிப்பூங்கா இராணிலட்சுமி  »