மின்னிதழ் / நேர்காணல்

இன்று முகநூலிலும் பத்திரிகைகளிலும் தொலைக்காட்சியிலும் அதிகமாக அறியப்படுபவர் கவிமாமணி வை. இராமதாசு காந்தி அவர்கள்.பாரதியும் பாரதிதாசனும் வாழ்ந்த புதுச்சேரியில் வாழும் இவர் பத்துக்கும் மேற்பட்ட நூல்களை எழுதியுள்ளது குறிப்பிடத்தக்கது. பல்வேறு விருதுகளைப் பெற்றிருக்கும் ஐயாவிடம் தமிழ்நெஞ்சத்திற்கு பேட்டி என்றதுமே இன்முகத்தோடு சம்மதித்து வழங்கினார். அந்த பதில்களைப் பார்ப்போமே!

சந்திப்பு : பொன்மணிதாசன்

ஜனவரி 2022 முதல் இதழை பதிவிறக்கம் (download) செய்ய மேற்காணும் இதழ் அட்டைப்படத்தில் டச் அல்லது கிளிக் செய்யவும்
ஜனவரி 2022 இரண்டாவது இதழை பதிவிறக்கம் (download) செய்ய மேற்காணும் இதழ் அட்டைப்படத்தில் டச் அல்லது கிளிக் செய்யவும்

வணக்கம் ஐயா

முகநூலில் இன்று எழுதிவரும் பலரில் குறிப்பிடத் தக்கவர் தாங்கள். ஏறத்தாழ பத்துக்கு மேற்பட்ட சிறந்த நூல்களை வெளியிட்டுள்ளீர்கள். அந்நூல் களில் மிகச்சிறந்த நூல் எது? அது ஏன்?

1. சிலம்பு கூறும் சீரிய அறம்
2. ஞானச்சுடர் மணிமேகலை
சங்க காலத்தமிழில் இளங்கோவடிகள் சாத்தனார் இயற்றிய சிலப்பதிகாரம் மற்றும் மணிமேகலை நூல்களை எளிமைப் படுத்தி இன்றைய வாசிப்பிற்கு மரபு கவிதைகளாக அழகு குறையாமல் செய்த உழைப்புதான்

இந்த வருடம் பத்மஸ்ரீ விருது வாங்கிய கைவினைக் கலைஞர் முனுசாமியுடன்

ஒரு எழுத்தாளன் வாசகனுக்கு செய்யவேண்டியது என்ன?

வாசகனுக்கு பிடித்த எளிய நடை கருத்தாழம் சொல்லழகு இவைகளை எழுத்தாளன் மனத்தில் வைத்து படைப்பை வழங்க வேண்டும் .

தாங்கள் வள்ளலார் மரபுவழி பின்பற்றி நடப்பவர். திரு அருட்பிரகாச வள்ளல் பெருமானிடம் தங்களுக்குப் பிடித்தது அவர் எழுதிய கவிதைகளா?அவர் சிவனிடம் கொண்டிருந்த பக்தியா?

அவரின் எளிமையான நடை பாடலில் அவர்கையாண்ட புதிய யுத்திகள். அவர் எழுதிய ஆறாம் திருமுறையில் அருட்பெருஞ்சோதி என்ற உலகத்தில் யாவரும் வழிபடும் பொதுவான தெய் வத்தையே வழிபாட்டிற்கு காட்டிச் சென்றது

ஏ பீம்சிங் மகன் பி லெனின் அவர்களுடன்
பூம்புகாரில் துணைவியாருடன்
புதுச்சேரி தொலைக்காட்சி நிகழ்வொன்றில்

தற்கால இலக்கியச் சுவை. பழங் கால இலக்கியங்களுக்கு நிகராக இல்லை என்பது எனது கருத்து.தங்களின் கருத்து?

உண்மைதான் பாடல்களும் உரை நடையிலும் பழமை என்பது இனி யாராலும் முறியடிக்க முடியாத ஒன்றாகவே உள்ளது. உரைநடையில் கல்கியின் நடைக்கு ஈடு இல்லைதானே .

உங்கள் பள்ளி நாட்கள் பசுமையாக நினைவில் நிற்பதுஎது?

இன்னும் நன்றாக படித்திருக்க வேண்டுமென்ற எண்ணமே.

பள்ளிக்காலங்களில் உங்களிட மிருந்த சிறந்த பழக்க மொன்றை சொல்லுங்களேன்?

சிறு வயதிலேயே திருப்புகழை மனப்பாடம் செய்ததே நல்ல பழக்கம்.

மரபுக் கவிதைகள் புதுக்கவிதைகள் இவற்றில் எது வாசகன் மனதில் தங்கும்? எதனால்?

மரபே! மரபின் ஓசைகளின் மூலம் மனத்தில் பதியும். சொல்வதற்கு எளிமை நம் முன்னோர் வழி இது.

கவிஞர் பிறைசூடன் அவர்களுடன் நூல்வெளியீட்டு விழாவில்
புதுச்சேரி அமைச்சர் க.லட்சுமிநாராணன் அவர்களுடன்
சிலம்பு கூறும் சீரிய அறம் நூல்வெளியீட்டு விழாவில்

ஒரு படைப்பாளனுக்கு அரசியல் சாத்தியப்படுமா?

சாத்தியப் படாது. கவிஞனுக்கு மென்மையான உள்ளம். கண்ணதாசனே அதில் தோற்று போனதை உதராணமாக கொள்ளலாம்

தற்கால படைப்பாளர்களில் தங்க ளைக் கவர்ந்தவர் யார்?

உதயணன் என்ற வரலாற்று நாவலாசிரியர் என் நண்பர். மற்றும் உரையாசிரியர் கவிஞர் முத்து இராமமூர்த்தி காஞ்சிபுரம்.

ஒரு கவிதையை எழுத மூடு வேண்டும் என்கிறார்களே. தங்கள் அனுபவம்?

அப்படியொன்றும் இல்லை எந்த சூழலிலும் எழுதலாம் .

எப்படியும் இதில் வெற்றியடைந்தே தீருவது என்று ஏதேனும் லட்சியமுண்டா. அதை வெற்றிகாண வழி கண்டீர்களா?

ஆம் சிலப்பதிகாரம் என்ற சங்ககால நூலை இந்த நூற்றாண்டிற்கு தகுந்தவாறு படைத்து அறிஞர்களின் பாராட்டு பெற்ற நினைத்தேன் வெற்றியும் அடைந்தேன் அதில்.

ஒரு ஆரம்பகால படைப்பாளிக்கு தங்களின் வழிகாட்டல் என்ன?

நூல்கள் ஆயிரம் ஆயிரம் படித்து அதன்மூலம் ஏற்படும் தெளிவு. பிறகு ஒரு படைப்பாளியாக வர ஒரு வாய்ப்பு

தாங்களும் தமிழ்நெஞ்சம் வாசகர் களில் ஒருவர் என்பதில் பெருமையடைகிறோம்.தமிழ்நெஞ்சம் பொன்விழா காண்கிறது.தமிழ்நெஞ்சத்தைப் பற்றிய ஒரு கருத்துரை தங்களின் பார்வையில்…

ஒரு கவிஞனை உலகறிய செய்ய எடுக்க இது போன்ற ஒரு வாய்ப்பை ஏற்படுத்தி தரும் சிறந்த ஏடு. நண்பரின் தொண்டு வாழ்க வளர்க.

மன்னர் மன்னன் அவர்களிடம் புரட்சிக்கவி விருது பெற்றபோது

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

நேர்காணல்

பாவலர் தமிழறிஞர் சிமா.இளங்கோ

மின்னிதழ் / நேர்காணல்

மலேசியாவில் வாழ்ந்து வரும் 80 அகவை கண்ட முதுபெரும் பாவலர் தமிழறிஞர் சிமா.இளங்கோ ஐயா. மலேசிய அரசின் கவிதைநூல் போட்டியில் பரிசு பெற்றவர். மரபு புதிது இரண்டிலும் வல்லவர்.

 » Read more about: பாவலர் தமிழறிஞர் சிமா.இளங்கோ  »

மின்னிதழ்

வாய்ப்புகள்தான் ஒரு படைப்பாளியை உருவாக்குகிறது

மின்னிதழ் / நேர்காணல்

வணக்கம்

நேர்காணல் :  பொன்மணிதாசன்

தாங்கள் பன்முகவித்தகர். கவிஞர் எழுத்தாளர். பேச்சாளர். பாடகர். நடிகர். இத்தனையும் சிறப்பாக செய்து வருகிறீர்கள் பிரமிக்கும் வண்ணம் இது எப்படி சாத்தியம்?

 » Read more about: வாய்ப்புகள்தான் ஒரு படைப்பாளியை உருவாக்குகிறது  »

மின்னிதழ்

நிறைய சிந்தியுங்கள் ஹைக்கூ பிறக்கும்

ஹைக்கூ கவிதைகள் எப்படி இருக்க வேண்டும் என்பதில் குழப்பம் வருவதில் அர்த்தமில்லை அவசியமில்லை தேவையுமில்லை. வாழ்ந்த ஹைக்கூ முன்னோடிகள் கவிக்கோ அப்துல் ரகுமான் தி. லிலாவதி, கவிஞர் மித்ரா, நிர்மலா சுரேஷ் போன்றவர்களின் கவிதை களைப் பாடமாக படியுங்கள். நாம் வாழும் காலத்தில் இருக்கின்ற தமிழக மூத்தக் கவிஞர்கள் கவிஞர் அமுதபாரதி கவிஞர் ஈரோடு தமிழன்பன் கவிஞர் அறிவுமதி கவிச்சுடர் கா. ந. கல்யாண சுந்தரம் கவிஞர் அமரன் கவிஞர் வே. புகழேந்தி கவிஞர் அனுராஜ் கவிஞர் இளையபாரதி கந்தகம் பூக்கள் இவர்களின் கவிதைகளைப் படித்து நுணுக்கங்களை கற்றுக் கொள்ளுங்கள்.