எனது சிறுவயது
தீபாவளி எப்படி!!!

என்று வரும் என்றே எனை
ஏங்க வைக்கும்

காலை எழுந்தவுடன்
நாட்காட்டி பார்த்து பார்த்து
தாள்கள் பழசாய்ப்போகும்

என்ன வண்ண உடை
எங்கே எடுப்பது கவலை
வேறு வந்து ஆட்டும்

யாருமே அணியாத
புது வகைத்துணியில்
நான் மட்டுமே அழகியாக
தோன்றவே விருப்பம் கொள்ளும்

தீபாவளிக்கு ஐந்துமுறையேனும்
கடைக்குச்செல்லவேண்டும்

புதிதாக என்ன மாதிரி உடை
கண்கள் வட்டமிடும்
உனக்கு மட்டுமே இத்தனை
நேரம் எடுத்தால் மற்றவர்களுக்கு??
விரைந்து முடி
சிடுசிடுப்பார் அம்மா..

இறுதியில் ஒன்றை எடுத்து விட்டு
வீடு வந்தாலோ
அடடா அதே அழகாய் இருந்ததே
விட்டு விட்டோமே..
அம்மா எனக்கிதுப் பிடிக்கவில்லை
வா மாற்றிவிடலாம்
வேறு என்பேன்.

திரும்பவும் சென்று முதலில்
பார்த்ததே சரி என்று…
இப்படித்தான்..
ஒவ்வொரு வருடமும்
தொடர்கதையாய்…
..
திரும்பவும் நீல
வண்ணமா வேறு கண்களுக்குத்
தென்படாதா
உனக்கு என்ன? திட்டுவார்கள்…
பிறகு….
அதே வண்ண நகப்பூச்சு
ஏனம்மா அழகான விரல்கள்
ரோசாப்பூ வண்ண நகங்கள்
உனக்கு பின் எதற்காய்
இந்த நகப்பூச்சு
நன்றாகவா உள்ளது
கூறுவார் அம்மா
ம்கூம் முடியாது…
சரி சரி.ஏதோ செய்
என்று நகர்ந்து விட …
எனக்குப்பிடித்த
வளையல் தலைக்கணி
என்று உடைக்குப்பொருத்தமாய்
வாங்கிய பின் பார்த்தால்
கொண்டு சென்ற
காசு அனைத்தும் செலவாகிருக்கும்…

இரவு…
மறுநாளை நினைத்து நினைத்து
உறங்கி விட
விடிய விடிய பலகாரம்
செய்யும் அம்மா தனியளாய்..
உறங்கிய எங்களை
விடியற்காலை எழுப்பி விடுமே
அடுத்த வீட்டு வெடிச்சத்தம்

அம்மா அம்மா கொதிநீரெங்கே
பாடுபடுத்தி
தலைக்கு எண்ணெய் வைத்து
சிகைக்காய் பொடி
தேய்த்து நான் முதல் நீ முதல்
என்று போட்டி போட்டு
குளித்து புதுத்துணி உடுத்தி
வாங்கி வந்த அலங்காரப் பொருட்கள் அழகுபடுத்தி
….
அடடா உண்மையில் எந்த தேசத்து மகாராணி
என்றே பார்த்தவர் கண்படும்
கொள்ளையழகாய்

எதிர்வீட்டு அடுத்த வீட்டுப்பெண்களுடன்
எவர் உடை அழகு என்றால்
முதலிடம் தென்றல் பிடிப்பாளே
ஒவ்வொரு வருடமும்…


1 Comment

தென்றல் கவி · அக்டோபர் 27, 2019 at 8 h 44 min

தீபாவளி அன்றே எனது கவிதையை இணையத்தில் இடம்பெற செய்தமைக்கு நன்றி!
தீபாவளி வாழ்த்துகள்!

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

விடுபடுதல்

சிலவேளைகளில் கற்பனைகள்
உண்மைகளைவிட உன்னதமானவை

நான் வகுப்பறைக்குள் நுழைந்தேன்
பெஞ்சுகளில் பேசாமல் அமர்ந்திருக்கும்
பட்டாம்பூச்சிகள் வணக்கம் சொல்லின

கட்டிப்போட்டு பாடம் நடத்தினால்
பட்டுப்போய்விடுமென யோசித்தேன்
அவற்றின் படபடக்கும் கண்கள்
வானுக்கு அழைத்துப் போகச் சொல்லின

பறக்கத் தொடங்கினோம்
கிறக்கமுற்ற வானம் கைகுலுக்கி வரவேற்றது
வானத்தின் வகுப்பில் கணக்குப் பாடம்
நட்சத்திரங்களை எண்ணச் சொன்னேன்
பறித்துக் கோர்த்து மாலையாக்கி மகிழ்ந்தனர்

விடுதலை பற்றிய பாடத்தில்
கூண்டுக்குள் வேண்டாமென
காற்றிடம் பெருவெளி கேட்டோம்
காற்றும் கடை திறந்து பெருவெளி கொடுத்தது
உண்டு மகிழ்ந்தோம்

நிலவின் சாலையில் நடந்தே வந்தோம்
வடை சுட்ட ஆயா காணாது தவித்தோம்
ஆயா சிறையிலிருக்கிறார் என்றான்
வடை சுடும்போது கேஸ் தீர்ந்துவிட்டதாம்
சிலிண்டரைக் கொடுத்துதவிய
ஆம்ஸ்ட்ராங் உயிர்காற்றின்றி
உயிர்விட்டுவிட்டாராம்…

 » Read more about: விடுபடுதல்  »

புதுக் கவிதை

இயலாமையின் ஓளி

இதோ
இந்த பொழுதுதான்
உன்னை அழைத்து
இசை மீட்ட சொன்னது…

நான் பாத்துக்கொண்டே
இருக்கும் சமயத்தில்தான்
நமக்கான இருளும்
இசைந்து வந்தது…

வழியெங்கும் விழிபதித்து
உன் வருகைக்காய்
என்னுடனே காத்திருந்தது
இருளும் கைகோர்த்தபடியே…

 » Read more about: இயலாமையின் ஓளி  »

புதுக் கவிதை

வேண்டும் சுதந்திரம்

மதுவென்னும் மாயனிடமிருந்து நீங்கி
மகிழ்வோடுவாழ வேண்டும் சுதந்திரம்!
சாதிமத பேதமின்றி ஒற்றுமையோடு
சந்தோசமாகவாழ வேண்டும் சுதந்திரம்!

அணைக்கட்டுப் பிரச்சினையின்றி
ஆதரவாக வேண்டும் சுதந்திரம்!
வெடிகுண்டு பாதிப்பின்றி தீவிரவாதம்
வென்றிட வேண்டும் சுதந்திரம்!

 » Read more about: வேண்டும் சுதந்திரம்  »