மெரினா கடற்கரை மணலாய் நானும்
மாறிட வேண்டுமடி தோழி
மனதிற் கினிய அண்ணா கலைஞரை
மடியில் தாங்கிடடி.

விரிவான் கலைஞர் வெல்தோள் தன்னில்
விழுந்திடும் துண்டாவேன் தோழி
விடியல் தலைவர் மஞ்சள் துண்டென
மகிழ்ச்சிச் செண்டாவேன்.

கலைஞர் என்னும் கருப்படு பொருளின்
காலடிச் செருப்பாவேன் தோழி
கண்ணியன் அமர்ந்த சக்கர நாற்காலி
கைப்பிடி உறுப்பாவேன்.

அஞ்சுகம் முத்து வேலரின் மைந்தன்
அருந்தமிழ் உருவமடி அவர்
ஆற்றல் கண்டே அன்னைத் தமிழவள்
அடைந்தனள் கருவமடி.

அரசியல் களத்தில் அய்யன் கலைஞர்
அதிசய வாதியடி அவர்
ஆடிடும் காய்களின் அதிரடி நகர்த்தல்
அதுவும் சேதியடி.

திரைத்திசை தன்னில் தீப்பொறி பறக்க
திகைத்தேன் நானுமடி அதில்
தேனும் தென்றலும் சேர்ந்தது எப்படி
தெரியவே வேணுமடி.

கரகரப் பிரியா குரலில் மயங்கினேன்
காதல் பித்தமடி தோழி
கலைஞர் தமிழில் கற்றுத் தேர்ந்தேன்
கவிதை நித்தமடி.

குவளை மண்ணின் குழந்தை யவர்க்குக்
கொஞ்சிடும் முத்தமடி தோழி
கொள்கைக் கோமான் குருதியில் உறைந்தவர்
கூடுவார் சித்தமடி.

செம்மொழிச் செல்வரை செந்தமிழ் அறிஞரை
சேர்ந்திட வேணுமடி மனம்
சேவடிப் பற்றிச் சேவைகள் புரிந்திடக்
கனவுகள் காணுதடி.

சூரியத் தலைவர் சுந்தரக் கலைஞர்
மறைந்திட வில்லையடி அவர்
தொல்தமிழ் வடிவில் செந்தமிழ் நிலத்தில்
மணந்ததிடும் முல்லையடி.


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

விடுபடுதல்

சிலவேளைகளில் கற்பனைகள்
உண்மைகளைவிட உன்னதமானவை

நான் வகுப்பறைக்குள் நுழைந்தேன்
பெஞ்சுகளில் பேசாமல் அமர்ந்திருக்கும்
பட்டாம்பூச்சிகள் வணக்கம் சொல்லின

கட்டிப்போட்டு பாடம் நடத்தினால்
பட்டுப்போய்விடுமென யோசித்தேன்
அவற்றின் படபடக்கும் கண்கள்
வானுக்கு அழைத்துப் போகச் சொல்லின

பறக்கத் தொடங்கினோம்
கிறக்கமுற்ற வானம் கைகுலுக்கி வரவேற்றது
வானத்தின் வகுப்பில் கணக்குப் பாடம்
நட்சத்திரங்களை எண்ணச் சொன்னேன்
பறித்துக் கோர்த்து மாலையாக்கி மகிழ்ந்தனர்

விடுதலை பற்றிய பாடத்தில்
கூண்டுக்குள் வேண்டாமென
காற்றிடம் பெருவெளி கேட்டோம்
காற்றும் கடை திறந்து பெருவெளி கொடுத்தது
உண்டு மகிழ்ந்தோம்

நிலவின் சாலையில் நடந்தே வந்தோம்
வடை சுட்ட ஆயா காணாது தவித்தோம்
ஆயா சிறையிலிருக்கிறார் என்றான்
வடை சுடும்போது கேஸ் தீர்ந்துவிட்டதாம்
சிலிண்டரைக் கொடுத்துதவிய
ஆம்ஸ்ட்ராங் உயிர்காற்றின்றி
உயிர்விட்டுவிட்டாராம்…

 » Read more about: விடுபடுதல்  »

எழுதக் கற்றுக்கொள்வோம்

ஹைக்கூ ஓர் அறிமுகம் – 45

தொடர் – 45

ஹைக்கூ எளிய கவிதை வடிவம்… ஆனால் உள்ளார்ந்த பல விசயங்களைக் கொண்டிருக்கும் உன்னத கவிதை வடிவமாகும்.

இக் கவிதை வடிவில் கருப்பொருளோடு இரண்டறக் கலந்திருப்பது பல விசயங்கள்..

 » Read more about: ஹைக்கூ ஓர் அறிமுகம் – 45  »

எழுதக் கற்றுக்கொள்வோம்

ஹைக்கூ ஓர் அறிமுகம் – 44

தொடர் – 44

ஹைக்கூவில் பாஷோவின் ஆளுமை

பாஷோ.. ஹைக்கூவின் பிதாமகர்.. ஜப்பானியக் கவிஞர் கி.பி.1644_ ல் பிறந்து 1694  ல் மறைந்த ஒரு மாபெரும் ஹைக்கூ ஆசான்.

 » Read more about: ஹைக்கூ ஓர் அறிமுகம் – 44  »