செந்தமிழின் பேரெழிலைத் தீட்டிடுவார்! நற்கவியால்
முந்தைத் தமிழ்மரபை மூட்டிடுவார்! – சிந்தையெலாம்
விந்தை புரிந்திடுவார்! மேன்மையுறும் பாட்டரசர்
சந்தம் இனிக்கும் தழைத்து!

கம்பன் கவிகாக்கும் காவலர்! போற்றியே
நம்மின் தமிழ்காக்கும் நாவலர்! – செம்பொன்னார்!
அம்மையப்பன் தாள்போற்றும் அன்புடையர்! பாட்டரசர்
உம்பர் உவக்கும் உயிர்!

தொல்காப் பியர்கழகம் தோற்றிய நற்கவிஞர்!
ஒல்காப் புகழ்கண்ட உத்தமர்! – நல்லோர்கள்
செல்வழியே சென்றிடுவார்! செந்தமிழ்ப் பாட்டரசர்
சொல்லென்றும் வெல்லும் சுடர்ந்து!

செந்தமிழர் வாழ்வு செழித்தோங்கும்! சீர்மிகு
செந்தமிழ்க் காப்பியங்கள் செம்மையுறும்! – விந்தையெழில்
நன்மணியாய் மின்னும் வனப்பூறும்! பாட்டரசர்
பன்னூற்கள் கூட்டும் பயன்!

தொன்னூல் மரபியலில் தோய்ந்திட்டார்! நற்றமிழை
நன்னூல் வழியே நவில்கிறார்! – மின்னிடும்
இன்னூல் வடிக்கின்றார்! ஈடிலாப் பாட்டரசர்
பொன்னூல் அளிக்கும் புகழ்!

வண்ணமயில் கூத்தாடும் வான்மழை மண்சேரும்!
எண்ணமெழில் பூத்தாடும்! இன்னமுதாய்ப் – பண்ணூறும்
கண்ணன் கழற்போற்றிக் கண்குளிரும் பாட்டரசர்
மண்ணலம் காப்பார் மகிழ்ந்து!

இலக்கண நல்விருதை ஏற்றவராம்! நன்னூல்
இலக்கியம் வாழ்வியலாய் ஈந்தார்! – நிலைத்திடும்
மண்ணின் மொழிப்போர் மறவராம்! பாட்டரசர்
கண்ணின் ஒளியே கவி!

நற்றமிழ்ப் பாவலராம்! நம்மொழித் தொண்டராம்!
வற்றா வளர்தமிழின் மாகடலாம்! – பற்றுடனே
பொற்றமிழ் தேரோட்டிப் போற்றுகின்ற பாட்டரசர்
கற்றவர் போற்றும் கவி!

பொன்னாளாம்! பூக்கும் புகழ்நாளாம்! எண்ணம்போல்
மின்னும் பிறந்தநாள் மேன்மையுறும்! – அன்பூறும்
முத்தமிழால் வாழ்த்துகின்றேன் முன்னவரை! பாட்டரசர்
எத்திசையும் காண்க எழில்!

சீரோங்கும் வைணவச் செல்வர் குலம்வாழி!
பாரோங்கும் பைந்தமிழ்ப் பா..வாழி! – நீரோடும்
நட்பாலே நன்னெய்தல் நாடன் நலமிசைத்தேன்!
பட்டாகப் பாக்கள் படைத்து!

பாவலர் நெய்தல் நாடன்
01/07/2019


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

இலக்கணம்-இலக்கியம்

கவிதைக்கழகு இலக்கணம் – 3

தொடர்- 3

இதுவரை 5 எதுகைகளைப் பார்த்தோம்

இப்போது மேலும் மூன்று எதுகைகளைக் காண்போம்

      6.மேற்கதுவாய் எதுகை

ஒரு அடியில் 1,3,4 சீர்கள் ஒரே எதுகை பெற்று வருவது மேற்கதுவாய் எதுகை எனப்படும்

எடுத்துக் காட்டு

விண்மகள் பெற்றெடுத்த தண்ணிலவே பெண்மகளே
மண்மகள் வாழ்த்துகின்ற பண்ணிசையே வண்டமிழே
கண்விழியால் எனைமயக்கும் கண்ணகியே உண்டிடவா?

 » Read more about: கவிதைக்கழகு இலக்கணம் – 3  »

இலக்கணம்-இலக்கியம்

கவிதைக்கழகு இலக்கணம் – 2

தொடர் – 2

எதுகை தொடர்ச்சி

இதுவரை இரண்டு எதுகைகள் பார்த்தோம் அடி எதுகை மற்றும் இணை எதுகை

மற்றவற்றைப் பார்க்குமுன் ஒரு குறிப்பு

இது எதுகையை எழுதும் போது நாம் அவசியம் கவனத்தில் கொள்ள வேண்டியது.( நன்றி.

 » Read more about: கவிதைக்கழகு இலக்கணம் – 2  »

மரபுக் கவிதை

பெண்ணின்றி அமையாது உலகு

நீரின்றி அமையாது உலகு என்பதுபோல்
          பெண்ணின்றி  அமையாது நல்வாழ்வு.!
சக்தியின்றிச் சிவனும் இல்லை என்றுரைத்து
          சிவனும் சொன்னார் நெற்றிக் கண் திறந்தே.!

பத்துமாதம் சுமந்துகாக்கும் பொறுமை கொண்டு
          பக்குவமாய் உணவை பண்போடும் அன்போடும்
பாசத்தோடு குழைத்து படைக்கும் குணவதியாய்
         பார்போற்றும் உன்னத படைப்பு பெண்ணாவாள்.!

 » Read more about: பெண்ணின்றி அமையாது உலகு  »