எதற்கிந்த சீற்றமுடன் வீசு கின்றாய்
        எல்லாமும் அழிப்பதற்கா புயலாய் வந்தாய்
பதவியிலே இருப்பவர்கள் நாட்டை யின்று
        பாழ்செய்து வளம்சுருட்டிக் கீழே தள்ள
மதவெறியர் ஒருபக்கம் எரித்து நிற்க
        மனங்களெல்லாம் தன்னலத்தால் அழித்து நிற்க
விதவிதமாய்ப் பெயர்களிலே வந்து நீயும்
        வீரத்தை யார்புகழ காட்டு கின்றாய்!

வழிவழியாய் வரவேற்பு கொடுப்ப தற்கு
        வானத்தில் விழிவைத்துப் பார்த்தி ருக்கப்
பொழியாதோ எனயேங்கிக் காத்தி ருக்கப்
        பொழியாமல் வயல்களினைக் காய வைத்துக்
குழிபறிக்கும் கொடுங்கோலர் ஆட்சி தம்மைக்
        கூடிநின்று விரட்டாத மக்கள் தம்மைப்
பழிவாங்க வேண்டுமென்றா புயலாய் மாறிப்
        பகலிரவு பார்க்காமல் கொட்டு கின்றாய்!

பல்லாண்டாய் வளர்த்திட்ட மரங்கள் சாய்த்தாய்
        பரிதாப ஏழையரின் குடில்கள் சாய்த்தாய்
பொல்லாதார் நாடழித்தல் போதா தென்று
        பொழிந்துநீயும் ஊர்களினை அழிக்கின் றாயே!
கொல்கின்ற குணமெதற்கோ இரக்கந் தன்னைக்
        கொண்டிருக்கும் தென்றலாக மாற்றம் கொள்வாய்
நல்லவரால் இவ்வுலகம் வாழ்தல் போன்று
        நறுங்காற்றாய் வீசியெம்மை வாழ வைப்பாய்!


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மரபுக் கவிதை

வான் நிலவும் வண்ண நினை(ல)வும்

பால்வெளியில் பந்தெறிந்த தேவதையிங்கு யாரோ?
பால்நிலவாய் வலம்வருமே வண்ணநிலா தானோ?
வைரவெளிப் பொட்டலிலே வந்திடுவாள் அவளே
வான்நிலவு மங்கையவள் வசங்கொள்வாள் நமையே!

காதோடு வருடுமந்த காற்றோசை போலக்
கதைபலவும் சொல்லிடுவார் நினைவோசை மேலே,

 » Read more about: வான் நிலவும் வண்ண நினை(ல)வும்  »

மரபுக் கவிதை

ஆசையக் காத்துல தூது விட்டேன்

கிள்ளை மொழியெல்லாம் கிளியேயுன் நினைவூட்ட
          மெல்ல மயக்குமென் மேவும்நிலை சொல்லுதற்குத்
துள்ளும் கயல்சரியோ?  துடிப்பான மான்சரியோ?
         

 » Read more about: ஆசையக் காத்துல தூது விட்டேன்  »

மரபுக் கவிதை

வாழ்வாங்கு வாழியவே பாட்டரசர்!

செந்தமிழின் பேரெழிலைத் தீட்டிடுவார்! நற்கவியால்
முந்தைத் தமிழ்மரபை மூட்டிடுவார்! – சிந்தையெலாம்
விந்தை புரிந்திடுவார்! மேன்மையுறும் பாட்டரசர்
சந்தம் இனிக்கும் தழைத்து!

கம்பன் கவிகாக்கும் காவலர்! போற்றியே
நம்மின் தமிழ்காக்கும் நாவலர்!

 » Read more about: வாழ்வாங்கு வாழியவே பாட்டரசர்!  »