ஏற்றிடுவோம் தீபத்தை நன்னாளில்
      எத்திக்கும் பரவிடுமே மகிழ்ச்சிவெள்ளம்
போற்றிடுவோம் பண்டிகையை அந்நாளில்
      பொங்கிடுமே புதுவாழ்வு மக்களிடம்
மாற்றங்கள் வந்திடுமா நாள்தோறும்
      மண்ணுலகி லின்பமுமே தாங்கிடுமா
சீற்றங்கள் வேண்டாமே எந்நாளும்
      சிறப்புடைய தீபவொளி ஒளிர்விடட்டும் .

கொடுக்கின்ற மனிதரெல்லாம் இன்றுமாறிக்
      கொடைகுணத்தை இழந்துவிட்டார் இவ்வுலகில்
அடுக்கடுக்காய் மக்களினம் பெருகிப்போய்
      அன்புடைய நெஞ்சமுமே மறந்துவிட
நடுத்தெருவில் நிற்கின்ற வறியோர்கள்
      நாயைப்போல் உணவின்றி அலைகின்றார்
எடுக்கின்ற உறுதிமொழி அனைவர்க்கும்
      ஏற்புடைய மொழியாகச் செய்தல்வேண்டும் .

கொண்டாட்டம் வீதியிலே செல்வர்க்கு
      கொடுப்பினையும் இனியில்லை வறியார்க்கு
திண்டாட்டம் இந்நாளில் தேவைதானா?
      திக்கெட்டும் தீப்பொறிகள் வெடிகளாலே
பண்டங்கள் சுவைத்திடுமே பலருக்கும்
      பழையசோறு போதவில்லை ஏழ்மைக்கு
கண்களிலே நீர்பெருக எழுதுகின்றேன்
      காசினியில் இந்நிலைமை மாறிடுமா ?

தித்திக்கும் தீபவொளி யாவர்க்கும்
      திகழட்டும் மக்களுக்குள் ஒற்றுமையே
எத்திக்கும் சமுதாயம் வாழவேண்டின்
      எண்டிசையும் சமத்துவத்தை பரப்பிடுவோம்
மத்தாப்புக் குச்சிகளும் சொல்லுமொழி
      மங்காத வாழ்வுநெறி வேண்டுமென்றே
புத்தாடை அணிந்திடுவோம் நாமெல்லாம்
      புத்துலகைச் சமைத்திடவே புறப்படுவோம்.


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மரபுக் கவிதை

வான் நிலவும் வண்ண நினை(ல)வும்

பால்வெளியில் பந்தெறிந்த தேவதையிங்கு யாரோ?
பால்நிலவாய் வலம்வருமே வண்ணநிலா தானோ?
வைரவெளிப் பொட்டலிலே வந்திடுவாள் அவளே
வான்நிலவு மங்கையவள் வசங்கொள்வாள் நமையே!

காதோடு வருடுமந்த காற்றோசை போலக்
கதைபலவும் சொல்லிடுவார் நினைவோசை மேலே,

 » Read more about: வான் நிலவும் வண்ண நினை(ல)வும்  »

மரபுக் கவிதை

ஆசையக் காத்துல தூது விட்டேன்

கிள்ளை மொழியெல்லாம் கிளியேயுன் நினைவூட்ட
          மெல்ல மயக்குமென் மேவும்நிலை சொல்லுதற்குத்
துள்ளும் கயல்சரியோ?  துடிப்பான மான்சரியோ?
         

 » Read more about: ஆசையக் காத்துல தூது விட்டேன்  »

மரபுக் கவிதை

வாழ்வாங்கு வாழியவே பாட்டரசர்!

செந்தமிழின் பேரெழிலைத் தீட்டிடுவார்! நற்கவியால்
முந்தைத் தமிழ்மரபை மூட்டிடுவார்! – சிந்தையெலாம்
விந்தை புரிந்திடுவார்! மேன்மையுறும் பாட்டரசர்
சந்தம் இனிக்கும் தழைத்து!

கம்பன் கவிகாக்கும் காவலர்! போற்றியே
நம்மின் தமிழ்காக்கும் நாவலர்!

 » Read more about: வாழ்வாங்கு வாழியவே பாட்டரசர்!  »