தீப்பிழம்பில் குளித்தெழுந்த தீந்தமிழே!
தெள்ளுற்ற தமிழ்நாட்டின் முகவரியான திராவிடமே!
தமிழுக்கோர் தொண்டாற்றி கசிந்து கனிந்த பழமே!
செங்கதிரோன் சாயலதில் வார்த்தெடுத்த கரிகாலனே!
எங்கள் சேது சமுத்திரமே!

சாதீயம் பேசி சாக்காடாயிருந்த கூட்டம்
சித்தம் தெளிய வந்த சிலப்பதிகாரமே!
சீர் மரபினனாம் தமிழனின்
சிந்தைக்கு சோறூட்டும் அகல்விளக்கே!
அறிவுக்கடலே! ஆரமுதே!

பெண் விடுதலைக்காய் குரல் கொடுத்த நளாயினியே!
திகட்டாத தமிழால் வீரமுதூட்டிய தென்பாண்டிச் சிங்கமே!
வற்றாத காவிரியாய் வளைய வரும் ராஜ ராஜ சோழனே!
வானவர்தம் இன்மொழியாம்
வள்ளுவன் வாக்கினிலே நின்ற செம்மொழியே!
மற்றற்ற பொதுவாழ்வில்
பற்றற்று உழைத்த பெருந்தலைவனே!

கைம்பெண்ணாய் கதறிய தமிழன்னைக்கு
துளி மையால் பொட்டிட்ட கலைஞனே!
‘மாற்றுதிறன்’ சொல் தந்த மாமுனியே!
மாசில் வீணையே!
உன் மேல் காமுற்ற காலன்
நரன் போல் வந்து இரந்து கேட்டானோ?
நீ நாள்தோறும் தொழும் தமிழ்போல்
வந்து தயவாய் கேட்டானோ?
ஏன் கொடுத்தாய் நின் இன்னுயிரை?
அள்ளிக்கொடுத்த நீ பரியேறும் எமனுக்குக்
கிள்ளிக்கொடுக்கலாகுமோ?
தத்தளித்த தமிழினத்தைக்
கரைசேர்த்த கட்டுமரந்தான்
கடலில் மூழ்கிப்போகுமோ?

முதல்முறையாய் இன்று
கண்ணீர் கசக்கிறது,
நீ உப்பிட்ட உணவில்
ஒரு பருக்கையேனும் உண்ணாத தமிழனில்லை
உன் வியர்வை ஈரத்தில்
தழைத்து வளராத தமிழுமில்லை…

நீ நேசித்த தமிழ் மண்
உன் உடலை யாசிக்கிறது
விழுந்தும் விழாத மழையானவனே
பிரியாவிடை கொடுக்கிறோம்
போய் வா…

ஆயினும் ஒன்று மட்டும் கேள்,
ஒரேயொரு இறுதி கோரிக்கை…
உன் கல்லறையில் தவழவரும் காற்றுக்கு
தமிழ் கற்றுக்கொடுத்துவிடு
வருங்கால சந்ததிகள் மூச்சாய் அதைக் குடித்து
உயிர் பிழைத்துக்கொள்ளட்டும்.


3 Comments

தமிழ்மாமணி புலழர் வெ அனந்தசயனம் · செப்டம்பர் 5, 2018 at 19 h 16 min

மிகச்சிறந்த கவிதை வாழ்த்துகள்!

முத்துராஜ். தெ.ச · செப்டம்பர் 8, 2018 at 3 h 31 min

அற்புதமான நடை, பொருள், மொழி வளம்.

திருவாசகம். ஜெ · அக்டோபர் 30, 2018 at 4 h 07 min

தொடர் நடையில் மொழி நயம்.. சிறப்பு… வாழ்த்துக்கள்

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

விடுபடுதல்

சிலவேளைகளில் கற்பனைகள்
உண்மைகளைவிட உன்னதமானவை

நான் வகுப்பறைக்குள் நுழைந்தேன்
பெஞ்சுகளில் பேசாமல் அமர்ந்திருக்கும்
பட்டாம்பூச்சிகள் வணக்கம் சொல்லின

கட்டிப்போட்டு பாடம் நடத்தினால்
பட்டுப்போய்விடுமென யோசித்தேன்
அவற்றின் படபடக்கும் கண்கள்
வானுக்கு அழைத்துப் போகச் சொல்லின

பறக்கத் தொடங்கினோம்
கிறக்கமுற்ற வானம் கைகுலுக்கி வரவேற்றது
வானத்தின் வகுப்பில் கணக்குப் பாடம்
நட்சத்திரங்களை எண்ணச் சொன்னேன்
பறித்துக் கோர்த்து மாலையாக்கி மகிழ்ந்தனர்

விடுதலை பற்றிய பாடத்தில்
கூண்டுக்குள் வேண்டாமென
காற்றிடம் பெருவெளி கேட்டோம்
காற்றும் கடை திறந்து பெருவெளி கொடுத்தது
உண்டு மகிழ்ந்தோம்

நிலவின் சாலையில் நடந்தே வந்தோம்
வடை சுட்ட ஆயா காணாது தவித்தோம்
ஆயா சிறையிலிருக்கிறார் என்றான்
வடை சுடும்போது கேஸ் தீர்ந்துவிட்டதாம்
சிலிண்டரைக் கொடுத்துதவிய
ஆம்ஸ்ட்ராங் உயிர்காற்றின்றி
உயிர்விட்டுவிட்டாராம்…

 » Read more about: விடுபடுதல்  »

புதுக் கவிதை

தீபாவளி

எனது சிறுவயது
தீபாவளி எப்படி!!!

என்று வரும் என்றே எனை
ஏங்க வைக்கும்

காலை எழுந்தவுடன்
நாட்காட்டி பார்த்து பார்த்து
தாள்கள் பழசாய்ப்போகும்

என்ன வண்ண உடை
எங்கே எடுப்பது கவலை
வேறு வந்து ஆட்டும்

யாருமே அணியாத
புது வகைத்துணியில்
நான் மட்டுமே அழகியாக
தோன்றவே விருப்பம் கொள்ளும்

தீபாவளிக்கு ஐந்துமுறையேனும்
கடைக்குச்செல்லவேண்டும்

புதிதாக என்ன மாதிரி உடை
கண்கள் வட்டமிடும்
உனக்கு மட்டுமே இத்தனை
நேரம் எடுத்தால் மற்றவர்களுக்கு??

 » Read more about: தீபாவளி  »

புதுக் கவிதை

இயலாமையின் ஓளி

இதோ
இந்த பொழுதுதான்
உன்னை அழைத்து
இசை மீட்ட சொன்னது…

நான் பாத்துக்கொண்டே
இருக்கும் சமயத்தில்தான்
நமக்கான இருளும்
இசைந்து வந்தது…

வழியெங்கும் விழிபதித்து
உன் வருகைக்காய்
என்னுடனே காத்திருந்தது
இருளும் கைகோர்த்தபடியே…

 » Read more about: இயலாமையின் ஓளி  »