கிளைகள் அடர்ந்த தனிமரம்தான் அது
தன் விழுதுகளை நம்பியே
நிமிர்ந்து நிற்கும் அரைநூற்றாண்டாக …

அதன்கிளைகள் மேல் பசிய இலைகளாகப் படர்ந்தன கிளிகள்…
லட்சோபலட்சம் பைங்கிளிகளின்
ஆராவாரிக்கும் சப்தம் எண்திசையெங்கும் பறக்கச் செய்கிறது.
கிளிகளின் கொஞ்சல்களும்
பழங்களைக் கொத்தியுண்ணும் இன்பமும்
தாய்வயிற்றில் உதைக்கும்குழந்தையெனக்
கொள்கிறது அந்த ஆலமரம்

நாற்புறமும் சாலைகளை சத்தமிட்டபடியே
குறுவண்டி பெருவண்டிகளெனப்
பெருகியோடும் பேராற்றின் நடுவே
அது செம்மாந்து நிற்பதை பார்த்தவர்கள்…
சிலர் புரியாமல் உமிழ்ந்து போகிறார்கள்
சிலர் பாவம் என உளறிப் போகிறார்கள்
தன்நிழலை நம்பியே நிமிர்ந்து நிற்கும்
அடர்ந்த வானமாகும் அந்த மரம்…
வனமாகவும் காட்சியளிக்கிறது…

வழிபோக்கர் களின் ஓய்விடமாகவும்
கைவிடப்பட்ட வர்களின் வாழிடமாகவும்
செல்லரித்த தன் அடிப்பகுதி
சிலவற்றின் படுக்கையிடமாகவும்…

நாற்சந்தியில் நிற்பதைப் பற்றி
ஒருபோதும் கவலை கொண்டதில்லை
மாறாகத் தாராளமாய்
வானம் தொட்டு வளர்க்க எண்ணும்
யாவரையும் யாவற்றையும்

உண்ணும் பழங்களையும் நிழலையும்
ஏன் தன்னையே தின்ன கொடுத்திருக்கும்
யாவர்க்குமாகிய அந்த ஆலமரம்
இன்றும் காட்சியளிக்கும் நாற்சந்தியில்
கிளியுடைய மீனாட்சியம்மனாக…


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

நீதான் எந்தன் நிழல்

மௌனப் புன்னகை
கொட்டிய
உந்தன் வதனத்திலிருந்து
ததும்பி ஓடும்
அன்பின் வாசனையை
அள்ளிக் குடிக்கிறேன்…
அது
நீண்ட சஞ்சரிப்போடு
எந்தன் கரங்களில் நசிபட்டு
என்னைத் தாண்டி
நெடுதூரம் ஓடியது
ஆனந்தச் சாயல்கள்…

 » Read more about: நீதான் எந்தன் நிழல்  »

புதுக் கவிதை

தேடுகிறேன் வறுமையற்ற வாழ்வை

தேடுகிறேன் வறுமையற்ற வாழ்வை

என் தேசத்தில் தேடுகின்றேன்
வறுமையற்ற வாழ்வாய்
எனக்கான சந்ததிகளில்
விழிகள் நிறைய
கண்ணீரோடு கையேந்தும்
சிறுவர்களின் கெஞ்சலும்

தோல்சுருங்கி
கைவிடப்பட்ட மூதாட்டியின்
முனகலோடும்

நடுங்கும் கைகளில்
கைத்தடியின் ஆதரவில்
கால்இடறி ஆதரவின்றி
விழப்போகும் முதியவரிடமும்
தேடுகிறேன்
வறுமையற்ற வாழ்வை.

 » Read more about: தேடுகிறேன் வறுமையற்ற வாழ்வை  »

புதுக் கவிதை

யாரைத்தான் நம்புவதோ…

உண்மைகளுக்குள்
உண்மைகளைத் தோடும் உலகம்
ஊமையாகிப் போன நேர்மைகள்
தோற்றம் அளிக்கின்றன துரோகங்களாக!

பொய்களுக்கு அளிக்கப்படும்
அலங்கார்த்தில் தான்
எத்தனையே அற்புதங்கள்
மெய்கள் இங்கே முதிர்க்கன்னிகளாக

வாய்மை வெல்லும் என்ற வார்த்தைகள்
வாசிப்பதற்கு மாத்திரமே
உள்ளங்களில் ஊன்றப்படும்
உவமைகள் யாவுமே கலப்பு கலந்ததே!

 » Read more about: யாரைத்தான் நம்புவதோ…  »