சிறுவர்கள் உலகம் புது உலகம் – பெரும்
சாதனை படைக்கும் தனி உலகம்
வறுமையின் துயரம் உடன் விலகும் – புது
வசந்தங்கள் தந்தே பூ மலரும்!
இது மழலைகள் பருவம்
சின்ன நிலவுகள் உருவம் – என்றும்
பாழ் நிலவாய்ப் பாரில் தாவி ஒளி கொடுப்போமே…
பட்டாம் பூச்சி போலே நாங்கள் சிறகடிப்போமே…
பார்வை போகும் தூரம் வரை பறந்து செல்வோமே…
மொட்டாய் மலர்ந்து சிட்டாய்ப் பறந்து மணம் கொடுப்போமே…
மோதல் இல்லா உலகம் ஒன்றை நாம் படைப்போமே…
நாட்டுக்கேற்ற பிள்ளைகளாக நாம் வளர்வோமே
நானிலமே போற்றும் படி நாம் மலர்வோமே
பாட்டுப்பாடி ஆட்டம் ஆடி மனம் மகிழ்வோமே
பாலரில் தொடங்கி பல்கலை அறிவைத் தேடிவோமே
காற்றைப்போலே சுதந்திரமாய் நாம் பறப்போமே
கருணையுள்ள மனங்களிலே குடியிருப்போமே
ஊற்றைப் போலே நாளும் அறிவை உடன் வளர்ப்போமே
உண்மை நேர்மை அன்பை நாமும் சுமந்திருப்போமே
உண்மை நேர்மை அன்பை நாமும் சுமந்திருப்போமே
பெற்றார் பெருமை பேணும் வகையில் உயர்ந்திடுவோமே
பெரியோர் தமை நாம் மதித்து வாழ்ந்திடுவோமே
கற்றார் மகிமை ஓங்க நாமும் படித்திடுவோமே
காலம் அறிந்து அறிவை நாளும் வளர்திடுவோமே
