பதினைந்து வயதினிலே
        பலகனவு எனக்குண்டு,
உதிரமது ஊறுகின்ற
        உன்னதத்தின் காலமது,
எதுவுமில்லை உண்பதற்கு
        எப்படியூறும் உதிரம்தான்,
விதியென்றே பள்ளியிலே
        விளையாட மனமுமில்லை.

கட்டணத்தில் படிக்கின்ற
        காலமொன்று இருந்ததாலே
எட்டாவது மாதத்திலே
        எனக்குக்கட்ட பணமுமில்லை,
சட்டப்படி பள்ளியிலே
        சேர்க்கவுமே மறுத்தார்கள்,
தொட்டெடுத்துப் புத்தகத்தைத்
        தூக்கிசென்றேன் மரத்தடிக்கு.

என்னைப்போல் இன்னொருவன்
        இணைந்திட்டான் சுற்றுதற்கு,
புன்னைமர நிழலடியில்
        போக்கினோம் நேரமதை,
கண்ணைமூடி படுத்திருந்தோம்
        கதைகள்பல பேசிவந்தோம்,
மணியடிக்கும் வேளையிலே
        மயங்கியபடி வீட்டுக்கு,

இப்படியே சிலநாட்கள்
        இன்னல்களைச் சந்தித்து
எப்படியும் பள்ளிக்குள்
        இருவருமே சென்றிட்டோம்,
தப்பாமல் பாடங்களைத்
        தவறாமல் கேட்டுவந்தோம்,
உப்பில்லா கஞ்சியுமே
        உணவாக வாய்க்காமல்.

பள்ளியிறுதித் தேர்வுவரைப்
        பயின்றுவந்தோம் ஒன்றாக,
துள்ளியெழும் மான்போல
        தொடரவில்லை விளையாட்டை,
அள்ளிவந்த விதியாலே
        அவனானான் கோடீசுவரன்,
எள்ளிநகை யாடபலர்
        எளிமையாய்க் கவிஞனானேன்.


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

பெண்ணான வெள்ளிப்பூ

சீற்றமிகு கண்ணகியும்
பொறுமையாய் இருந்தவளே
தூற்றுகின்ற செய்கைகண்டு
துர்க்கையாய் மாறினாளே..
ஆற்றல் மிகு மொழி கூட்டி
போற்றும் வழி மலர்ந்தாளே
மாற்றம் ஒன்று வேண்டுமென
மதுரைக்குள் நுழைந்தாளே..

 » Read more about: பெண்ணான வெள்ளிப்பூ  »

மரபுக் கவிதை

கஜா புயல் கோரத்தாண்டவம் — ஆழ்மனத்தின் மொழி !!

புயலாலே உருக்குலைந்து புலரவில்லை எம்வாழ்வு .
மயங்கியுமே வீழ்ந்தோமே மறுவாழ்வும் இல்லையினி .
பயம்கொண்ட நெஞ்சத்தைப் பாதுகாப்போர் யாருண்டு 
பயன்பட்ட நிலமெல்லாம் பாழ்பட்ட சோகமிங்கே !!

ஆசையாக வளர்த்தோமே அழகழகாய்த் தென்னையினைப்
பாசமாக வைத்திட்டப் பனைமரங்கள் காணலையே !

 » Read more about: கஜா புயல் கோரத்தாண்டவம் — ஆழ்மனத்தின் மொழி !!  »

புதுக் கவிதை

பேரொளி பிறந்தது!

பேரொளி பிறந்தது
காரிருள் மறைந்தது!

பாரெலாம் தீன் ஒளி
பரவிப் பளிச்சிடப்
பூரணமாகி யோர்
புத்தொளி பிறந்தது!
காரணர் முஹம்மத்
எனுமொரு குழந்தை
ஆமினா வயிற்றில்
அழகாய்ப் பிறந்தது!

 » Read more about: பேரொளி பிறந்தது!  »