வாய்க்கா கரையோரம்
வரப்பு மேட்டோரம்
ஒத்தமாட்டு வண்டியிலே
ஒத்தையடி பாதையிலே
ஒண்டியா போகையிலே
ஓரம் போறம் பாக்கையிலே
மச்சான நினக்கியிலே
தடமும் தெரியல நேரமும் தெரியல!

சின்னாள பட்டு சேலையே
இடுப்புலதான் சொறுகையிலே
மச்சானின் நெனைப்பையும்
சேத்துதான் சொருகுனேன்
கோடாலி கொண்டையிலே
மருக்கொழுந்து வெக்கையிலே
மச்சானின் வேர்வை சொகம்
வேகமா வந்துருச்சே!

கள்ளிப் பழக் காட்டுக்குள்ளே
கடிச்சுக் கொஞ்சம் பாத்தேனே
பரிசம் போடும் முன்னால
நெனச்சுப் பாத்து கொஞ்சையிலே
தித்திப்புதான் பத்தலையே
வெள்ளரி கடிக்கையிலே
உம் முத்துப் பல்லதான்
நெனச்சுப் பாத்து சிரிச்சேனே!

அரளிப்பூ ஆடையிலே
செவத்த மச்சான் மூஞ்சிய
நாங்கண்டு ரசிச்சேனே
நெல்லு நாத்தெல்லாம்
நீ சாஞ்சு நடந்தாப்புல
என்னைப் பாத்து ஆடுதே
சீண்டி போன ஊதாக் காத்தும்
இடுப்புச் சதை குறுகுறுக்க
அகத்திக் கீரை ஆயலையிலே
கொஞ்சப்போயி கடிச்சுவைக்க
தன்னந்தனியா இந்தச் சிறுக்கி
மனசுக்குள்ளே கிச்சு கிச்சு!

கடகடன்ன்னு பாதையிலே
வண்டிச் சத்தம் கேக்கையிலே
விவரங்கெட்ட மனுஷன்
விலகிப்போன துணியைப்பாத்து
குறும்போட கொக்கரிச்சான்
தன்ன மறந்து கத்தியில
விரலைத்தான் அறுத்துக்கிட்டேன்!


மறுமொழி இடவும்

உங்கள் மின்னஞ்சல் வெளியிடப்பட மாட்டாது

Related Posts

மரபுக் கவிதை

கண்மணியே நீவாழி!

மணமுடித்த மங்கையே நீவாழி!
மங்கலம்நிறை தங்கையே நீவாழி!
கனவுயாவும் நிறைவேறி நீமகிழ
காட்சிதரும் கண்மணியே நீவாழி!

புகுந்தவீடு புகழ்பெற்றல் போலுனது
பிறந்தவீடு மனமகிழவும் செய்திடணும்,
கண்ணிறைந்த கணவனவன் செயல்களிலே
கட்டாயம் உன்விருப்பம் கலந்திடணும்.

 » Read more about: கண்மணியே நீவாழி!  »

மரபுக் கவிதை

எழுகின்ற விடியல்

எழுகின்ற விடியலிலே இனிமை வேண்டும்
      ஏரியிலே தூயதண்ணீர் ஓட வேண்டும்
உழுகின்ற நிலத்தினையும் காக்க வேண்டும்
      உணவினிலே விடங்கலக்கா தர்மம் வேண்டும்
இழுக்கல்ல போராட்டம் தெளிதல் வேண்டும்
 

 » Read more about: எழுகின்ற விடியல்  »

குடும்பம்

சிறுவர்கள் உலகம்

சிறுவர்கள் உலகம் புது உலகம் – பெரும்
சாதனை படைக்கும் தனி உலகம்
வறுமையின் துயரம் உடன் விலகும் – புது
வசந்தங்கள் தந்தே பூ மலரும்!

இது மழலைகள் பருவம்
சின்ன நிலவுகள் உருவம் – என்றும்
பாழ் நிலவாய்ப் பாரில் தாவி ஒளி கொடுப்போமே…

 » Read more about: சிறுவர்கள் உலகம்  »