201601151215.jpgதமிழருக்கு திருநாளாய் பொங்கல் என்று
தமிழ்நிலத்தில் உழுதவர்கள் சொல்லும் போது
தமிழருக்குக் கேடுசெய்யும் திரா விடத்தான்
திராவிடர் திருநாளாக சொல்லு கின்றார்

இமியாவும் அறிவின்றி இயக்கம் செய்யும்
இருள்மனத்து சோரமணி செய்கை கண்டும்
உமிபோல காத்தவனை முளைக்க செய்யும்
உதவாத கறைநீக்க முயல வேண்டும்

தமிழனல்லா திராவிடத்தான் பொங்கல் தன்னை
திராவிட  திருநாளாக சொல்லும் போது
தமிழனாக இருப்போர்கள் தடுக்க வேண்டும்
தம்பதவி காத்திடவே அமைதி காத்து
201601151215.jpg
தமிழருக்கே இரண்டகத்தை செய்யும் பேதை
திசையெட்டில் வாழ்வதற்கு விடவே  வேண்டாம்
தமிழ்மானம் இல்லாதான் வாழு தற்கு
தகுதியில்லான் என்பதினை எண்ண வேண்டும்

தமிழ்மானம் இல்லாதார் தமிழ கத்தில்
திராவிடத்து நச்சுதனை நுழைய விட்டு
தமிழ்மண்ணை மாசாக்கும் செய்கை தன்னை
தணலெனவே நிமிர்ந்திங்கே எதிர்க்க வேண்டும்

தமிழனல்லா திராவிடத்தான் தமிழி னத்து
தலைவரென்று சொல்லுகின்றான் தடுக்க வேண்டும்
தமிழின்றி திராவிடத் தலைவரென்றே தான்
தமிழகத்தில் சொல்லுதற்கு தயங்கு கின்றான்

 


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

பெண்ணான வெள்ளிப்பூ

சீற்றமிகு கண்ணகியும்
பொறுமையாய் இருந்தவளே
தூற்றுகின்ற செய்கைகண்டு
துர்க்கையாய் மாறினாளே..
ஆற்றல் மிகு மொழி கூட்டி
போற்றும் வழி மலர்ந்தாளே
மாற்றம் ஒன்று வேண்டுமென
மதுரைக்குள் நுழைந்தாளே..

 » Read more about: பெண்ணான வெள்ளிப்பூ  »

மரபுக் கவிதை

கஜா புயல் கோரத்தாண்டவம் — ஆழ்மனத்தின் மொழி !!

புயலாலே உருக்குலைந்து புலரவில்லை எம்வாழ்வு .
மயங்கியுமே வீழ்ந்தோமே மறுவாழ்வும் இல்லையினி .
பயம்கொண்ட நெஞ்சத்தைப் பாதுகாப்போர் யாருண்டு 
பயன்பட்ட நிலமெல்லாம் பாழ்பட்ட சோகமிங்கே !!

ஆசையாக வளர்த்தோமே அழகழகாய்த் தென்னையினைப்
பாசமாக வைத்திட்டப் பனைமரங்கள் காணலையே !

 » Read more about: கஜா புயல் கோரத்தாண்டவம் — ஆழ்மனத்தின் மொழி !!  »

புதுக் கவிதை

பேரொளி பிறந்தது!

பேரொளி பிறந்தது
காரிருள் மறைந்தது!

பாரெலாம் தீன் ஒளி
பரவிப் பளிச்சிடப்
பூரணமாகி யோர்
புத்தொளி பிறந்தது!
காரணர் முஹம்மத்
எனுமொரு குழந்தை
ஆமினா வயிற்றில்
அழகாய்ப் பிறந்தது!

 » Read more about: பேரொளி பிறந்தது!  »