அவனை நான் அக்கா
என விளிப்பது அவனுக்கு பிடிக்கும்.

அவன் என் மூத்த சகோதரன்.

கொஞ்சம் கொஞ்சமாக
பெண்ணாகிக் கொண்டிருந்தான்.

படுக்கையில் விலகித்தெரிந்த
அவன் கொலுசுக் கால்களை
பார்த்துவிட்டு முதன்முதலில்
அதிர்ச்சியானவன் நான்தான்.

சலவை செய்த உணர்ச்சிகளை
அடுக்கி வைத்திருக்கும்
எங்கள் வீட்டு அலமாரியில்
அவனுக்கான பெண்ணுடை
இல்லவே இல்லை.

நான்தான் என்வீட்டின்
கதவாக இருந்தேன்.

என்னைத் திறந்து கொண்டுதான்
அவன் இறுதியாக வெளியேறிப் போனான்.

சக்தி சிலநேரம் தனித்திருக்கிறாள்.
சில நேரம் சிவனோடிருக்கிறாள்.
சக்தி சிவனோடிருக்கும்
வடிவம் அவன்.

புறப்படும்போது
பட்டுச்சேலை சரசரக்க
தலைநிறைய மல்லிகை சரத்தோடு
என் தலையில் கைவைத்து அவன்
ஆசிர்வதித்த போது,
என் கண்களில் வழிந்த கண்ணீர்
பூப்போல எடையற்றிருந்தது.


2 Comments

பெண்ணியம் செல்வக்குமாரி · ஆகஸ்ட் 14, 2017 at 6 h 08 min

இந்தக் கவிதை அரவாணியரின் உள்ளுணர்வுகளைப் புலப்படுத்துவதாக அமைகிறது. அவர்கள் உறவுக்காய், பாசத்திற்காய் ஏங்குபவர்கள், தினசரி வாழ்வுக்கு அல்லாடுபவர்கள். அவர்களின் வலியையும் எடுத்துரைத்த கார்த்திக் திலகனை பாராட்டுகிறேன்.

கவிவாணன் · ஆகஸ்ட் 14, 2017 at 13 h 24 min

என் கண்களில் வழிந்த கண்ணீர்…
எடை மிகுந்து குளமாகியது!
பாராட்டுகள் கார்த்திக்…

மறுமொழி இடவும்

உங்கள் மின்னஞ்சல் வெளியிடப்பட மாட்டாது

Related Posts

புதுக் கவிதை

வீடுபேறு உடைய வீடு

கிளைகள் அடர்ந்த தனிமரம்தான் அது
தன் விழுதுகளை நம்பியே
நிமிர்ந்து நிற்கும் அரைநூற்றாண்டாக …

அதன்கிளைகள் மேல் பசிய இலைகளாகப் படர்ந்தன கிளிகள்…
லட்சோபலட்சம் பைங்கிளிகளின்
ஆராவாரிக்கும் சப்தம் எண்திசையெங்கும் பறக்கச் செய்கிறது.

 » Read more about: வீடுபேறு உடைய வீடு  »

குடும்பம்

சிறுவர்கள் உலகம்

சிறுவர்கள் உலகம் புது உலகம் – பெரும்
சாதனை படைக்கும் தனி உலகம்
வறுமையின் துயரம் உடன் விலகும் – புது
வசந்தங்கள் தந்தே பூ மலரும்!

இது மழலைகள் பருவம்
சின்ன நிலவுகள் உருவம் – என்றும்
பாழ் நிலவாய்ப் பாரில் தாவி ஒளி கொடுப்போமே…

 » Read more about: சிறுவர்கள் உலகம்  »

புதுக் கவிதை

ரோஹிங்காஒரு கண்ணீர்க் காவியம்

 

கண் வலிக்கும் ரோஹிங்காவின் காட்சி பல கண்டு
கவி வரைந்தேன் என் மனதில் ஆற்றாமை கொண்டு
புண் முளைக்கும் இதயத்தில் மக்கள் துயர் எண்ணி
புகலிடத் திலும் பருக இல்லைத் துளித் தண்ணி
விண் முழக்கம் போல் விழுதே வெடியெறி குண்டு
விலை மதிக்க முடியாத உயிர் பல கொன்று
மண்ணறைக்குள் புதைக்கவில்லை தீயினிலே இட்டு
மனித ரத்தம் குடிக்கின்றார் மக்களினைச் சுட்டு!

 » Read more about: ரோஹிங்காஒரு கண்ணீர்க் காவியம்  »