கறுப்பு நிறத்தழகி !
இயற்கையின் நிறத்தினை
இயல்பானத் தரத்தினை
இருளின் வடிவாக
இருக்கப் பெற்றவளே !

கருப்பை இருப்பைக்
கவர்ந்து ஈர்த்து
கறுப்பை நிறமாய்க்
காலத்தில் பெற்றவளே !

உடலோ கறுப்பு
உதிரமோ சிவப்பு
கட்சியில் இதுதானே
கழகத்தின் சிறப்பு !

பேரழகி உன்னைப்
பார்த்தால் போதும் ,
தார்ரோடு என்றும்
தலைகவிழ்ந்து கிடக்கும் .

அடுப்புக்கரி தோற்றுவிடும்
அணங்குஉன் முன்னாலே ,
அட்டக்கறுப் பென்பது
அகிலத்தில் இதுதானோ !

வடைச்சட்டி போட்டியிட
வந்திடுமா உன்னருகில் ?
கடைக்கண் மையுமே
கையெடுத்துக் கும்பிடுமே !


2 Comments

ஜவ்வாது முஸ்தபா · மார்ச் 30, 2017 at 16 h 17 min

மிக அருமை சார்..
இனிய வாழ்த்துகள்.
உங்கள் கவிதையில் கறுப்பு நிறம்
அது கலங்கமற்ற நிறமென ஒரு உணர்வு மேலிடுகிறது.

சுசிமணாளன் · ஜூன் 2, 2017 at 15 h 14 min

பேரழகி உன்னைப்
பார்த்தால் போதும்,
தார்ரோடு என்றும்
தலைகவிழ்ந்து கிடக்கும்!

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

புதுக் கவிதை

பேரொளி பிறந்தது!

பேரொளி பிறந்தது
காரிருள் மறைந்தது!

பாரெலாம் தீன் ஒளி
பரவிப் பளிச்சிடப்
பூரணமாகி யோர்
புத்தொளி பிறந்தது!
காரணர் முஹம்மத்
எனுமொரு குழந்தை
ஆமினா வயிற்றில்
அழகாய்ப் பிறந்தது!

 » Read more about: பேரொளி பிறந்தது!  »

புதுக் கவிதை

அழகிய மணாளன்..

மழைக்கால ஓரிரவில்..
உதிர்த்துக் கொண்டிருந்தது
வெண்ணிறப் பூக்களை மேகம்..

உலவும் காலத்தில் உயிர்த்தோழியுடன்
பறிக்கும் உயிரை அவனது வசீகர கண்கள்..
காரணம் தேடும் மனம்
ஊர் சுற்ற..

 » Read more about: அழகிய மணாளன்..  »

புதுக் கவிதை

கன்னியின் கண்ணீர்

காலம் கனியுமா
கனவுகள் பலிக்குமா
கவலைகள் கலையுமா
கன்னி மனம் மகிழுமா!!

தண்ணீரில் மீன்
அழுதால் தெரியுமா
கண்ணீரில் போடும்
கோலம் நிலைக்குமா!!

 » Read more about: கன்னியின் கண்ணீர்  »