கூந்தலினைப் பின்னிப்போட்டவள்
கூடதடுக்கையையும் பின்னுறாள்.
ஆசையாகப் பின்னும் எதிலுமே
ஆனந்தம் பொங்கி வழியுமே!
உழைத்துக் கருத்துப்போனவள்,
உள்ளம் வெளுத்துப்போனவள்.
கள்ளமில்லா நெஞ்சத்தில் ;நாளும்
கருணைமழைப் பொழிபவள்.
வெள்ளைச் சிரிப்பு இவளது
உள்ளம்தன்னைக் காட்டிடும்.
செய்யும் தொழிலைத் தெய்வமாய்
ஐயமின்றி நம்பும் தேவதை .
வருமானத்தில் வாழ்க்கையை
வளமாகவே நடத்திடுவாள்.
ஏழை இவளின் சிரிப்பிலே
இறைவன் இருப்பதை நம்புவோம்.
கோழை உள்ளம் மாறவே
கொடுத்துப் பணியும் ஆற்றுவோம்.
இருப்பதை வைத்துப் பெருமையாய்
இவளி ருப்பதைக் காணுங்கள்
பொறுப்பாகப் பணியும் புரிந்து
புவிய னைத்தும் பேணுங்கள்.
